الله يوفق الجميع

بعد مايمنع ان المتزوجات يعطونكم من افكارهم وتجاربهم

موضوعك مررة حلو وإن شاء الله أقدر أفيد الكل بتجهيزي لزواجي.. والمعذرة لو نسيت شي..

أول شيء ببدأبملابسي: ملابس الخرجة أخذتها من ( مانجو , زرا, سنتر بوينت, XOXO , مون سون,H&M ,مس سيلفرج , استرا ديفاريوس,...... المهم أماكن كثيرة ماني قادرة اجمع عموما من مجمع العرب في جدة وشارع التحلية وعزيز مول)
-ملابس السهرة إلي تكون ناعمه أخذتها من درهي ,مون سون ,مانجو طبعا هي تنفع لحضور مناسبات صغيرة.
-فساتين الزواجات صراحة عند خياطتي اسمهاستي في مجمع الشرق بس اثنين سويت.
-ملابس البيت: البجايم من نعومي ولاسينزا وسنتر بوينت وسيتي ماكس رخيص وشغلاتهم حلوووة طبعا في شي مع شباشبها وأنتوا بكرامة وأخذت من لاسينزا شباشب كذا الوان للبيت.
والملابس العاديه حقت البيت بناطيل وشورتات وبديهات وتيشيرتات من سيتي ماكس وبيرشيكاو الأماكن إلي جنب تاج توج حلوة ورخيصة.
-أقمصة النوم من نعومي ولاسينزا ولافي أند روز. عمومًا ملابسي جدا كثيرة وغلطة ندمت عليها الحين لأني ما اعتقد بلحق عليها شي منها ضاق عليا نصيحة لكل عروس لاتاخذ ملابس كثير..
الحين الأحذية:بحاول أنزل صورة الأحذية في رفوفها

http://Swr0806

أنا اخذتها 25 متنوعة مابين جزم مقفلة وصنادل وفلاتات أخذت أسود وبيج وبني , جملي,أبيض ,أحمر , تايقر, ذهبي ,فضي ,ألوان ثانية مو فاكرتها وحلاتها من جس , ألدو , ناين ويست ,فنسي , شومارت , شارلي أند كيث , ومو متذكرة كل شي لأني قضيت من قبل 6شهور
والشنط مع الجزم وغير حقت السهرة اللألوان الأساسية ذهبي وفضي بس الشنط ماصورتها.
- طبعًا لازم العبايات وحدة للخرجات العادية ووحدة للسهرات.
-ألحين ببدأفي المكياج:
http://Swr0799
أخذت اساس من سوبر كلر للسهرات وبودرة اساس من بودي شوب ,وبلشرات من ماركة ماك لون أورانج والثاني وردي , ومن مايبلين وردي وكمان برونز, وأخذت بعد من محل تجميل بلشر متدرج اللألوان واحد برونزي وواحد على وردي ب50 الواحد أكيد بتقولوا كثير بس انا اعشق المكياج واخذته شي بلمعه وشي بدون. وعلبة خدود الوان فوشيات واللحميات,وإضاءات من ماك فضي وذهبي ومن ماركات عادية اللؤلؤي والبيج والفضي والغليتر ذهبي وفضي والعلبة الطويلة فيها كذا درجة من ماركة عادية ورخيصة ولايمكن استغني عنها في مكياجي لأنها تعطي إطلالة حلوة للوجه,وفرشة خدود إضافية مع إني ماخذة شنطة الفرش من مركز الكورنيش من ماركة أوبرا بـ 150 أو 120 مو فاكرة حتى علبة البدكير من نفس الماركة وبـ 80 والله مو فاكرة بالضبط بكم ,ولاغنى تاتو الحواجب ب15 إلي تبغاه تاخذ نفس الشكل والماركة هذي من البلد,
http://forum.hawaaworld.com/<img title='' alt='Swr0798' src='https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/945e9c54921ae50f1d0b2008e5e8f487.jpeg'/>
هذي سلة الأرواج وماخذه كل ألواجي من ريميل لأنها روعه قليلة فيها ماخذة 18 لون وسعرها حلو 32 ريال من الكورنيش وماخذة بعد علبة الأرواج من فور إيفر,والمحددات الشفايف لأني ما استخدمها كثير أخذت (بني على حمار, وفوشي , ولحمي) أما حقت العين ( فيروزي, تركواز , كحلي ,نيلي وفي منها ماخذته درجات واحسن الأقلام من جيسيكا وفي من شركة ثانية مو فاكرتهابس واضحة في الصورة, والكحل طبي من الصيدليه ب37ريال مدري وش اسمه أعذروني)
والمناكيرات واضحة ألوانها ما اخذت كثير بس اللألوان إلي أحبها وطبعا فرش التظليل هذي مالي غنى عنها, والإي لاينر هذا الصغير, والماساكار من ريفلون اسود وماركة ثانية نيلي والبرايه بس احسن ماركة في الماسكارمن برجواز للكثيف خيااااااال استخدمها لي ثلاث سنين.
علب الظلال من البلد اخذتها إلي فيها لمعة وعلبة بدون لمعه الوان عادية.
الحين العطورات:


