عروساتنا الغاليات في كل الوطن العربي ... لكي تكوني ذويقة في التعامل

السلام عليكم
وكل عام وانتم بخير
بعد انقطاع عن النت >>> مافي لك وحشة ؟؟؟

هالفترة اللى كنت غايبة فيها رجعت لذكرياتي شوي وحاولت امارس بعض الاشياء الخفيفة
واليوم في خاطري اتكلم عن اشياء صدق انها صغيرة لكن جدا مزعجة كنت اشوفها من بعض الاخوات للاسف الشديد
وانا متاكدة ان الاخوات البائعات وسيدات الاعمال يشاطروني الراي جيمعهن وهذا لاهميته وبسبب اهمال الناس له

1- تجيك وحدة وتتفق معك على كل التفاصيل وتحديد الدقيق الدقيق منها وبعدين تقول برد عليك خبر ويا ريتها ترد
اذا تبين تقارنين الشغل بيني وبين غيري مو ضروري تجلسين بالساعات وتعطيني تفاصيلك وتستنفذين قواي وتاخذين وقت غيرك فهذا يسمى انانية

2- تكلمك وحدة على موعد وتدقين عليها تبين تتاكدي ( اما بالتثبيت او الالغاء ) ما ترد على الارقام وتطنش
طيب ما تبين قولي اتصلي اعتذري - هذا شي ما يزعل ولا فيه احراج بالعكس كل واحد يعرف وش واجباته وتنتهي القضية

3- تعطيك وحدة موعد وبعد طول انتظار ما تجيك ولا تعتذر
طيب صارت معاكي ظروف او غيرتي رايك اتصلي - كلها ما ياخذ معاك الاتصال دقيقة ولا يكلفك حتى ريال ولا تضرين الناس باهمالك

4- تحدد وحدة لك موعد المناسبة وبالتاريخ وتحرص عليه وتقول بجيك بجيك ثبتيه عندك لا ياخذه غيري ولا تزورك
طيب الموضوع ارزاق ما تبين خلي وحدة غيرك تحجز بيومك ويترزقون الناس - مو يمكن اللى حرميتها من الحجز كانت مضطرة اكثر منك ويهمها الموضوع بدال استهتارك ؟؟

5- -قضية العربون - يعني الوحدة تدفع عربون لتثبت الحجز وتأكده ومالها اي حق انها تسحبه او تطالب فيه حتى لو لم يكتب ذلك في الفاتورة - لو رجعوه لك بطيب خاطر الله يجزاهم خير ولو ما رجعوه فهذا حقهم دينا وشرعا
والعربون يحدد من غير زعل ولا احراج في ناس تاخذ جزء وفي ناس تاخذ النصف وهكذا
ماله داعي تروحين تبين تحجزين بمبلغ مثلا 5000 ريال وتدفعين عربون 500 ريال

فالرجاء يا خواتي تنتبهون على تصرفاتكن
مو يعني اذا بتدفعين فلوس هذا معناه تتعاملين بطريقة مو اخلاقية فانتي تدفعين مقابل خدمة
وهذا بعض التصرفات مو جميعها ولو بذكرها كلها بيشيب الشعر يا عبيد
وسلامتكم