عرفت هالشي متأخر يا ترى انتوا تعرفونه ؟؟

السلام عليكم ورحمة الله وبركاته

شحالكم بنات عساكم بخير وسهاله ان شاء الله

اليوم ودي اخبركم بشي ما ادري اذا فيه وحده منكم عندها فكره عن الامر او لا
لكـــن لازم اخبركم باللي عرفته لانه شي يجهله واااااايد من الناس مثل ما كنت انا والحين بس عرفت

بنت خالي تطلقت وهي كانت مالكه بسسس على واحد من الاهل
المهم بعد الطلاق وبعد سؤال المشايخ تبين ان للمطلقه في المــــلكه وقــــبل الدخول عليها عده الطلاق في حاله انه حصل تلامس بينهم حتى لو كان هالتلامس مجرد مصافحه والباب مغلق وهم في خلوه يعني وحدهم في المكان !!

يعني شروط العده في هالحاله التلامس مهما كان بسيط + خلوه + الباب مغلق عليهم

يعني لو كان الباب مفتوح او احد معاهم مو مشكله
لكــن لو كانوا بروحهم وتلاقت ايديهم او غيره ففي هاذي الحاله اذا حصل الطلاق لا سمح الله فالبنت عليها عده مثل المطلقه بعد الزواج

بنات انا ما كنت اعرف وانصدمت لما عرفت لانه شي ما سمعنا به من قبل وحسب علمنا بأن الطلاق في الملكه ماله عده لكن الشيخ وهو شيخ ثقه اخبرنا بالعكس

اللي شاكه في المسأله اتمنى انها ما تفتي من عندها وتسأل شيخ ثقه عشان التأكيد فقط وتحط اللي بتسمعه منه هنا عشان التأكيد بس لاني اتكلم من باب حرصي عليكم والله يحفظكم جميع بس حبيت افيدكم مدامي استفدت والله يبعد عنا وعنكم كل شر امين