كان ياما كان في عصرنا الآن...
عصرالخوقاق والجونان..على قولة بعض الناس!!!
المهم كان فيه وحدة اسمها(منى) بنت مثقفة وظيفتها معلمة عمرها 26 سنة..
.من زمان وحلمها يناقز قدام عيونها إنها تتزوج وتقضب عريس الأحلام من يده وترمي به داخل القفص الذهبي وتقول له:إقعد هنا طول عمرك مافيه فكة!!!
وفعلاً جاء اليوم الموعود وانخطبت بنت الناس ولاتقولون لي كيف ومتى ووين؟ لقافة النسوان هذي انغثيت منها!!!وموب هنا مربط الفرس!!
وجاها عريس ابن أصل وفصل..وفيه كل المواصفات المطلوبة حسب الكتالوجات اليابانية (يعني أصلي مو تقليد!!!)هههه
المهم.....
وهنا بدأ شغل النسوان!!أمها تنُق من جهة وخالاتها من جهة وقرايبها من جهة.....وكِلِن يخرط وينظم من جهة!!
أمها:أول شرط بنشرطه عليه في العقد إنك تبقين في وظيفتك ومايمانع في اكمال دراستك أوأخذ دورات في معاهد!
أختها:المهر لايكون أنقص مننا إحنا خواتك بالعكس اطلبي أكثركل شي هالحين غِلي!!!
خالتها:انتبهي لايروح يسكنك مع أمه!أهم شرط تشرطينه عليه يخليك ببيت لوحدك!
جدتها:راتبك لايذوق منه قرش!ارسليه لأمك وأبوك!
أختها اللي بالمتوسط(واللي ماتدري وين كوعها من بوعها)
تقول:اشرطي الشغالة تكون قبلك بالبيت!!+النت!
عمتها:اشرطي عليه إنه يجيبك عند أهلك في اي وقت تطلبينه ويحجزلك تذاكرمن دون اي مانع!!
بنت خالتها:مناسبات العائلة من زواجات وخلافه لازم تحضرينها كلها مو يضحك عليك بكلمتين ويقنعك انك صرتي تبع له ولأهله!!!
بنت عمتها:اشرطي عليه إن الزواج يكون مفخفخ وبأحسن فندق..تراك منتي شوية!!
وحدة من جماعتهم:دايما حاولي توصلين له فكرة انك بنت عز ومتربية على الدلع والكشخة وموأي شي يرضيك!!
عضوة بإحدى المنتديات:أي مطعم تروحين له معه قوليله مليت من هالمطعم من كثر ماجيته مع أهلي!!!!!!!!(وهي في الواقع ماقد طبت المطاعم حدها فول وتميس ومعصوب من أقرب فرن أفغاني!!!)
شغالة أهلها:انتبهي مدام هادا رجَّال سعودي اينه تويل..الترجمة(عينه طويلة)!!!!!!!
جارتهم:لاتطاوعينه بكل شي والا بيركب على راسك!(وبينها وبين نفسها تقول:واش يبغى فيها؟ ليته جاء خطب وحدة من بناتي اللي تارسين البيت!!!!!!)
صاحباتها:وين حتقضوا شهرالعسل؟؟انتبهي لايخليك بين جدة وأبها!!!
احجزوا فندق على مستوى!!!
لاتطبخي له إلا بعد شهر!!!
ملابسكم اغسلوها برة!!وكل خرجة او عزيمة تروحيها خليه يوديك لكوافيرة!!!!
و......و......و....الخ والقائمة لاتنتهي!!!!
طبعا كل ماسبق ذكره من خيالي الخصب لكنها في الواقع كلمات موجودة بيننا بكثرة!!
وسؤالي ليـــــــــــــــــــــــــــــش؟!!!اصبحنا كذا بعد ماكانت كتب الأدب تعج بأجمل النصايح من أم لابنتها قبل الزفاف سرنا الان بالعكس من رديء لأردأ!وكأنه العالم زعلانين وقاعدين يصبون جام غضبهم على العروس!!!
