انتبهي تيين عندنا....غلا .........وحتى تخفيضاتنا مش مثل تخفيضاتكم..........بالعكس احس اسواقكم مميزة واحلى من عندنا صراحة!!

اقول اسمعي كلااامي وانتي مغمضه انتي كنك تتكلمين عني انا احب الماركات ومااحب غير الي سعره فيه
1\ روحي للكويت وعلى طول للمباركيه وشوفي البيجامات واشياء البيت اررررخص بكثير مننا وكانك داخله ماركات
وانا دايرة كل اسواق الشرقيه والبحرين ماشفت مثلهن
2\فستانك انا سويت واحد ب10 وخرب ورحت سويت ثاني اذا تبغينه ترى مافيه مانع
3\ المكياج والعطور خليها اخررر شي والعطور كل مارحتي السوق شمي واحد واجلسي شمشمي فيه لين تقتنعين فيه
واذا شريتي اشتري واحد كبير وخليه لكل شهر العسل
عشان اذا مر وقت يعني 3 اشهر ورجعت حطيتي منه زوجك على طول بيذكر الايام السعيده الي عشتوها بأيام شهر العسل
هذا الي عندي الحين وبتذكر لاني توني عروس
بعدين بنسبة للشنط الماركات بعطيك موقع ياااااااهو ررهيب شريت منه شانيل باقل من الف وجديده
وباقي الشنط حقتي شريتها من الراشد اترو وجيفنشي اذا بغيتي اي شي
راسليني على الخاص
طبعا اهم شي لاتشترين فساتين واجددددد اذا بتسافرين لانهن بيبقن بالدرج مثلي والله اني شريت واحد احمر من العبد الواحد بالراشد ب1800 جديد وكل ماقسته قلت حسافه الحين عندي وادري ماني لابسته

الله يوفقك وييسر امرك

حبيبتي استغلي الحين تخفيضات في كل مكان
وعلى فكره في الملابس السعوديه احسن من الامارات

اما العطور ممكن تجين عندنا وتاخذينها
والشنط الماركات مسوين خصومات عليها في مول الامارات في دبي

حبيبتي حتى الماركه تخلص استفيدي من مهرك بالذهب والله ينفعك بعدين اسألي وحده تحسفت على كل شي لو تستاليني وين اغراضك اللي تجهزتي فيهن والله ماعندي ولا شي كلمن رميتهن لبستهن على مره او مرتين وخلاص مليت والمكياج خلص والصبغه طارت والعدسات تشققن والمناكير نشفن يعني استفيدي من الذهب لان الفلوس بتصرفينها حطيها بذهب ادري اي بنت توها متزوجه تبي تشتري وكاتبه قائمه بكل اللي تبي وتبي الماركه والكشخه بس ماتحس وتحسف الا بعد الزواج فكري اختي شوي وترى هذي مو اخر مره بتروحين السوق لا بيوديك زوجك وبتشترين فكري