عروسه ماكملت شهر من يومين قالولي حولوها للرياض فيها سرطان

السلام عليكم ورحمة الله








كل عام وكل يوم وانتوا لله اقرب واحب










عن ابن عمر - رضي الله عنهما-قال: كان من دعاء رسول الله- صلى الله عليه وسلم-:


" اللّهُمَّ ، إِنًّى أَعُوذُ بِكَ مِنْ زَوَالِ نِعْمَتِكً ، وَتَحَوُّلِ عَافِيَتَكَ ، وَفُجَاءَةِ نَقْمَتِكَ ، وَجَمِيعِ سَخَطِكَ ".



رواه مسلم:







دعاء جامع من كل شر ... لابد اننا نتعود عليه ونصيحه غاليه تقدرين تهدينها للغالين
:: انهم يتعودون على هالدعاء ::





من يومين كان عند اهلي ناس ومعاهم وحده اعرفها جايين زيارة لأختي فديتها وفديت ولدها لبى قلبه ( اول مره اصير خاله ) بتشقق خخ


كانت الحرمه جايه مع حمولتها العصر


وبالليل ارسلتلي بنت عمتي تقول ادعوا لفلانه هي بالمستشفى بالعنايه


ومحتاجه الدعاء ارسلتلها اخت فلانه ( اللي كانت عند اهلي) قالت ايوه


قلت العصر كانت عند اهلي ماكان في شي


قالت فجأه تعبت عليهم ماكله حبوب معده منتهيه وصار تسمم وسوولها غسيل


ونقلوها لمستشفى اكبر بالعنايه وكانوا محتاجين لها دم الصباح


وكانوا خايفين يوصل التسمم للمخ ... وخايفين من سرطان شلون مادري


البنوته رايحه لرابع جامعه .. الله يشفيها البارح يقولون كأنها صحت الحمدلله


بس مادري عن أي تطورات



اللي حبيت اقوله


ان النفس ضعيفه واي شي ممكن يأذيها هذا غير انها امانه ننتبه ايش ناكل


نراجع الاشياء اللي مضى عليها فتره طويله وهذي مسؤليتنا كأمهات


بس اذا غفلنا وش المانع انت ياولدي او بنتي تطلون عالشي منتهي اولا


حالات التسمم للاسف كثرت



*******



وحده بعد عروسه نعرفها امها حبابه الله يرحمها حرصت امي الله يحفظها


تحضر زواجها عشان امها .. كنت ايامها موجوده عند اهلي لما رجعت للرياض قالولي انها منومه بالعنايه ناقصها دم وحالتها سيئه


سألت عنها قبل يومين قالولي حولوها للرياض معها سرطان


عروسه ماكملت شهر


الله يشفيها وكل مريض يارب



الله يكفينا شر الفاجعه ونقول مثل ماقال الحبيب محمد اللهم صل وسلم عليه


" اللّهُمَّ ، إِنًّى أَعُوذُ بِكَ مِنْ زَوَالِ نِعْمَتِكً ، وَتَحَوُّلِ عَافِيَتَكَ ، وَفُجَاءَةِ نَقْمَتِكَ ، وَجَمِيعِ سَخَطِكَ ".




وهذا رابط وقولوا الحمدلله فبالحمد تدوم النعم


http://forum.hawaaworld.com/showthread.php?t=3134186




لا اله الا الله