ونصيحتي لكل عروس إنك تحاولين تنظرين للحياة بنوع من التفاؤل وإنه الجاي أفضل موتتأثرين بكل كلام تسمعينه وكأنك رايحة لساحة صراع البقاء فيها للأقوى!!!!!
ونصيحتي للمجتمع :مثل ماانتم مجتهدين بالتحريش وشحن النفسيات اجتهدوا شوي بتقديم نصايح مفيدة تحث على الطاعة وحسن التبعل يمكن من البداية إذا الزوج شاف زوجته انسانة طيبة خلوقة يكون هذا دافع قوي له انه يقدرها ويحترمها وينفذ طلباتها!!
مو تشحنونها بنصايح ماتأكل عيش وتروح له الضعيفة وكأنها قنبلة موقوتة بانتظار تنفجر بأي وقت!!!!!!!!
كذا؟؟؟؟؟ولا لا؟؟؟؟
رماح ردينية @rmah_rdyny
محررة ماسية
يلزم عليك تسجيل الدخول أولًا لكتابة تعليق.
hams2007 :
كلامك صح ... يادوووب تنخطب البنت ويلا الطالع والنازل يعطي نصايح وياليتها نصايح تنفعها ,,الا بالعكس تضرهااااااااكلامك صح ... يادوووب تنخطب البنت ويلا الطالع والنازل يعطي نصايح وياليتها نصايح تنفعها ,,الا...
صادقة.......
وياهلا فيك اسعدني مرورك
وياهلا فيك اسعدني مرورك
مشكورة رماح اشتقت لك ياشيخة من زمان عنك
وهذا الحاصل بالذت بيت لحالك مادري اسم الله علينا سكن مايصير تسكن مع الحمولة ياكافي
وهذا الحاصل بالذت بيت لحالك مادري اسم الله علينا سكن مايصير تسكن مع الحمولة ياكافي
النصايح فيها مبالغه شوووي
بس بوجهة نظري النصايح تغيرت لان المجتمع تغير والنفسيات تغيرت
الحين الي طيبه وتتعامل مع الناس ببساطه
يقولون عنها خبله وهبله او يفسرون حركاتها بمقاصد سيئه
يعني لو وحده قامت تساعد اهل زوجها بالمطبخ قالوا من اللقافه داخله تشوف وش نسوي
ولو وحده مدحت لبس سلفتها والا لاعبت طفل حماتها مجامله قالوا اعوذ بالله حسوده
حتى اغلب الازواج للاسف
القويه ( وما اقصد بالقويه الملسونه اقصد الي ماتتنازل عن حقوقها )
لها احترامها وتقديرها والي تتنازل من باب بساعد زوجي وابوقف معه
ينبسط منها بالبدايه ومع الوقت بيشوف انها ماتستاهل ويستكثر عليها اي شي
ما اعمم لكن اغلب الناس الحين
احسن طريقه للتعامل معهم الرسميه
بس بوجهة نظري النصايح تغيرت لان المجتمع تغير والنفسيات تغيرت
الحين الي طيبه وتتعامل مع الناس ببساطه
يقولون عنها خبله وهبله او يفسرون حركاتها بمقاصد سيئه
يعني لو وحده قامت تساعد اهل زوجها بالمطبخ قالوا من اللقافه داخله تشوف وش نسوي
ولو وحده مدحت لبس سلفتها والا لاعبت طفل حماتها مجامله قالوا اعوذ بالله حسوده
حتى اغلب الازواج للاسف
القويه ( وما اقصد بالقويه الملسونه اقصد الي ماتتنازل عن حقوقها )
لها احترامها وتقديرها والي تتنازل من باب بساعد زوجي وابوقف معه
ينبسط منها بالبدايه ومع الوقت بيشوف انها ماتستاهل ويستكثر عليها اي شي
ما اعمم لكن اغلب الناس الحين
احسن طريقه للتعامل معهم الرسميه
الصفحة الأخيرة
وياليتها نصايح تنفعها ,,الا بالعكس تضرهاااااااا