السلام عليكم و رحمة الله و بركاته ..
أختي roseslover ..
هلا يا قمر ..
مادام ما تحبي الخرابيط ..
يعني ما راح يعجبك شغل ذكرياتي ..
لأنه أنا ما عجبني من كتر الخرابيط
حقتهم !!
و برضو روحي و شوفي بنفسك و أحكمي ..
و إذا تبغي شي راقي روحي لسوازن باعقيل ..
صورها حلوة و حركاتها حلوة ..
و تصويرهم ديجيتال ..
و ضاوية كمان صورها روعة و صافية ..
بس مو ديجيتال ..
و أنا جبتها في ملكتي و ماشاء الله تبارك الله
الصور حلوة و روعة و صافية و واضحة
بشهادة الكل الحمدلله ..
و ما تسوي لك أي شخاميط و خرابيط في الصور ..
تاخدي الصور على طبيعتها ..
بس صافية و حلوة و فيها نقاء عجيب ..
و حجم الصور حقتها مرة حلو كبير و واضح ..
و أهلي و قرايبنا دايما يتعاملو معاها ..
و في كل فرح تلاقيها ..
و يمدحو سامية برضو ..
بس برضو غالية ..
و فيه مصورات كتير حلوين ..
بس سيبيكي من هدولا المدامات ..
أنا مرة أخاف منهم لأنهم يشتغلو بدون رخصة !!
و ماتدري عن ذمتهم و ضميرهم كيف !!
أستغفر الله العظيم من ذنبهم ..
و عموما في الأول و الأخير ..
يعتمد على ميزانيتك إللي إنتي مخصصتها
للتصوير ..
و قولي لسلافة عن أوباجي :)
ماهي راضية تصدقني الآدمية :(
تحياتي ..
جــــــــداويـــــــــــــة
السلام عليكم و رحمة الله و بركاته ..
أختي roseslover ..
هلا يا قمر ..
مادام ما تحبي...
أختي سلافة ..
كيف حالك يا قمر ؟؟
صحيح على قولك الكريمات تجيب فايدة في وقتها ..
بس هي كدة !!
يعني طول ما إنتي تعتني تلاقي بشرتك كويسة ..
و لمن تهمليها بشرتك حتتعب و تتغير !!
خصوصا لو كانت فترة توتر و قلق و نفسية تعبانة !!
أنا عندي وحدة من صاحباتي ماشاء الله تبارك الله
بشرتها زي المرايا وجهها و جسمها و أياديها و رجولها ..
جسمها كله ناعم و يلمع و صافي و مشدود ..
حتى وحدة شافتها معايا جننتني تقول لي روحي أسأليها
أيش تحط في جسمها !!
هي دايما تعتني و تسوي خلطات و حاجات طبيعية و حمامات
و زيوت و كريمات و تستعمل حاجات غريبة ..
بس ما تهرج و لا تقول أيش تستعمل و كيف تسوي :09: !!
بس كل من شافها يقول وااااااااااو :32:
و أنا أيام أوباجي كانت بشرتي حلوة و صافية
ماشاء الله تبارك الله لا قوة إلا بالله ..
و كنت متحمسة عالعلاج عشان شوفت نتيجة حلوة ..
لكن شوفيني من بعد ما وقفت العلاج و سرت ما أهتم كتير ..
سارت بشرتي تقرف !!
أنا بنفسي قرفانة من نفسي :(
بالذات دي الأيام لأني أساسا نفسيتي تعبانة مرة ..
تحت عيوني مسود .. و طالعة لي الحبوب الحمراء
الصغيرة حقت القلق و النفسية الملخبطة و مالية
وجهي و ظهري و أكتافي و صدري ..
و كل مالها بتزيد و ماني عارفة أيش أسوي :06:
و أخدت مضاد حيوي عشان يسيطر عليها شوية ..
لكن ما أقدر أستعمل دواء قوي زي الرواكوتان ..
و كل مين يقول لي روقي روقي أرتاحي أرتاحي :09:
و أنا شوية و حأتجنن :23:
والله مرة مرهقة و نفسيتي تعبانة من التفكير
و القلق في حاجات كتيرة :44:
و كل ما أسوي شي أرجع و أشك و أقول
سويته ؟؟ ما سويته ؟؟ سويته ؟؟ ما سويته ؟؟
أشتريت ؟؟ ما أشتريت ؟؟ باقي ؟؟ مو باقي ؟؟ :confused:
و على دا الحال !!
و كل شوية يفكروني بشي أنا أكون بالمرة ناسيته !!
أو شي ما كنت حاسبة حسابه بالمرة ..
و كل شوية تنط لي شغلة مدري من فين !!
خليها على ربك يا بنت الحلال ..
أدعيلي :)
حتى شوفيني شبكت النت دحين و جالسة أكتب لكم
و أنا حواليني كل شي أكوام أكوام !!
أوراق و كروت و أكياس و علب و قرنبببببببببع !!
بس والله طفشت قلت خليني أطل عليكم وحشتووووووني ..
>>>> ترى إحساس غبي مرة كأنك بتنطردي من البيت !!
كلهم جالسين و إنتي بس إللي جالسة بتلمي عفشك لحالك :06:
تحياتي ..
جــــــــداويـــــــــــــة