غاليتي ..
انا لا احب هذه التسمية ..
عرس اسلامي ..اولسنا كلنا مسلمين ..
اولسنا كلنا محاسبين ..لحضور اماكن الغناء ..
غاليتي ..
العرس الاسلامي ..عادة تمنع فيه كاميرا الجوال
العرس الاسلامي ..عادة يكتب بالبطاقه الرجاء الالتزام بالزي الساتر..
العرس الاسلامي ..يستبدل الغناء والكلام الفاحش بالاناشيد..
العرس الاسلامي ..تستبدل الموسيقى بالدفوف..
والله يجعل زواجاتنا كلها اسلاميه..

ايش فيكم يا جماعة الخير؟
ايش يعني الاسلامي تستبدل فيه الكلمات البذيئة ؟؟؟؟؟؟؟ مين قال ان اصلا فيه كلمات بذيئة الغير اسلامي؟؟؟ ومين قال ان الفرح الغير اسلامي ما تمنع فيه جوالات الكاميرا ؟؟؟ وبعدين موضوع الستر تلاقيه بكل مكان
يا اختى اولا الف مبروك الله يتمم ليكي على خير
الفرح الاسلامي حلو مثله مثل العادي
جيبيلك دي جي طق اسلامي اذا ما تبغي تتكلفين كثير على الطقاقة وبعدين في من هالطقاقات يبالغون شوي بزيادة يعني
انا مرة كنت بفرح اسلامي وفي بنت قاعدة ترقص ما شاء الله رقصها حلو قامت الطقاقة على المايك تقولها لا تتمايليين كثير ّّّّّّّّ!!!!!!!!!!!!!!!!!!!!!!!!!!!!!!!!
البنت رقصها هادي جدا لان الاغنية هادية اصلا انا مادري ايش داعي لهادي الحركة
والله يوفقك

السلام عليكم..

الطقاقات الاسلاميات ماشاءالله عليهم حريصين جدا ..واسعارهم قليلة مايزيدون عن 3500

ممكن تسوون دروع مكتوب عليها نصيحه وتخلونها على الطاولات ..

الله يوفق اختك ويسعدها..

تحياتي

تحمليني شوي :)

اقتراحاتي كالاتي ---> ياعيني على اللغة :32:


1. البطاقات :
* ممكن استغلال فكرة الفوائد مع البطاقة..

أ- إما انج تطبعين مع الاسماء على المكان الفاضي فائده عاجبتج


ب- أو مع البطاقة تدزين فائدة وان شالله الخوات بالمنتدى يقدرون يصممون لج على الالوان اللي تبينها


* التنبيه على عدم اصطحاب الكاميرا والموبايلات اللي فيها كاميرا

* وإذا قدرتي اتنبهين على الزي المحتشم يكون افضل .. :7_18_2:


_______________

2. الدي جي او الطقاقه

أ- الدي جي .. لازم تسمعين معاها اغنيه اغنيه إذا فيها اشيا غير الطيران والا بس طيران .. وهاذا راح يبين من اول الغنية .. وعقب خليها تنسخ لج اياه إذا قدرتي بنفس اليوم زين ماقدرتي عقب ماتاخذينه بعد ردي سمعيه.. زيادة حرص عشان مااتوهقين .. لأن عادي اتحرصينها وعقب اتييب لج اغاني عادية وفيها كلشي !

ب- الطقاقة ماجربتها صراحه .. بس اتوقع ماراح تقول لأ إذا شرطتي عليها طار بس بدون الأشيا الصغار اللي اتعلق فيه

______________

3. خدمة الكاشف

وايد استنانست منها صراحه كانت يايبتها وحده من البنات قبل جم يوم في عرسها .. الله يسلمج عباره عن لوكرات صغار حق الموبايلات وتعطيج مفتاح له وطبعاً تفتيش جنه بمطار .. بس بيني وبينج اريح :2thmup:
واسمج سويتي اللي عليج :)

______________

4. لاااااا يدخل المعرس

قد ماتقدرين اسعي حق هالموضوع ، لأن مايجوز مثل ماافتى مشايخنا ، وبيني وبينج ماراح تسلمين من الانتقادات لأن بيطلعون الفروقات العشره بينج وبينه :cool:

وبالنسبة لنا متعارف عندنا إن الوحده إذا اكتبت :
حفل استقبال = ماراح يدخل المعرس ..
عرس = احتمال يدخل واحتمال مايدخل ..

فيعني الناس بيفهمون ان ماراح يدخل :)

والبديل ---> سنعو الاستقبال :3_2_8v: وياخذج من اهناك

______________

5. اهداء بسيط للحضور

اختاري شريط او كتيب مفيد ويغلف بطريقة حلوة تتناسب مع الوان الكوشه ..
وطريقة توزيعه تكون :

أ- يا إنج توزعينه عقب ماتستلم المره عباته ليبغت تطلع ( إذا بتحطين ناس ياخذون العباية ويعطون المره رقم ... فيعطونها عقب إذا بتمشي مو أول ماتدش عشان تاخذه غصب :booo: لا والله عشان ماتنساه )

ب- أو مع دخلتج .. وماأفضل لأن وايد ناس ينسونه

بس ياقلبي إنتي وظروفج شوفي اللي يناسبج

عسى ربي ييسر لج ويعينج :heart:

هلا اختي
الله يوفق اختك في حيا تها ويتمم عليها با الخير
اختي انتي ما شا ء الله عليكي انتي واختك تعرفون انه با الشرع ما فيه شي اسمه عرس اسلامي هذه الكلمه تداولتها العا مه اهم شي في العرس انه يكون فيف دفوف من غير موسيقى والله حتى مشا يخنا قا لوا نفس كلامي وانا ما جبته من عندي انا سمعته اكثر من شيخ حتى الرسول صلى الله عليه وسلم امرنا بأحيا زواجنا با الدفوف
اختي تصدقين با الله اني حضرت عرس اسلامي قسم با الله صح انه دفوف بس والله العضيم انه غنو اغنيه عا ديه بس اللهم غيرو فيها بعض الكلما ت يوم قلت لأختي انها اغنيه عا ديه قا لت صح بس غيروالكلاما ت الي فيها غزل وغرام فقط وكما ن تخيلوا وش كا تبين في البطا قه انا اول مره اشوف زي كذا وهي نرجوا من اخواتناالأحتشا م في اللبس
هذه مجرد راي ولا تقلون علي اني احب السفور ولا الاغا ني بس مجرد توضيح واي تعليق انا اتقبله بصدر رحب حنا اخوات ما بينا زعل
ودمتم سا لمين