كوبونات الراقية تسجيل الدخول

جـــداويـــــــــة
جـــداويـــــــــة •
مو مهم مو مهم :
عندك يلدوزلار لسا حضرت ملكة قريبتي يوم الخميس كان الاكل لزييز.... وبالنسبة للتورتات الدانوب.. وحدة من البنات قالتلي الجونة بس ماادري كيف!!!
عندك يلدوزلار لسا حضرت ملكة قريبتي يوم الخميس كان الاكل لزييز.... وبالنسبة للتورتات...
السلام عليكم و رحمة الله و بركاته ..

أختي مو مهم ..
هلا بيكي معانا يا قمر :)
سلامة عيونك :26:

بالنسبة للمصورة إللي قلتي عنها أظن
مرت عليا أو شوفت محلها ..
بس ما قد شوفتها ولا جربتها بصراحة ..
إذا رحتي و شوفتي شغلها قوليلنا كل شي عنها
بالتفصيل :)

بالنسبة لمكواة الشعر ..
شكلك أشتريتي إللي بالموية ..
إللي لونها أبيض و تعبيها موية و بعدين تحطي
خصل الشعر في النص و تقفلي عليها و ينفرد
الشعر بالبخار حق الموية ( المفروض ) !!
هي دي ؟؟
أنا أشتريتها من سنتين تقريبا و قرفتني !!
و لا على قد ما تشوفي في الدعاية الشعر حرير :09:
بس لمن أشتريتها طلعت :09: :09:
حتى لو فردت .. تفرد شي بسيط و زي قلته و يبغالها
وقت طويل ..
و على قولك غير اللسعات ..
و الخوف من ضربة الماس !!

بس إللي بيقولو عليها البنات ( سيراميك ) و تشتغلي
بيها عالشعر الناشف ..
و في موضوع كتبو عن نوع
يشتغل عالشعر الناشف و المبلول ..
شوفي اللينك في الموضوع القديم ..
و شوفي إللي قالت عنها أم الوسيم
الله يعطيها العافية ..

تحياتي ..
جــــــــداويــــــــــــة
جـــداويـــــــــة
جـــداويـــــــــة •
مو مهم مو مهم :
عندك يلدوزلار لسا حضرت ملكة قريبتي يوم الخميس كان الاكل لزييز.... وبالنسبة للتورتات الدانوب.. وحدة من البنات قالتلي الجونة بس ماادري كيف!!!
عندك يلدوزلار لسا حضرت ملكة قريبتي يوم الخميس كان الاكل لزييز.... وبالنسبة للتورتات...
السلام عليكم و رحمة الله و بركاته ..

أختي evoon ..
هلا بيكي يا قمر :26:
و مبروك على أختك الله يتمم لها على خير
إن شاء الله :icon28:

بالنسبة للصبابة قصدك يعني مباشرات ؟؟
أنا ما أعرف ناس معينين ..
بس لو تبغي رأيي :)
جيبوهم من فندق أريح لكم و أرتب بكتير :)

و لو كنتو مسويين الملكة في البيت ..
و عندكم حوش أو سطوح كبير ..
جيبو الخدمة كلها من الفندق و ريحو راسكم ..
طاولات و كراسي و مفارش و تباسي و فضيات
و كاسات و فناجين و كل شي .. و المباشرات ..
+ البوفيه و معاه كيكة العروسة ..
و أعتقد كمان تجي مشرفة معاهم ( أعتقد ) ..
يعني يسوو لكم خدمة فندقية 100%
يسير البيت كأنه قاعة أو فندق ..
و يجوكم بقهوتهم و شاهيهم و عصيراتهم و كل شي ..
و شي يشرف و يبيض الوجه ..
حتى لو بس تجيبو الخدمة و البوفيه من عندهم ..
مو شرط الطاولات و الكراسي خصوصا إذا كانت
صوالينكم كبيرة ماشاء الله ما يلزمكم غير الخدمة
و الضيافة و البوفيه و توابعهم ..

