حبيبتي مناير هلا والله ببنت ديرتى
جيتى والله جابج شنو راح يفكج من اسالتى الحين
حبيبتي الغاليه انا حجزت عند ساس دينا للمكياج وسيلفيا للشعر شنو رايج فيهم قولى الصراحه
بعدين مثل ما قلت من قبل وحيدة امى ومتخوفه ان فى شغلات ما راح تضبط وتعرفين هذا احساس كل عروس
بعدين الخبيره بيومها بتلاقينها محيوسه وعاريس شكثر عندها وما يمديها تقرر يمن تحط شي حلو ايه بس يمكن انا احصل من البنات الحلولات احلا منه
حبيبتى ما عليج امر حبيت اسالج وين احصل اكسسوارت للشعر
وفى الخصل الثلجى اللى تحطينها علا الشعر مو صبغه علا شعر مصبوغ وخالص خصل انا بس اثبته ما تعرفين من وين احصله

الاسووود لا الوان المصمم حلوووووه


الف مبروك:24:

مشكوره حبيبتي شموسه علا مرورج وردج
فعلا اللوان المصمم حلوه كثير وبينى وبينج كنه ايس كريم اللوان المسكه لكنها جنان
وانشالله يتمم الله علا خير وما تحصل مواقف باخحه بالعرس

نوارة الخصل الثلجية اسألي عنهم اول اللى راح تسوي لج التسريحة هي يمكن يكون عندها وتحط لج انا شايفه بنات حاطين لهم الوان بس الشعر مبين عليه بلاستك وشكلة مو ذاك الزود ,,, انا انصحج روحي مجمع الاذينه اللى بالسالميه تعرفينه ؟ اللى فيه المحلات اللى تزود الصالونات بكل شى عندهم خصل شعر طبيعي باطوال والوان مختلفه اسالي اذا عندهم خصل اذا ماعندهم خليهم يسون لج وهم يعرفون يضبطون شغلهم

اما عن المكيااااااج انصحج لالالالالالالالالالا تحطين البنى عروس وبنى راح تندمين طول حياتج اذا شفتى الصور خليج على الوردي والخوخي والذهبي والاسووووووووود خلي اللى بتحط لج المكياج تلعب فيهم بحيث تكثر من الاسود خاصة ان شعرج اسود ولو حابه تطلعين خصل يكون احلا واحلا

اما بخصوص اكسسورارت الشعر ,, انتى وين ساكنه ؟؟ ترا كل محلات الاكسسورات صايره تبيع هالسوالف عندج مشمة بالنقره عندهم شغلات حلوة وعندج نانسي هم بالنقره الشمالي عنده شغلات واذا تبين يقدر يسويهم لج بالشكل اللى تحبينه مع انى افضل ان يكون نااااعم يعني حبات كريتسال ناعمه تعطي لمعه مع الشعر الاسود احلا من الشغلات الكبار

الله يوفقج انشالله وصدقينى هذي احلا الايام باجر بتحنين لها

<< حنت لايام التجهيز :27:

انا مع الغلا لا تحطين بوني ابد
مشمشي مع خوخي ووردي وتقدين تدخلين الطوبي والاسود

وركزي على الاضاءه


الله يوفقك