بيلسان

اصبري لاتتسرعين في حكمك على نفسك انك ظالمه ومدري ايش

انتي الى الان ماتدرين هي ليش بكت ..!!

وانتي ما صرّحتي انك تشكين فيها (انها تكلم زوجك) ... انتي مجرد قلتي السالفه ..!!

اي وحدة طبيعيه في مكانها اولا ماراح تبكي ,, ثانيا بعدما تخلصين السالفه بتقول لك : طيب وانا وش علاقتي بالموضوع؟؟ وش دخلني ؟؟

و بتنتظر منك شرح او اتهام او ظن او شك

انتي ماامداك تقولين لها شي اصلا ولا اتهمتيها .. هي على اي اساس فهمت انك تشكين انها تكلم زوجك؟؟؟؟؟؟؟؟؟

ليش ما توقعت انك تشكين انها تراقبك او تتابع اخبارك ؟؟؟؟؟!!!

ليش مافكرت الا بهالشي بالذات ؟؟ ليش اصرررررت عليك انك تعلمينها سبب سؤالك ؟؟؟؟؟؟ ليش تضايقت مررره من قبل حتى ماتعرف منك السالفه ؟؟؟؟؟؟؟؟؟

وبعدين اوكي انتي كل كلامك كان يدور حول بنت خالتك او (البنت المزعجه ايا كانت)

لكن عمرك ما تكلمتي عن زوجك ..! قلتي انك راقبتي فاتورته .. طيب .. هل انتي متأكده ماعنده جوال ثاني ؟؟ في الماسنجر حقه مو مضيف بنات ؟؟ يمكن ضايفته على النت وتسولف مو شرط جوال

لما تجيكم هالازعاجات كيف تكون ردة فعله ؟؟؟ وليش ماتضايق و لا اعطى الموضوع اهميه ؟؟؟؟

انا مابي اشكك في زوجك او اخرب عليك او حتى افتح عينك على شي

بس الموضوع كبر .. و فيه حلقة مفقوده وانتي لازم تفكرين بحياديه وبعقلك مو بقلبك

وتحطين كل الاطراف في دائرة الاتهام

شوفي .. والله لو انها جني ماراح تعرف زوجك راح للحلاق ....!!

اوكي وقت الدوام قولي متعارف عليه يمكن سئلت او شي

بس ادق تفاصيل حياتك و تحركات زوجك معلييييييششش من بيعرفها غيره ؟؟؟؟؟؟؟

بعيدا عن سفرة دبي .... اللي يمكن تكونين تكلمتي عنها بيوم وانتي ماتدرين

وبعيدا عن كون هالبنت هي بنت خالتك والا وحدة غيرها

المهم انه فيه إن بالموضوع

يمكن وحدة من جاراتك مثلا ..!!

يمكن بنت جيرانكم فاضيه وبس تراقب ..!!

يمكن بنت يعرفها وتكلمه بأي شكل مو شرط جوال ..!

يمكنها بنت خالتك فعلا بس مكلمه زوجك على انها وحده ماتعرفكم ..! وهو عطاها وجه فترة ولما بدت تزعج خاف و قطع علاقته فيها ..!

فكري مرة ومرتين وراجعي كل الاحداث اللي صارت الا ماتلاقين شي يدلك على الحقيقه

و مهما كانت بنت خالتك مظلومه .... على الاقل بتنتظر وتسمع الشكوى او الاتهام

مو على طول بتنفجر بالبكاء ... صح والا لا ؟؟

عموما ادعي ربي بكل صلاة قبل السلام .. اللهم اعني ولا تعن علي و انصرني ولا تنصر علي و امكر لي ولا تمكر علي و اهدني ويسر الهدى الي و انصرني على من بغى علي

هذا الدعاء تقول داعية انه يكشف لك حقيقه اللي حولك

استعيني بالله و لاتتسرعين بأي تصرف ولا تعتذرين من البنت لحدما تتأكدين 100% انها بريئه

اصبري و اسكتي وشوفي هي كيف بتتصرف

لانها حتى لو كانت مذنبه ممكن تقلب عليك وتشوه سمعتك انك غيورة وشكاكه و اتهمتيها ..... على اساس تسبقك و تدافع عن نفسها قبل لا انتي تفضحينها و تتشوه صورتها

الله يكون بعونك ... اللهم خذ بيدها في المضائق و اكشف لها وجوه الحقائق

صحيح لاقالوا القرايب عقارب

يا اختي لي ما سمعتي نصايح البنات وتأكدت بالاول انت جرحتيه دحين جرح عمرها ما راح يبرء لانك شككت في اخلاقها ان شاء الله تغفر لك هالزلة حاولي تراضينه لا يزيد الجرح او تخبر احد وطيحي من عين الكل

ام سالفة البنت الي تكلمك هي وحدة من الاثنين يا زوجك يكلمها لا سمح الله

يا واحد من ربعه ويعرف تحركاته يبي يخرب بيتكم ومغير صوته ويكلمك او داز البنت

الله يصلح بينكم

,,,الله يهديك كان رقعتي السالفه ,,وبعدين ترى فعلا يمكن فيه أحد مرسل البنت عليك,,,
,,,انتي ألزم ماعليك زوجك وبيتك ,,واذا وثقتي فيه مهما يصير محد يقدر يخرب حياتك,,,