و بالنسبة للبوفيهات ..
الفنادق أضمن شي و أرتب شي ..
و شوفو فندق أبو زيد أسعاره طيبة ..
و يقولو أكلهم مرة لذيذ ..
بس للحق أنا بصراحة ما قد جربتهم ..
و أكل الدار البيضاء مرة لذيذ و سمعتهم معروفة ..
و إذا ما تبغو فندق عندكم مطعم شامي ..
قبل فترة رحت شامي إللي عالبحر و لقيتهم
كاتبين إنهم يسوو بوفيهات و أفتكر كانو كاتبين سعر
رخيص أو مقبول .. بس ماني فاكرة كم ؟؟
و البيادر كمان يسوو بوفيه بس ما أدري كيف شغلهم ..
و أعتقد أغلب المحلات الكبيرة يسوو بوفيهات ..
بس بصراحة ما قد جربت غير فنادق معينة ..
عشان كدة ماني قادرة أفيدك كتير أعذريني :)

و كيكة العروسة ما تغلبو فيها ..
عندك محلات الكيكات و الحلويات و السوبرماركتات
الكبيرة و الفنادق .. كلهم يسوو كيكة العروسة :)
و أحسن لكم أطلبوها من نفس المحل إللي حتجيبو منه
البوفيه لأنه يوصلها لكم مرة واحدة و يريحكم ..

و أي خدمة نحنوو هنا :)

تحياتي ..
جــــــــداويــــــــــــة
جـــداويـــــــــة
جـــداويـــــــــة •
مو مهم مو مهم :
عندك يلدوزلار لسا حضرت ملكة قريبتي يوم الخميس كان الاكل لزييز.... وبالنسبة للتورتات الدانوب.. وحدة من البنات قالتلي الجونة بس ماادري كيف!!!
عندك يلدوزلار لسا حضرت ملكة قريبتي يوم الخميس كان الاكل لزييز.... وبالنسبة للتورتات...
السلام عليكم و رحمة الله و بركاته ..

أختي Abaaar ..
هلا يا قمر عاش من شافك ..
كيف حالك ؟؟

معليش أعذريني أتأخرت عليكي بس والله مشغوووولة
أدعيلي :06:
و أبشري إن شاء الله بالرد :)

تحياتي ..
جــــــــداويــــــــــــة
جـــداويـــــــــة
جـــداويـــــــــة •
مو مهم مو مهم :
عندك يلدوزلار لسا حضرت ملكة قريبتي يوم الخميس كان الاكل لزييز.... وبالنسبة للتورتات الدانوب.. وحدة من البنات قالتلي الجونة بس ماادري كيف!!!
عندك يلدوزلار لسا حضرت ملكة قريبتي يوم الخميس كان الاكل لزييز.... وبالنسبة للتورتات...
السلام عليكم و رحمة الله و بركاته ..

أختي أحلام كبيرة ..
هلا بيكي يا قمر :)

Mac تلاقيه في سوق حراء ..
و في التحلية سنتر ..
و ما أدري إذا له فرع تاني ..
بس أعتقد مافي غيرهم هدولا الإتنين ..

و ماك و فور إيفر تقريبا زي بعض ..
و يعتبرو من أحسن الماركات ..
و أسعارهم تقريبا متقاربة ..
أنا شخصيا أشتريت منهم الإتنين :)
و الحمدلله عاجبتني و مرتاحة لها الحمدلله ..

و أي خدمة نحنوو هنا :)

تحياتي ..
جــــــــداويــــــــــــة
جـــداويـــــــــة
جـــداويـــــــــة •
مو مهم مو مهم :
عندك يلدوزلار لسا حضرت ملكة قريبتي يوم الخميس كان الاكل لزييز.... وبالنسبة للتورتات الدانوب.. وحدة من البنات قالتلي الجونة بس ماادري كيف!!!
عندك يلدوزلار لسا حضرت ملكة قريبتي يوم الخميس كان الاكل لزييز.... وبالنسبة للتورتات...
السلام عليكم و رحمة الله و بركاته ..

