اختي شغب عندك ماركة اساس مرررة حلوة والاحلى انها من مواد طبيعيه يعني لو بشرتك حساسة خديها وانتي متطمنة اسمها رويال ( مو لوريال انتبهي) عندهم اساس مرة حلو بس مايل للخفيف اكتر يعني ينفع لكا المناسبات ماعدا السهرات وعليه بودرة تجننننننننن والله تخلي وجهك مخملي وطبيعي بس النوع المضغوط واسفنجتها تجيكي سميكة شوية عشان تبلليها مع شوية موية وتستخدميها حتطلع بشرتك احلى واحلى ..
انا عن نفسي استخدم البودرة المضغوطة لوحدها من غير اساس والله تبين كأني حاطة اساس وثابتة وسعرها شوية غالي بس طبعا مايجي جنب غلا الماركات التانية سعر البودرة 130 ريال ..
واذا حابة نوع ارخص كمان ونفس النتيجه عندك كارولاين يجي سعرو مايتجاوز 80 ريال سواء البودرة المضغوطة او الاساس المائي ( الي نستخدمو باسفنجه مبللة كمان)
وطبعا للسهرة الاساس لازم يتقل شوية جربي اساس كارولاين الكريمي حلو وسعرو حلو ب100 ريال ودا بالزات لو تدهني جسمك كلو في كل مناسبة مايخلص لانو كميتو مرة كبيرة وتوفي معاكي
اخر شي حقولك عليه بالنسبة لاساس الوجه بودرة من جد رااائعه ماركة بافيرا ( البودرة السايبة ) بس ماحتلقيها غير في مركز التحلية اذا انتي من جدة او عن طريق مندوبات
عارفة طولت عليكي بس دي الاشياء سرت اعتمدها من بعد ماجربت ماركات مرة كتير الغالي والرخيص والكل عارف انو الوجه كل ماكان صافي وطبيعي يغني عن المكياج التقيل
اذا حبيبتي حبيتي تسألي عن اي شي انا حاضرة
اختي شغب عندك ماركة اساس مرررة حلوة والاحلى انها من مواد طبيعيه يعني لو بشرتك حساسة خديها وانتي...
بس انا من الرياض