عرفت كيف اتعامل مع الرجل ...والله اني صادقه

بسم الله الرحمن الرحيم ..


اخواتي بنات عالم حوا السلام عليكم ورحمة الله وبركاته ...


حبيباتي يعلم الله اني ماكتبت هذا الموضوع الا من كثرة المشاكل اللي اقراها بهالقسم ..

وراح اعطيكم عدة نقاط راح تسهم في حل مشاكلكم باذن الله ...


ولازم لازم تكون عندكم روح ايجابيه وتفاؤل وهمه عشان توصلون لمبتغاكم ..

الله يوفقني واياكم لمافيه خير لنا ...




طبعا راح اتكلم بالعاميه عشان الكلام يوصل وتفهمون علي اكثر ...


دائما نسمع هالعباره ((الرجل طفل ))

وربي ماكنت اصدقها بجد اقول شلون طفل وهو تفكيره غيييير عن الاطفال تفكيره ناضج ومن هالكلام ..


بس فعلا لما تعاملت مع زوجي على انه كبير حسيت اني تهت معاه وتوهقت ..

لكن لما غيرت طريقتي وتعاملت معه بطفووووووله بريئه طلع المستخبي خخخخ



((هذا مايعني اننا نهشمهم او نعتبرهم اطفال لا كذا بتكونين مافهمتي الموضوع ))



خلي زوجك رجال وسيد الرجال وانه البطل الخارق واللي ينشد الظهر فيه بس اوقات اشطحي كذا وخليه طفلك لخمس دقائق فقط



وراح اعطيكم امثله ...


جاء من الدوام ..معه اغراضه ولابتوبه واشياء ..


تعالي اركضي وبوسيه وقولي ياملح اللي جايين من الدوام ياناس ؛؛<< مثل الاطفال لاجيتي تدلعينهم

والله انه يتشقق حتى لو مابين لك من جوى يطير قلبه ..


وطبعا خوذي الاغراض منه وقولي يالله ياقلبي جهزنا الحمام عشان تتحمم وتاكل همي؛؛<<




واذا خلص اكل قولي له بالعافيه وبعدين اسكتي وقولي حبيبي وربي انبسط لاشفتك تاكل ..


احيانا امنعيه من البيبسي قولي اخاف على اسنانك وعضامك <<للي ازواجهم مدمنين بيبسي..


مع التكرار راح يجي يوم يستأذن منك بشرب البيبسي مثل الاطفال بالضبط



شفتوا هالهيبه :arb:

ترى داخلها طفل صغيييييييييييير مره وقبل فتره كنت على التلفزيون ويطلع ذاك المرشد الاسري ؛؛<والله نسيت اسمه


ويقول يارجال سكروا اذانكم شوي بوجه كلامي للنساء <<لان الحضور رجال


ويقول ((بما معنى كلامه )) نحن معشر الرجال بدواخلنا طفل صغير بحاجه الي الحب والعطف والحنان يحتاج ايضا للرعايه ..

بالله عليكم مالاحظتوا كم وحده تشتكي من زوجها وتقول بعد ولادتي من طفلي تغيرت حياتنا انا وزوجي

صار يعصب كثير ووو.....؟؟؟

تدرون ليه ..لان الطفل اللي بداخل هذا الرجل غاررر .. ويبي من يهتم فيه..وانتي انشغلت عنه بطفلك الجديد


صدقوووني امشي على هالطريقه وشوفي شلون بيتغير للاحسسسسسسسسن


حتى ااذا طلع قولي له انتبه على نفسك حبيبي وانبسط مررررررره ..وبيني له انك تبين له الخير وتفرحين له


رجالنا اغلبهم عاشوا طفولتهم بحرمان او ظروف صعبه ولما يكبرون يحاولون يعوضون هذا الشي

وطبعا بطرق احيانا ملتويه مثل الخيانات ويلقى للاسف من يعطيه ..

انتي صيري ذكيه واحتووويه ... حتى اذا بينام احضنيه وبوسيه

اذا شفتيه جالس على التلفزيون اجلسي جمبه وامسحي على ظهره ..

سوي اشياء مثل اللي تسوينها مع الصغار.. وشوفي شلون بتنجح باذن الله




ابيكم تتفاعلون واللي عندها اي اضافه يفداكم الموضوع ...




الله يسخر ازواجنا لنا ويبعدهم عن الحرام قليله وكثيره
:39: