عرايس وبنات الشرقية ساعدوني ...بليز..2007

مع صربعة الصفية والمناسبات واللي إحنا فيها طبعا كلنا ملينا من التحضير والتجهيز والتعذيب وكلنا نتمنى تمر المناسبة ونخلص...وأكيد بعد المعارك حامية الوطيس مع الخياطين والخياطات والمفاوضات العسكرية مع المصممين والمصممات والحروب الباردة مع منظمي الحفلات وبعد كتابة جميع المعلقات ما بين رثاء النفس وهجاء المذكور أعلاه...خارت قونا وضعفت جيوبنا والميزانية دمار...

وبطبيعة الحال بقيت الشغلات اللي لازم نخلصها بفترة محرجه وهي الأهم وأبيكم تساعدوني ونتبادل المعلومات
من غير جكر نسوان يعني إذا النصيحة نصيحة جد حلو و إذا حركات قشران إحنا تعبنا خلاص...


وياريت كل وحده تكتب الأسعار إذا تعرفها.... بنات الموضوع قائم على كيف ابيض الوجه وما اتخسر مو كيف ابذر فلوسي.....

ابي:::::رقم كوافيرة :شعر
مكياج.....وتطلع البيت.

اعرف ربيكا حلو شغلها ....بس محجوزة
جوزيان....حلو بس محجوزة.
رائدة ....يقولون حلو ...بس محجوزة.

اللي سمعت عنهم وابي ارقامهم....غروب,ماهرة,نادية,هاديه,مرام,هدى,هيام،عائشة,رجا ,مريم,صالحة,نور,علا
فتوح الفهد..ما أحب مكياجها بس حلو للخطوبة تطلعك بطله جديدة اوفر بس حلو كخطوبة مش كويتي 100%
اللي عندها رقم أي وحده من اللي قلت اساميهم تكتبه ونوع مكياجها وسعره.


ابي حنايه: ام فهد روووووعه بس محجوزة.


إضاءة : للعروس وللقاعة...سمير حلو بس غالي.
مره حضرت فرح كانت اضاءة مرة حلوووة بس نا سيه اسم المحل تقربا اسمه البيوت الخضرا او شي زي كذا اللي عندها معلومات عنه او رقمه تخبرني...

دي جي: سماح\حسام.. حلو بس غالي.
ابي دي جي رخيص...لان كلهم نفس الشي ما عادا الثنين اللي فوق ما يعملون ريمكسات هي كلها سي دي وشغل واحنا جايبين فرقه اصلا..

ابي محل يبيع جزم عاليه ومريحة ولالالاتقولون ناين ويست ولا ميلانو تعورني برجولي

ابي محل يبيع عدسات حلوين...خاطري بعدسة زي لون عدسات الموديل اللي مع عاصي حلاني او رمادي حلو واللي جربت المون لايت كيف طلعت حلوة؟؟؟ طيب انا عدسة عيني واسعه تضبط معي
لاني غالبا البس رمادي بدون فريم؟؟!!

ابي قطرة تنظف العين..شريت بروزالين بس عادي ما كني حاطه شي؟؟

×××××
الحين بكتبلكم كم شغله مفيدة جدا للصيف ولناس العجزانه ...انا بشرتي مختلطة

1. ليمون+ جليسوليد...كل يوم لمدة أسبوعين+ صابونة البابايا طبعا للجسم

2. زبادي+ عصير خيار.....للوجه مرتين بالاسبوع ...واذا انتي أخت عروس حطي عصير خيار كل يوم

3. ليمون+ بيكربونات....فرشي أسنانك فيه مرة بالأسبوع....اهم شي ضحكت البنت

4. رجووولك ...جليسوليد كل يوم

داومي عليها أسبوعين وادعي لي.
××××××××
نرجع للمحلات اللي فيها ضيافة حلوة لذيذة وأسعارها معقولة:

1. شوكلاته مكشوفة ....عند سمير اميس

2. تشيز كيك صغار عند المعامير

3. دونت ....عند دونت ودونت

4. شعبيات وكيك سواريه.....رحال

5. تمور الصالحية

6. حلاوة بحرينيه وسمبوسه حلوة من البحرين.....بنات دوركم كل وحدة تكتب اللي تعرفه

طبعا زي ما قلت اعر ف في محلات كثيرة بس انا ابي اشياء حلوة وسعرها معقول.

++++
اللي يبون يأجرون فساتينهم او يستأجرون اعرف محل بالدمام...اذا تبون راسلون..واذا ممكن احط اسمه خبروني

بالنهاية حبيت أقول... بعد هذا كله...طبيعة الحفلة بالآخر ترجع لقناعة العروس... يعني أختي تبي حفله كبيرة مشان كذا أنا اسأل....ومو معناها إني مقتنعة باللي يصير بالحفلات بذخ وترف ماله طعمه
وما اظن احد ينكر ياما نسمع ناس تسلفو مشان حق الكوشه 20000 ولا مشان فستان العروس 35000 غير الطاولات القاعه الخدمة الفرقة المكياج والجهاز والحركات الغريبة...على العموم
أنا أفضل الحفلة صغير والحاضرين ناس أحبهم ويحبوني...هم اللي بيفرحون لك جد وهم اللي بيشفون كل شي تمام وperfect وحبيت أقول رأيي لآن في بنات عندهم نفس القناعة بس يستحون يقولون ..يخافون يطلعون مش كلاس....اعرف ناس واجد من هالموديل...المهم..بس خفت البنوتات الصغار يقرون الموضوع وطبعا موضوع ورا موضوع وتتأصل فكرت حب المظاهر عندهم اكثر واكثر خصوصا مع كثافة الطرح الإعلامي لها في برامج التلفزيون...روت ل ب ..ام بي .وغيرها كثير.


أي صح ادري داخله عرض ...لأني جديدة بس انا من المتابعين خلف الكواليس.


Truth only :26: :26: :26: