الله يوفقك في حياتك الزوجيه ويتمم لك على خيـــــــــــــــــــــــــر

افرمي بصله واذا تحبي ثوم وكشنيهم بشوي زيت وبعدها حطي حبتين طماطم مع حبحر بارد بالخلاط لين ينفرموا كويس وبعدها تضيفين للقدر صلصه طماطم وحطي الطماط المعصور طبعا مع اللحم وحطي بهارتك وحبحر حار وخليها نصف ساعه تطبخ بعدها بالطاحونه تبع البهارات اطحني الشوربه افضل عشان ماتتعبك بالتحريك كذا اسهل ثم حطيها بالخلاط الكاس مع شوي موياواخلطيها وحطيها على المرق وحركيها وخلي غطاءالقدر مفتوح شوي عشان لايحوس فرنك وخليها تطبخ لو ساعه عاد كل ماطالت المدة كل ماكانت اطعم وبالعااااافيه  

طريقتي هي نفس الطريقه المكتوبه على قوطي الشوربه قطعي بصله واقليها بشوي زيت وبعدين طماطه وحده وكشنيها بعدين كشني الحمه مع 3 ثوم وملعقة كمون مطحون وحطي 8 اكواب ماء و1ماجي خليها نص ساعه وخوذي كوب شوفان وحطيه بطاسه او زبديه وحطي عليه مويه اللي يغطيه هاذي الطريقه ماخذتها من امي عشان تطلع شوربتك رايبه بعدين اشخلي اللحم والبصل وحطي كوب الشوفان مع المويه حقته بدون شخل وحطي مكعب ماجي ثاني وملعقه صغيره قرفه مطحونه ومثله هيل مطحون ومثله فلفل اسود مطحون وخليها على نار عاليه اول بس خليك عنده عشان ماتفور بسرعه وخليها تفور 10 دقايق بعدين قصري النار بس مو مره وخليها نص ساعه وبس اذا حسيتي انها ثقيله زودي ماء لاتنسيني من دعواتك عند الافطار بالصحه والذريه الصالحه

طريقتي غير عن البنات اللي ردو

شوربتي كلها تكون سايله مافيها قطعه طماطم طالعه لك بالمعلقه ولا بصل خخخخخخخ

انا مااحب البصل فيها لكن باقولك طريقه ماما تكشن بصل مع دجاج او لحم مع بهار مشكل ( انا مااحط بصل لاني مااحبه بالشوربه ) وبعدها تضيف المويه وتخليه يغلي شوي
بعدين تجيب خلاط الطماطم وتحط فيه الشوفان مع طماطم وكم حبه ثوم وماء ثم تخلطها كويس ثم تحطها ع اللحم اللي بالقدر مع شويه ملح وتخليها من ربع لثلث ساعه تطبخ ع نار وسط وانتبهي لاتغطي القدر خليه شوي مفتوح

ترى اذا صارت الشوربه مطحونه بالخلاط مع الطماطم احلى من انك تحطيها ع طول من العلبه للقدر

الله يسعدك ويوفقك