أبدا من اليسار زي ماهي واضحة مانسيرا, وايت مسك من مونتال,الوردي مدري من بربري يمكن, اسكادا, المملكة الخاص من الماجد, شوبارد , ون ميليون ,الشفاف من إيف روشيه بالياسمين, إيديل من غيرلان شيزيدو زن, يوني روز من لانكوم, ريما من الماجد المزخرف من العربية للعود, والتوت البري من بودي شوب, ومخلطات عطورات من كشك في عزيز مول ناسية اسمه مع دهونها والعطر إلي شكله زي المجوهرة طويل هدية ما اعرف اسمه, وما خذة مخلط ليلة الدخلة اسمه كذا في الماجد رووووعه ومسك الطهارة ودهن الورد من عبد الصمد القرشي.


بخاخ العاذرية من الماجد, بخور دخون الماجد, وكسر عود بعد من الماجد وفي العلبة القزاز كمان كسر عود من الماجد وكمان اخذت بخور عادي بالورد للبيت والعلبة الصفراء لي انا من الجويعي في الرياض مرررة خيال وهي محتويه على عطر وعلبة كسر عود ودهن عود.


هذي كريماتي
تعبت ..



وهذي سلة التنظيفات للحمام من بودي شوب ونكتار.


هذي علب الساعات والأكسسوارات والساعات واضحة من الحميضي والركن السويسري وفي قوتشي تقليد من النت شاريتها وفي من سواتش. طبعا انا اخذت ساعتين للعريس من الركن السويسري وحده موجودة في العلبة والثانية ما صورتها وماركات الساعات هي (فندي, دكني بربري, طبعاأصلية وإلي من الركن السويسري تعرفون انتوا ماركتها) والباقي ذكرته.
الأجهزة:



جهاز الواكس بـ 70 ريال, الإستشوار من بناسونيك 125, وفير الماني مدري ايطالي بـ 170 ريال.

الامشاط والفرش والقطن والإسفنجات تبع المكياج هنا
http://<img title='' alt='Swr0810' src='https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/90bb084ab8e7ddc71b9c4ac04445d4e7.jpeg'/>


والسجادات والشراشف اخذتها من البلد اطقم مرة حلوة على 45 ريال هذا سعر جملة بره اغلى اخذتها سته بس ومع الشجرة حقتها بـ 150 من البلد هي فوق جنب الجزم ما زينتها لسه .

ولحف السرير أخذت أثنين من اورانج وطقمتله ستارة من هوم بلازا وطقم من هوم بلازا جناااان بستارته بـ 600 ريال ارخص من اورانج.
مناشف أخذتها من هوم بلازا ,واورانج ,طقم الأرواب من اورانج بـ 380 ريال ,طقم بيجامات له هو من والله نسيت المهم بـ 160 فيه سروال البيجامة طويل وشورت والروب وشبشب والقميص حرير كله.
رفوف للحمام بكمالياتها ودولاب الحمام والستارة حقت الشباك والبانيو والدعاسات كلها طقم واحد وطقم الزبالة وملحقاتها هههههههه تعرفونها مافيني اكتب تعبت من بيت العروسة وهو بلازا بس مرررة جنان قهر ماصورته اوريكم هو.

وش باقي ماذكرته اممممممممم إذاتذكرت قلتلكم وتعبببت مرة وسامحوني إذا ما وضحتلكم شي عمومًا هذي مقتطفات من الدبش لأني لسه مارتبته وزينته.

اهئهئهئهئ ببكي من القهر ليه الصور ماطلعت تعبت وانا احملها بعدين اوريكم هي بس بريح الحين

رااائعه وان شاء الله الكل يستفيد

روعه روعه روعه

يعطيكم الف عافيه

وردهـ مآسيـــه

------------> ابدعتي والله ياقلبي مآقصرتي استفدت كثييييييييييييير من مشترياتك

بس قهر الصور مآآآآطلعت :(

يارب تحملينها ثاني ويضبط معك