عرسي بعد ان شاء الله 10 ايام ساعدوني ماعندي غير الله وغيركم

السلام عليكم بنات
مثل ما هو باين بالعنوان انو ع رسي قريب عقبال كل البنات يارب
بس مع هذا اني مو فرحانة ومحبطة ياريت تساعدوني وتخلوني احس طعم الفرح والله يجازيكم كل خير وينولكم الي ببالكم

اول سؤال شنو انسب طريقة لازالة شعر كل الجسم حتى يطلع من الجذور لان هاي مشكلتي من اول يوم بديت انتف الادين والرجلين وتحت الايد فقط (فاهمين قصدي) يعني بهاي الحالة الهم عندي صار ضعف, اني حاولت بالحلاوة وماطلع من الجذور يعني لمن امرر ايدي على المنتوف احس انو اني قصيت الشعر مو شلته, ونفس الشي بالواكس والمكينة مثل براون وغيرها وهاي المشكلة والله ماجاي تخليني انام الليل الله شاهد

السؤال الثاني شنو افضل واسرع طريقة اطلع بيها الشعر الي تحت الجلد بحيث لمن اشيل الشعر تطلع الرجلين مثل كل البنات الي اشوفهم هنا (لان الناس هنا يمشون من غير هدون خصوصا هسه بالصيف :( وهذا الي يزيد الطيب بله لان دائما احس انو بعد الزواج زوجي راح يبقى يقارن) الله يخليكم ساعدوني

السؤال الثالث هو السيلوليت, اني جاي استخدم حاليا كريم الظاهر بيه امل وما ردت اكتبه الكم حتى اتأكد من النتيجة بعد ما اكمل 3 اسابيع. انتوا عموما شنو تنصحوني؟

السؤال الرابع والاهمممممممم المنطقة الحساسة شلون اشيل الشعر منها بما انو هاي اول مرة, يعني شنو انسب طريقة وشنو الخطوات وشنو اسوي حتى ما تنرسم خارطة العالم من البقع الزرق والبلاوي حسب ماسمعت

السؤال الخامس شنو اسوي حتى يبيض جسمي ب 10 ايام لان عندي بعض الاماكن الغامقة شوية بجسمي بس ياريت ما تقولولي كريمات لان الي موجود هنا من الماركات مو مثل الي موجود بدول الخليج وبيقة دول اسيا هيجي قالولي كل الي يشتغلون بالماركات والمحلات الراقية

السؤال السادس, شلوووووووووون نحل مشكلة الشعر بشهر العسل لان تره فشله فشله فشله صدق فشله, واعتقد حسب علمي الاستاذ يلزق لزقة جونسون بالزوجة هذا الي صار مع صاحبتي تقولي حتى تكرمون wc كان يدخل وياها :09:
شنو سويتوا يابنات الي سبقتوني

واخيرا وليس اخرا شنو تنصحون العروس بليلة عرسها وهذا سؤال شامل كل شي يجي ببالكم

الله يجزاكم الجنة اذا ساعدتوني وياريت تكون اشياء مجربة لان ماقدامي غير الله وغيركم
ساعدوني احس بشوية فرحة
ساعدوني احس اني عروس
ساعدوني حتى اقدر انام زين

تحياتي الكم
سندرلا سويدية