عرسي باذن الله بعطلة الربيع ممكن مساعده تكفون

موفقة اختي وانشاالله ربي يوفقكي ومعليش اختي مااعرف عن الشرقية لاني ماني منها وانشاالله البنات الشرقية يساعدوكي

الله يجزاك الف خير اختي عزوووف
وهذاني أنتظر ردود خواتي:26:

ماشاء الله عليك أختي
كلام من ذهب ورأي سديد... الله يثبتك عليه
بودي أساعدك
لكن ماني بالمنطقة ولا حواليها
بس حبيت أذكرك أنه يوجد فرق بنات شباب تسوي الحفلات بدفوف وأناشيد مرة حلوة ... لا تتخيليها أناشيد عادية
لا وربي
أناشيد أفراح ووناسة وكلماتها مناسبة جدا وخالية تماما من أي خربطة وغزل يرضي الشيطان ويغضب الرحمن
صدقيني بتعجبك
خصوصا أنك بنت عاقلة وحريصة على رضى ربك قبل رضا الناس
الفرق هذي منتشرة عندنا بالرياض وكثير مبسوطين معاها
ياليتني أعرف إذا موجودة عندكم مثلها؟؟
أتوقع أكيد موجودة
حاولي تبحثي عنها وخليهم يسمعوك من أناشيدهم إذا تبي تتأكدي...
وربي يوفقك ويحرسك

ولك مني بهذا الوقت المبارك دعوة خالصة بأن يوفقك ربي في زواجك ويبارك لك في زوجك ويحفظك من كل شر و يسعدك طيلة حياتك

من جد أعجبتيني بتفكيرك الراااااااااااقي

يالغالية اول شئ انا ما عندي خبرة واجد بهالامور >> اجل ليه داخلة
بس ودي اهنيك على تفكيرك و احساسك بأخوانك الفقراء لان هذا الاحساس بدينا نفقده خصوصا العرايس .. الله يوفقك و يثبتك و يجعل عرسك احلى ليالي العمر مو بالفشخرة و البذخ لا بالترتيب و الاناقة و الذوق ..

بس انا من رايي انك تحطين دي جي اسلامي لان من عيوب الطقاقات ان طقهم ممكن يكون مش و لابد و ممكن يتأخرون و هذا صار بعرس وحدة من قريباتي ما بدو طق الا بعد ساعة و نص من دخول المعازيم و طول هذيك الفترة القاعة سكتة و كانو ماخذين 7000 ريال
و من مميزات الدي جي انك تقدرين تختارين اناشيد الافراح و الاغاني اللي كلماتها محترمة و تنسقينها زي ما تبين مو على مزاج الطقاقات اذا عجبهم طقوا حلو و لا مشي حالك

و في زفات روعة خليجية مدخلين عليها مؤثرات و طالعة خطيرة و مميزة و اظن تقدرين تشترينها من النت او جيبينها من الكويت او البحرين و شوفي موقع فناتق ممكن يفيدك

الله يوفقك و ييسر امرك يالحبيبة

مدري عن الطقاقات لاني من الرياض..

بس بالنسبه للكوشه التكلف الزايد فيها يخربها يعني روحي محل ورد ولا تقولين له انك عروس شوفي لك تشكيله ورد تليق في الباقه اللي بتشيلينها اذا بتشيلين يعني
وينسقها لك سواء تبغين ستاند يكون ورا الاريكة او جنبها
وعلى الاريكة نفسها تل ملون زي ديكور الطاولات والكراسي يعني مثلا عنابي بذهبي
او تركواز بذهبي

او فضي باصفر يعني انتي وتنسيق الطاولات




واذا تبغين الاجر اتصلي بمكاتب الدعوة يمدونك باشرطة وكتيبات زي مثلا 100 كتاب ب30-40 ريال
وحطيهم عالمغاسل بعد العشاء عشان بس اللي تبي تستفيد تاخذ لان التوزيع حرام فيه ناس ياخذونها ويرمونها تحت الطاولات او برا للأسف يعني وانا اقولها..
لكن احنا سوينا كذا بزواج بنت خالتي والله يبارك فيك ويوفقك بابن الحلال التقي الغني بحلال الله عن حرامه اللي يسعدك ويساعدك بدينك ودنياك ويرزقك الذريه الصالحه ويجعل بينكم موده ورحمه