معليش أتأخرت عليكم ..
بس زي ما وعدتكم جبت الدفتر و جيتكم ..
و معليش حأشرح لكم بطريقتي و أهم شي
توصلكم المعلومة و تفهمو قصدي :)

** ترى هادي الحاجات كلها تقدرو تشتروها
من السوبرماركت و الصيدلية ..
فروحو سوبرماركت كبير و صيدلية كبيرة
عشان تلاقو كل الحاجات و تخلصو منها بسرعة ..
( و تقدرو كمان تشتروها من أماكن زي نزيه
و محلات تجهيز الصالونات و بودي شوب و زهور الريف
و فيكتوريا سيكريت و محلات العناية بالجسم أو حتى العطار )
حسب ما إنتو والفين و إللي متعودين تستعملوه ..

نبدأ بسم الله الرحمن الرحيم :
لستة الأغراض الشخصية :
النظافة الشخصية :
* شامبو ..
* بلسم ..
* شاور جل ( بعض الأنواع فيها مقشر للجسم ) ..
* ديتول الأخضر حق الجسم ( أحيانا ينفع لحاجات معينة ) ..
* صابون عادي ..
* صابون مغربي ..
* مزيل لرائحة العرق ( أو شبة ) ..
* ليفة جسم ..
* ليفة مغربية ..
* معجون أسنان ..
* فرشاة أسنان ..
* أعواد أسنان ..
* خيط تنظيف الأسنان ..
* غسول للفم ( مضمضة عشان تغيير ريحة النفس ) ..
* أعواد الأذن ..
* أعواد القطن الخاصة بالمكياج ..
* قطن مدور - للوجه والعيون - ..
* قطن عادي - للأسيتون و أشياء تانية - ..
* بودرة جونسون ..
* كولونيا جونسون للأطفال ( ريحتها ناعمة و خفيفة
زي كولونيا الليمون و تنفع في الصباح أو في الليل
إذا مالكم مزاج تتعطرو بعطور قوية :) ) ..

كريمات و مرطبات :
* كريم للوجه ( نهاري أو مسائي أو عادي ) ..
* كريم أو جل حول العيون للهالات السوداء
و تنفيخ العيون ..
* كريم للجسم ..
* كريم لليد و الرجول ..
* مرطب شفايف ..
* زيت جونسون ..
( المهم كريمات و مرطبات إنتو متعودين تستخدموها
و كل وحدة و إللي يريحها )

أدوات العناية بالوجه :
* مزيل مكياج سائل ..
* مناديل لإزالة المكياج ( للطواريء ) ..
* فازلين ( ينفع في إزالة المكياج إللي ما يطلع ) ..
* غسول للوجه ..
* مقشر ناعم للوجه ..
* تونك أو تونر للوجه ..
* فرشاة أو إسفنجة تنظيف الوجه ..
* ماسك منظف و مرطب للوجه ..
* لصقات إزالة الرؤوس السوداء ..
* جولان أو أي مـشقـر ..
** كمان شمع أو إللي زي المخمل إللي يشيلو
بيه الشنب و برضو تنفع له الحلاوة أو الملقاط
أو مكينة البراون في حالات الطواريء !!
لأن الشنب شكله محرج إذا طلع :(
** كمان ممكن تشترو كمادات العيون إللي جوتها
مادة و تتبرد و تتحط عالعيون عشان تخفف
من نفخة العيون و الإرهاق و تريح العين ..

