عرسان وكل واحد بغرفه ؟؟؟؟؟؟؟؟؟؟؟؟؟؟؟؟؟؟؟؟

هلا حبيبتي

اول شي الف مبرووووووك وربي يتمم لكم بخير

بصراحه انا شايفه الموضوع شوي غريب ؟!!!

يمكن يمزح معاكي بيشوف وش رايك ؟؟؟؟

اما اذا كان يتكلم من جد حاولي تفهمين وجهة نظره يمكن حاط تصور او فكرة معينه بباله

واذا كان مصر على رايه وانتي تتكلمين معاه قوليله تصدق ماعمري شفت احد سواها ؟؟

اول مره اسمعها منك ؟؟ قوليها لا تستحين منه ...

وبعد الزواج محلوله انتي روحي نامي معاه قوليله اخاف لحالي ....

اول شي انتي افهمي منه الموضوع زين ؟؟

مبروك عالزواج اختي

اختي لازم تكونين صريحة وياه طلعي معاه بمكان هادي وفاتحيه بهالموضوع قوليله ليش تسوي جذي

اختي لا ترضين بالي قاعد يصير

انتي من حقج تنامين وياه

جذي كأنه هاجرج

كلميه واقنعيه ان الي قاعد يصير غلط

اولا الله يتمم لك على خير ان شاءالله

انا احس فيه غموض من رأيي تتاكدين من السبب اللي يعزلكم عن بعض

لايكون مريض لاقدرالله

ياليت تحاولين تبحثين معاه القضيه قبل الزواج افضل لك

والله يسهل اموركم ويسعدكم دنيا وآخره

انتي ماحاولتي تسألينه ليه يبغى ينام بغرفه بروحه ؟؟ وانتي بروحك ؟؟
بعدين حتى لو رزقكم ربي باطفال هيه فتره وراح ترجعين تنامين معه بنفس الغرفه
زوجي كان عنده ها الفكره لما كنت حامل كان يقول خلاص كل واحد بينام لحاله
لانه ماعمره شاف ابوه نايم مع امه
قلتله ها الكلام ماعندي ليه كل واحد ينام بحاله ويكون له عالمه الخاص
واقنعته بتغير ها الفكره لان فيه ناااس وربي تعدو الاربعين والزوج مايبغى ينام الا مع زوجته وربي انه قد زوج نص عياله
اجل لو دخلتي غرفته وهو مايبغاك تدخلين يقولك اطلعي من غرفتي << مدري جات على بالي

بصراحه شي غريب
اصلن حتى الغرب مايسوونها

الحل بيدك اذا انفتح الموضوع اسأليه قولي غريبه شتقصد كل واحد له غرفه لأن كل الي اعرفهم ينامون بغرفه وحده وجيبيها بروقان مو بعصبيه عشان مايعند
بعدين تأكدي من قصده يمكن هو مايقصد كذا يمكن قصده انو اغراضه الخاصه اوراقه كمبيوتره زي كذا لكن سريرين صعبه شوي
انتبهي لاتطاوعينه وبعدين يتعود عالجفا
وزي مايقولون اذا افترقت المخده افترقت الموده
انتوا ازواج ومعاريس لو مانمتوا بغرفه وحده متى بتنامون

الله يوفقك حبيبتي ومبروك الزواج :26: معليش تحمست شوي