عرس بسيط ومرتب ومبارك باذن الله..

حبيت اقول لكم عن زواجي عشان اللي ودها تستفيد تلحق..
يا طويلات العمر انا كان بخاطري مثل اي بنت عرس كبير وحفله ووناسه بس يوم شفت ظروفي بيني وبينكم احنا 6 بنات والعرس عندنا على اهل البنت والوالد ما قصر معنا زواجات اخواتي كبيره وفخمه.. المهم انا جلست افكر الحين لو اسوي عرس ويحضرون العالم لابد ان نصفهم بيحشون واناس ما يحبوني بيحضرون وينبسطون وماراح يعجبهم العجب وغير كذا الوالد الله يطول بعمره ما ودي اكلف عليه وانشالله يحتسب لي من بر الوالدين.. المهم قمت قررت ان زواجي يكون عائلي لكن كامل من مجاميعه فستاني روعه ومرتب.. وفيه الكوشه والكيكه وبوفيه و اهم شي الروقان مافيه عجله ولا توتر خاصه ان الوحده مو ناقصه توتر ذيك الليله.. وعزمت بس الناس اللي احبهم ويحبوني واعرف انهم بيفرحون معاي صديقاتي المقربات واهلي واهل المعرس بسسسس .. والحمدلله ماتتخيلون كيف كل شي صار زي ما انا ابيه وزياده الميك اب جاي نفس الوان الورد والتسريحه ناعمه مرره.. ولا انسى البنات الصغار فصلت لهم فساتين موحده بسعر خيـــــــــالي وتيجان الورد على روسهم طلع الزواج كامل مرتب.. وادري ان هالحركه قدرها لي الوالد بدون كلام لما جيت اطلع من البيت وودعت اهلي جاء الوالد وضمني .. والله هالحركه تسوى عمري ولا وحده من اخواتي سوى لها كذا..
انا قلت قصة عرسي عشان اللي تفكر تسوي زيطه وعرس تفكر ان 90% من الحاضرين ما يسوى تخسرين عشانهم والبركه تجي من الله مو شرط عرس كبير..
والحمدلله رزقني الله بزوج حبيب توفيق من الله بس طلع روحي سنتين بس!!
والله يوفق الجميع... ووفروا لكم ولليوم الاسود احسن!