أدوات الشعــر :
* حمام زيت ..
* سيروم ..
* جــل ..
* رغـوة ..
* سبراي ( مثبت للشعـر ) ..
* ممكن تشترو السبراي إللي فيه إكليل ..
( ممكن تاخدو سبراي قوي وثابت للخروج و سبراي
خفيف أو طبيعي للإستعمال اليومي إذا يلزمكم ) ..
* كريم للشعـر ( عادي ) أو كريم للسيشوار ..
* بخاخ زيت للشعـر ( ملمع و منعم للشعـر ) ..
* إللي تبغا تشتري زيت لشعرها براحتها
بس أنا أحسها صعبة و محرجة شويتين !!
* صبغة ملونة تروح بالغسيل ( من باب التغيير
شفت بنات أختي يلعبو بيها و عجبتني :) ) ..

أدوات المانيكير و الباديكير :
( غالبا تلاقيها في منطقة واحدة في المحل
أو تلاقيها تتباع مجموعة كاملة في شنطة )
بس حأكتب لكم الأهم :
* مقص أظافر صغير لليد ..
* مقص أظافر كبير للرجل ..
* أداة إزالة الجلد حول الأظافر ..
* مقص إزالة الجلد حول الأظافر ..
* مبارد ( الأفضل إللي زي الخشب أو الكرتون
لأنه الحديد يعدم الأظافر ويقصفها ) ..
* حجر لفرك كعب الرجل و تنعيمها أو الأداة إللي
زي المبرد الكبير إللي تؤدي نفس الوظيفة ..
* ملمع أظافر ( من بودي شوب ) ..
* المادة إللي شكلها زي المناكير إللي تساعد في تطرية
الجلد الزائد حول الأظافر قبل قصه ..
* محلول مقوي للأظافر ..
* أسيتون ..

من الصيدلية :
1- مسحات طبية ( كحول ) ..
2- لصق جروح ( الأفضل إللي يكون فيه مضاد
حيوي و ضد الماء ) ..
3- مسكن للصداع ( بنادول أو إسبرين أو سولبادين
أو فيفادول ) المهم أي نوع مسكن متعودين عليه ..
4- زانـتــاك Zantac ( حق حموضة المعدة ) ..
5- إللي مسافرة تاخد معاها مضاد للغثيان ( إحتياطا )
زي Primperan ( بس أستشيرو دكتور أول !! ) ..
6- ملين للمعـدة لأني سمعت عرايس قالو جاهم إمساك
( أعزكم الله ) من الإحراج أو الحالة النفسية لأنهم لسة
ما أتأقلمو عالوضع الجديد و البيت الجديد ..
و أنا أعرف نوعين من الملينات ..
Agiolax زي الحبيبات يتأخد بالملعقة ..
هادا عادي و يشتغـل على مهله بس
مفعوله يشتغل بعد الأكل ..
و
Dulcolax دا حبوب مرة صغيرة بس لا تستهوني
بيها :23:
شوية قوي و يقربع البطن و ممكن يحطك في مواقف
بايخة بالذات لو كنتو برة البيت :23:
فممكن تاخديه و إنتي جالسة في البيت ..
>>>> و ممكن الملينات تسوي مغص أو وجع
في البطن و أحيانا غثيان أو غازات ..
فأشربي معاها نعناع أو كمون عشان يروق البطن ..
( و فيه كمان حبوب الفحم تهديء قربعة البطن
و الغازات عشان الإحراجات إللي مالها داعي :23: )
7- ممكن تحصل مشاكل في الهضم لاقدر الله
بسبب التوتر فإذا تبغي خدي معاكي مهضم ..
8- قطرة غسول للعين و مقاومة لجفاف العين
إسمها Refresh Plus عبارة عن غسول و مرطب
للعين و تجي علبة فيها زي الأمبولات صغيرة تستعملي
واحدة في كل إستعمال ..
9- بنج موضعي لشيل الشعـر ( إذا كان ضروري ) ..
10- إللي عندها أي علاجات أو أدوية أو مراهم أو بخاخ
أو قطرة أو أي شي لازم تستعمله تشتريه من بدري
و تخليه على جنب عشان لا تنساه مع الربشة ..

