عروسة او مخطوية او حتى متزوجة ادخلي للضرورة

السلام عليكم...صبحكم بخير يااخواتي...اختكم عضوة جديدة ولكن في نفس الوقت قديمة...انا في ازمة وابي نجدتكم وتلقون مني الدعاء باذن واحد احد...انا زواجي بعدشهر ونصف بس والله ماسويت شئ ولا اعرف شئ...لي ثلاث سنوات برى الرياض والسعودية كلها كنت مرافقة في رحلة علاج للوالدة...الله يرحمها...ورجعت تقريبا من خمسة اشهر للرياض...واحس اني غريبة تغيرت اشياء كثيرة في الرياض...اناكمان تغيرت...ياليت تساعدني..مادري من وين ابدا ولا وين اروح...حتى لو ابي افصل وين اروح وش المشاغل ماعرف احد...ولا كوافيرات ولا شئ..حتى والله المكياجات ماعرف يمكن لي تقريبا اكثرمن ثلاث سنوات ونصف ماحطيت ميك اب على وجهي..
الي اتذكر اني كنت حريصة على زيارتة قبل السفر هو الراشد والريس الي في طريق الملك فقد..بس للاسف نقل وراح...عندي مشاكل كثيرة...وخلال هذي السنوات انقطعتي علاقتي بصديقاتي..يعني حتى احد اسئلة ماعندي...قلت اسال اخواتي في الله هنا لعلهم يساعدوني وياخذون فيني اجر كبير...من ابزر مشاكلي...عندي مشاكل في البشرة وهي المسام المفتوحة مادري وش اسوي فيها مابي خلطات لاني اتذكر اسوي اول ولا تنفع...وش رايك اروح لابلو او احدالمراكز واسوي هناك..جلسات للبشرة اولا...
شعري الله عليه متقصف وتعبان لاني ماعتني فيه ابدا...عشاني ماكنت فاضية له..
عندي تجاعيد تحت العين...صاير بشكل ملحوظ اقول يمكن للحزن فيها دور..
بشرة جسمي جافة جدا بذات لما وصلت للرياض اول كانت افضل
وفيه كثير عندي بس عن جد استحيت فيكم...ياليت بس تعطوني لو بداية الخيط عشان اعرف وش اسوي لاني عن جد تايهه ولا اعرف وين اروح او وين اجي,,,
والله يسعد ويوفقك كل من يحاول يساعدني...تحياتي