عرفت البنت اللي كانت تزعجني وتعرف كل شي عني وعن زوجي ؟؟ وش اسوي معها ؟؟؟

السلام عليكم .. كيفكم يابنات .....


مااطول عليكم انا كانت عندي مشكله كتبتها هنا من زمان انه في وحده تكلمني وانا مااعرفها وتعرف كل شي عني وعن زوجي حتى وانا عند اهلي تدري وين زوجي يروح ووين يجي ومتى يداوم ومتى ينام وكل كل ابو شي عني وعن زوجي واللي تبي ترجع للمشكله بالتفصيل تقرا هالرابط :

http://forum.hawaaworld.com/showthread.php?t=1212091



المهم مالكم بالطويله بعد اكثر من سنه من السالفه كشفتها وعرفت من هي او بالاصح هي كشفت نفسها بالغلط قدامي ..
البنت كانت تكمني لمدة 5 شهور وبعدين قطعت ... المهم انه بعد كل هالمده عرفتها تدرون من هي ؟؟؟؟؟؟

للسف الشديد طلعت بنت خالتي !!!!!!!!!!!!!!!!!

والله انصدمت وماادري شلون ماظربتها وقتها لكن مابغيت اذكرها بالسالفه دام انها نست وقطعت الازعاج والمكالمات ...

ابقولكم شلون كشفتها ...

كنا في جلسة بنات عند وحده من قرايبنا وكان جالس بجنبي بنت عمي وبنت خالتي ونسولف بين بعضنا بس يعني سوالف جانبيه مايسمعونا البنات ... وبنت عمي وزوجها يبغون يروحون لدبي زوجها عنده رحلة عمل وبتروح معاه وجابت طاري الموضوع ان زوجها يبي يسكن في شقه وهي تبغى فندق ومن هالكلام تقول زوجها يقول الشقق ارخص وهي تقول ان الفنادق اريح والسعر متقارب بنت خالتي قالت لها والله لو مكانك اسكن بشقه لانها قد قرت بالنت عن شقق دبي انها فخمه وبنت عمي ترد عليها وصار بينهم جدال لين قالت بنت خالتي اسألي بيلسان ( اللي هي انا ) راحت لدبي قبل انا هنا انذهلت لان سفرتي لدبي الوحيده كانت مع زوجي وكان محد يدري عنها ابد ابد ابد ... مستحيل انسى اني ماعلمت احد وزوجي ماعلم احد رحنا لدبي وكنا قايلين لاهلنا انا رايحين للخبر وقتها يمكن المهم محد كان يدري واتذكر ان البنت اللي كانت تزعجني انا وزوجي كلمتني وانا في دبي وكانت عارفه اني في دبي شلون عرفت مدري المهم انها عرفت ...

المهم عند هاللحظه ماادري شلون نعمه من الله اني بنفس اللحظه تذكرت السالفه وعرفت وكشفت البنت ... بس بصراحه كانت صدمه قووووووووويه .. ماتوقعتها والله ولا كان الصوت صوتها بس يمكن عندها جهاز يغير الصوت المهم اني كشفتها مافيها كلام ... بس سكت ومابينت شي لحد الان .....

بنت خالتي هذي تدرس بالجامعه ومو متزوجه وعلاقتها مع الكل حلوه وهي بعد طيبه وحبوبه والكل يمدحها ... بس مادخل مخي ليش سوت معي كذا


المهم حبايبي هالحين بعد ماانكشف المستور وش رايكم ..

وش اسوي معها ؟

انسى السالفه وكأن شي ماصار دام السالفه صار لها اكثر من سنه واسامحها ؟

والا افتح الموضوع من جديد واخذ حقي منها لانها اكيد كانت تخطط لشي ؟