قلب هيثم @klb_hythm

عضوة نشيطة

عروسة وزوجها يخونها ... طلبتكم ساعدوها

يا حبايب
اتعرفت على جارة لي متزوجه من 7 شهور
اتزوجت بعد قصة حب دامت 6 سنوات
هو صمم لين اخذها وهي كذلك
المهم زوجها جدا طيب ويحبها ومو قصر عليها بشيء
قبل زواجها بشهر حست انه عنده شيء كانه يعرف وحده
بس استبعدت الفكرة
لاحظت بداية الزواج شوية حركات منه وطنشت
ونهاية الشهر الثالث من زواجها اكتشفت انه يعرف وحده
وصارت مشكله كبيرة بينهم وحلف لها يمين ان تعرف عليها بهدف المساعدة
وهي اللي اتصلت عليه تتطلب العون لانها كانت تعرف صاحبه وبينهم خلاف
تبغاه يصلح بينهم و عاهد زوجته ماعاد يدّخل وانه ماقال لها خايف على شعورها
وانتهت المشكله بالتفاهم وجلست تشك فيه وتراقب جواله وحركاته
الين يوم من الايام قال لها " مو معناه اني غلطت فيك مرة انك تشكي فيه العمر كله "
الكلمة اثّرت فيها وقررت ترجع عادي وتعطيه الثقة من جديد وطبعا ما احد يدري عن القصة
ومن رمضان حست انه عنده هرجه لانه ماصار يدور عليها واذا بغت تروح لاهلها وتجلس حتى
لو بالاسابيع ما يمانع واذا رجعت لها يستقبلها ببرود وعذره انه ما يعرف يعبر عن حبه
لكن مايجرحها ولا يسيء معاملتها بالعكس مثل ما هو واحسن
واتاكدت انه عنده شيء من جواله في الدخله والخرجه المكالمات كلها ممسوحه
والرسايل ما يخلي الا عدد بسيط من 5 - 6 بس برغم ان جواله على طول اتصالات
ورسايل وفي النهاية كلها ممسوحة
الين قبل يومين قام لصلاة الفجر متاخر وبسرعة راح يصلي ومسكت جواله
المكالمات ممسوحة بس الرسايل فيه ثنتين ومن ارقام غريبة وكلها حب وغرام
بسرعة كتبت الرقمين ورجّعت الجوال
بعد ما خرج زوجها اتصلت على الرقمين طلعوا بنات وكل وحده من ديرة
قفلوا في وجهها وصارت تتصل عليهم تلفونهم وتلفون زوجها مرة انتظار ومرة مشغول
خاصة ان رقمها ورقم زوجها ما يختلفوا الا في اخر رقم يعني رقم واحد بس الاخير
المهم في النهاية الثنتين اعترفوا ان الارقام لهم وما احد يمسك جوالهم
ولما سالتهم عن زوجها قولوا لها مانعرفه وعن الرسايل والاتصالات ما يدروا شيء
استنتجت انه اتفق معاهم على هذا الكلام المهم قالت لهم قولوا له
" .................. " عبارة معينه بينها وبينه سكتوا البنات وقفلوا الخط
وهي طول هذي اليومين ماتكلمت مع زوجها في شيء
يامسويه نفسها نايمة او تقول عندها مغص عشان ماتبغى تفتح الموضوع الحين معاه
وهو ما تكلم ومسوي نفسه ما يدري عن شيء وصار يتهرب منها
لما تصحى ينام ولما تنام يصحى ومو قادر يطالع فيها وهي تغلي
ماتقدر تكلم احد اهله ما يحبوها واهلها ما تبغاهم يتشمتوا فيها
ولو فتحت الموضوع بيخترع لها اكاذيب ويبرر وانها فاهمه غلط وبوعدها ما تتكرر
وفي النهايه بياخذ له شريحة جديدة بالدس ويتكلم منه ولا كنه مسوي شيء
المصيبة توهم عرسان وعن حب وكل ما تقول لها اش ناقصك
او اش مقصرة فيه يقول لها لو الف الدنيا كلها ما القى مثلك
وفكرة الطلاق قاعدة تدور في بالها واحنا بس نهدي عليها
بس هي تقول انها فقدت الثقة فيه نهائي وماهي عارفة اش تسوي
اذا الحين وهم عرسان ويحبوا بعض يسوي كذا اجل بعد سنتين ثلاثة اش بيسوي
والله اني وسوست من مشكلتها وصرت خايفة من وعلى زوجي وحياتي
الله يستر من رجال هذي الايام
ساعدوني في مشكلتها والله انها تقطع القلب

يلزم عليك تسجيل الدخول أولًا لكتابة تعليق.

تسجيل دخول

قلب ناسي • 16 سنة

الله يكون في عونها والله يصبرها و يثبت قلبها..

لورنت • 16 سنة

قصة حب داامت 6 سنواات!!
أناا ماأدري كيف كاانت هالقصة وهل هي في اطار برئ ولاحب مكالماات و و والخ
لكن الي وااضح ان نهااية هالقصة نهااية تعيسة وحزينة للأسف
الله يكون بعون صاحبتك ويسعدهاا
:26:

أديــــبـــة • 16 سنة

مابني على باطل فهو باطل
إذا كانت تزوجت بعد معاكسات مع زوجها أقول هذا هو المتوقع من الزواج

أما إذا كانت قريبته ويحبون بعض ( حب طاهر ) , مع أني أشك في وجوده هذه الأيام ، فعليها إعطاء الهيئة أرقام الفتيات لعلها تجد مايريحها ..
أعانها الله ..

هيلاهوب مخصر • 16 سنة

مادام هي توهاا متزوجته خلها تتطلق منه هذا في بداية الزواج
بكرى لما تجيب عيال وتلهى معاهم شرااح يسوي
تطلب الطلاق دام مافي عيال
واذا مو حابة تتطلق تروح لأهلهااا وتطقهاا زعلة لانه الرجال يعرفون لبعض خلي اخوانها ولا ابوها يوقفونه عند حده لاازم يا يتعدل ولا يتركها تروح لحال سبيلها ولاتحمل منه الي ان تشوف
مصير علاقاتهم

~~Nona~~ • 16 سنة

اذا انفقدت الثقه بينهم مستحيل ترجع مستحييييييييييييييييييييل
من راي تطلب الطلاق ولاتفكر في اهلها لانو هيا الي راح تتعذب في حياتها وماراح تعيش معه مرتاحه وكمان خليها تستخير وتشوف
الله يكون في عونها
وحسبي الله ونعم الوكيل في كل واحد يخون زوجته