الأغراض النسائية :
1- حلاوة و أفضل نوع في رأيي ( شمسة ) ..
( أو ممكن شمع أو كريم أو بخاخ إزالة الشعر ) ..
2- أمواس حلاقة نسائية ..
3- كوتكس ( خدي كم حبة عشان الإحراج ) ..
4- كيرفري - فيه منه معطر و غير معطر -
( برضو خدي كم علبة منه لأنه يستهلك كتير
و يوميا كذا مرة عشان تضمني الطهارة بإذن الله
و خدي من العادي و خدي علبة أو علبتين
من المغلف حق الشنطة ) ..
5- غسول للمنطقة الحساسة و فيه منه أنواع
تقدري تشوفيها في الصيدلية و تسألي عن أحسن نوع :35:
أو تسألي أمك أو أختك أو صاحبتك ..
أو تستشيري دكتورة نساء إذا تقدري ..
وفيه برضو نوع قالت عنه أم الوسيم الله يسعدها
في الموضوع الأولاني ..
و عموما دي الحاجات ما تعرفي أيت أفضل نوع
غير لمن تجربيها بنفسك لأنه إللي يناسب غيرك
مو شرط يناسبك !!

أغراض جانبية :
* مكينة إزالة الشعـر ( نتف ) ..
* مكينة إزالة الشعـر ( حلاقة ) ..
( و في رأيي أفضل شي هي البراون ) ..
* ملقاط ( للطواريء و الشعر الصغير
مو للحواجب !! و أنا بريئة من إللي
تشتري الملقاط عشان تنتف حواجبها !!
اللهم إني قد بلغت .. اللهم فأشهد .. )
* مقص صغير ..
************************************

هادي للآن أحسن لستة عندي من خلاصة تجميع
لستات مختلفة من سنة و أكتر !!
جمعتها من إستعمالي الشخصي و صاحباتي و المنتدى
و الحاجات إللي كانت منسية و لقيتها قدامي في المحلات
لمن رحت أشتري :)
مالكم إلا تطبعوها و تروحو تشترو أغراضكم الخاصة ..
و إذا فيه شي ناقص زودو عليها ..

و أنا شخصيا أشتريت أغلب الحاجات الشخصية
من السوبرماركت و فيه حاجات ناقصتني يبغالي أرجع
و أشتريها و كمان باقي لي حاجات من الصيدلية ..
و أغلب الحاجات زي منظفات الوجه و الكريمات وغيرها
أخدتها من منتوجات جونسون و كلين آند كلير
( مابين قسم الكبار و قسم الأطفال ) ..
وفيه كمان جل مرطب للجسم من جونسون كتير مدحوه
و ريحته حلوة و لونه شفاف و فيه منه كذا نوع ..
و بعض الحاجات أخدتها من منتوجات أولاي ..
لأني جربت جل العيون حق الهالات السوداء قبل فترة
بس أياميها ما كان السواد حوالين عيوني كتير زي دحين ..
و كان يخفف لي تنفيخ عيوني حق التعب و الإرهاق ..
و جربت أولاي 7 توتال أفيكتس إللي يجيبوه في الدعايات ..
برضو طيب و حسيته ينظف الوجه بعد كم إستعمال ..
و الأشياء الباقية كلها تلاقوها في قسم واحد أو قسمين
في السوبرماركت و كلها مرصوصة جنب بعضها ..
و كلها حاجات بتستعملوها دايما !!
مالكم إلا تروحو و تخلصو من دي الأغراض في
يوم واحد !!
و مو كلها لازم تشتروها .. شوفو حسب إحتياجاتكم ..
بالذات الحاجات إللي من الصيدلية ..
و فيه بعض الحاجات ممكن تستغنو عنها ..
وفيه شي يغني عن شي ..
بس أنا زي ما قلت أول كتبت لكم كل إللي لقيته
قدامي و إللي قالولي و سمعت عنه ..
عشان إنتو تستفيدو منه بحسب حاجتكم ..

و ياااارب تستفيدو منها و تدعولي :)

تحياتي ..
جــــــــداويــــــــــــة