عروسة ومحتارة بمهرها ... ساعدوني ربي يسعدكم

مالي مثيل :

شوفي اول شي بارك الله لكما وبارك عليكما وجمع بينكما في خير الحين صلي على النبي اول شي شوفي فستان الزفاف كم بيكلف ميزانيه حطيه على جنب بعدين لازم يكون عندك فساتين سهرات وهاذي اول شي تسوينه كم تحتاجين حسب خرجاتكم وعوايدكم انا اقول خمسة تكفي كمتوسط بعدين هل بتسوين ملكة بتحتاجين فستان الحين بعد ما تخلصين الفساتين كل فستان تاخذين له توابع جزم شنط وافضل تكون طقوم اكسسوارات شعر وممكن تاخرين الاكسسوارت والجزم والشنط لما تخلصين شرا الملابس بعدين افضل يكون عنك تيورات تفصيل بحين تكون مميزه ما تتكرر عند احد غيرك وبعد تكون فخمه ممكن اثنين او ثلاث بعد كذا تشوفين الجاهز بعد ثلاث تييرات بعدين جلابيات ثلاث للاستقبال بعدين ملابس البيت والطلعات العادييه تكون تطقيمات حلوه واسبورات واستفيدي من اماكن التخفيضات في هذي الشغله بعد شوفي اللانجري ونوعي من كل شي بجايم قمصان طويل وقصير يعني تشكيلة توابعها ولازم ما تكررين الالوان بجميع انواع اللبس كذا افضل الحين بيكون عندك اللبس كمل كذا شوفي جيبي ورقه وقلم وحددي انواع الجزم والشنط الي بتحتاجينها وحاولي يكون كل طقم ينفع لأكثر من لبس عشان ما تتكدس عندك الاحذية والشنط بالدولاب ولا تنسي يكون عندك طقمين للخرجات اليومية تكون عملية للسبرماركت للتمشية كذا بعدين اختاري الساعات على اساس اللبس الي اخترتيه خلي الساعات ما تتكرر اشكالها واللوانها واخذيلك ساعتين غالية في اقل تقدير واذا تبغين يكون طقم رجالي ونسائي بحيث تقدمينها له هدية ثاني يوم اذا بغيتي الحين بعد ما يكون اللبس كامل بتعرفين ايش تاخذين اللوان الضل والارواج وتكملين المكياج والكريمات العناية والتنضيف وتوابعه واغرض الشعر والسشوارت الحين العطور ثلاث انواع حلوه وتكون صغيرة عشان تدخل بالشنطه واحد ناعم للخرجات البسيطه واثنين قويه للسهرات والعزايم واذا تبين عطور كبيرة ما تكون اكثر من اثنين لانك ما بتستعملينها غير بالبيت واحد هادي والثاني قوي لا تنسين البخور والخمريات وطقم عطر كامل يعني لوشن ورغوه وبودره وعطر الخ واذا تبين اثين واحد على ريحه فرننسية الثاني يكن بريحه الفواكه توت او فانيلا او فراوله اذا تحبين شوفي الفانيلا من عند نكتار حلو ومون فلاور من عند البودي شب حلو وسويد كاميليا من عند زهور الريف حلوا مع انها مي جديده بس رائعه هذي العطور لا تنسين العبايات بس ما اقصد تكن مطرزه او شي لا ترا حرام وأنا بريئة من هذا الذنب اقصد الشيله لازم عندك كم وحده البعض يحب يشتري لحاف سرير او اكثر حسب العاداة سجادة صلاة كتاب طبخ سلات للتسريحة لرص العطور والبخور مبخر اذا حبيتي علب مزينة للملابس الداخلية والقمصان والشراريب مثل الي في محلات الهدايا طقم علاقات ملابس طقم مناشف اذا تبين يكون لشخص او شخصين حسب ما تحبين بس الاككثر ياخذون طقم كبير لشخصين شمعدانات وفواحات للغرفة لا تنسين تشترين كريمات عناية للبشرة تستعميلينا طول فترة الاستعداد للزفاف عشان ما يجي وقت العرس إلا وانتي بشرتك حلوة وابحثي عن الماركات الطبية افضل ولا تنسي تسئلي عن الي يناسب بشرتك وعمرك هذا الي جا على بالي الحين بس بقولك من كل شي زي ما شفتي ما اقولك اعداد كثيرة لان الموضه تتغيير دائما والنفس تحب التغيير باللبس والعطور والمكياج بعدين ما تعرفين طبع زوجك ولا أهله تبلشين بأغراض كثيرة ما تلاقين استحسان الي حولك صح الواحد يسوي الي يبي بس بعد الواحد يجاري المجتمع الي يعيش فيه وبعد خلي بيدك شوي فلوس لا تصرفينها كلها ولا تنسين المكياج حق يوم العرس والتسريحه كم بيكلفك الحين الكلام الاخير الي بقوله لك اول شي احرصي انك تتصدقين بشي من المهر عشان ربي يطرح لك البركه ويرضى عنك بعدين مافي زي الستر والحشمه لا تتبعي الموضات الغربية بحذافيرها خذي الي يناسبك وخلي الي ما ينفع البعض يحب يغيير شكلة قبل العرس تصبغ وتقص والبعض يحب يخلي هالشي بعد الزواج لان انتي اصلا بالنسبه للعريس جديدة وبعد وقت تغيريين وانتي ورايك عموما هذي وجهة نظري وانا حبيت اساعد وربي يوفقك ويسدد خطاكي

شوفي اول شي بارك الله لكما وبارك عليكما وجمع بينكما في خير الحين صلي على النبي اول شي...