السلام عليكم ورحمة الله وبركاته..
اكيد استغربتو من العنوان لكن الحين بقول لكم كل شيء..
ظاهره عمت وانتشرت بشكل واسع النطاق في مجتمعاتنا الاسلاميه وتساهل الكثير فيها..
فكرت كثير قبل لا اكتب لكم لكن ودي الكل يتفاعل معاي واشوف رايكم في الموضوع..
مع احترامي للكل اذا جاتك وحده تعزمك بعرسها تسألينها عن العرس تقول لك عرسي مو اسلامي ايش يعني مو اسلامي؟؟؟ اعرف بتقولين لي يعني اغاني وموسيقى والات محرمه.. لكن فكري معاي شوي..
هذي معادلة بسيطه فكرت فيها :
اسلام X كفر
مسلم X كافر
اسلامي X كفري
النتيجة: مو اسلامي = كفري
اسلامي : على الطريقة الاسلامية..
كفري : على طريقة الكفار..
سؤال يطرح نفسه اذا كنتي مسلمه اجل ليش عرسك مو اسلامي ؟؟؟ قصدي كفري؟؟؟
هل الاسلام يحرم علينا كل شيء؟؟؟
هل الاسلام يضيق علينا دائرة الحلال؟؟
هل الاسلام دين ناقصته الموسيقى والعزف عشان يكون دين يناسب العصر والذوق العام..
اذا كنت عروس وتتمنين الحياة السعيدة والتوفيق من ربك كيف تطلبين منه ذالك ؟؟
بزفه موسيقيه؟؟
والا اغنية وصوت مغني ؟؟
تطلبين من ربك التوفيق وانتي تعصينه؟؟؟؟؟؟
عجيب!!
ما تستحين ترفعين يدك بالدعاء وانتي ناوية العرس على طريقة الكفار؟؟؟
ما تخافين تاخذين آثام كل من حضر وسمع ..
اغنية وعزف وموسيقى تصدح وآلات محرمة في الثلث الاخير من الليل والرب عزوجل ينزل نزول يليق بجلاله وعظمته
وينادي هل من داعي فاستجيب له هل من مستغفر فاستغفر له..
والناس في عااالم آخر .. مافي حياء من الرب ..
والغريب ان في ناس للحين تناقش في الموسيقى والمعازف وعذرهم انه عرس وحلال ويجوز وعادي وهذي كلمتهم..
صدق تحقق قول الرسول صلى الله عليه وسلم : "ليكونن من أمتي أقوام يستحلون الحر والحرير والخمر والمعازف "، رواه البخاري
قال يستحلون يقصد انها حراااااام وهم يستحلونها..
كلامي موجه لكل عروس جديده تفكر يكون عرسها على طريقة الكفار خاطبي نفسك وجاوبي على تساؤلاتي ..
واترك المجال مفتوح لتعليقاتكم:
......
حضرت مره زواج الزفه اغنيه وميوزك والله جتني حاله ضاق صدري مااستانست ابد
نصيحه للبنات اللي بيتزوجون لاتبدين حياتك بذنب