للرفعععععععععععععع

شوفي حبيبتي شنطة شهر العسل حسب الايام انا بقولك على اسبوع مثلا خذي ملابس طويله عشان الطلعات وتكون خفيفه عشان الحر بالعباياه تعرفين الجور حار وخذي 3بنطلونات منوعه برمودا وشورت وسكني وكذا وقمصان نوم5 و3تنورات برضو قصير وميد وكذا وخذي بجامات وخذي فستانين كشخه قصيره2 وطويله2 وطقم حمام روب ومنشفه وكذا وعبايتين وطرح ونقابات هذي بشنطه وشنطة ثانيه المكياج والعطور والشموع والفواحات والشامبو والاستشوار والجزم وشنط اليد والامواس وبراون واللوشنات واي شي تستخدمينه يومي الضروري يعني --وبالنسبه للصباحيه لشعرك عادي مشطيه ورفعيه على شكل تسريحه وحطي شباصات كرستال خفيفه او فونكه طقم بجامتك واذا جيتي تلبسي البسي فستان طويل بدون اكمام وكشخه وحطي مكياج كشخه بس ابعدي عن الاسود لانه رح يحوووووووسك ههههه وبس الله يوفقكن بحياتكن يارب


(معلومه مفيده للسفر)

عشان ماتنسين شي طلعي لبسك اللي بتاخذيه وبسطيه وحطي عليه كل شي رح تلبسيه معه من راسك لاخر اصبع برجلك كل لبسه لوحدها بعدين اما تحطي الاكسسوارات بكيس وتحطيه مع لبسه او تجمعيه بشنطه لوحده وبكذا نقول ان شاء الله مارح تنسين شي وسلااااامتكم .

ماذا تحتاجين ياعروسه من السوق؟0000----------------------------------
(الملابس الداخليه)ملابس مريحه للنوم شفافه وخفيفه=
ملابس داخليه للطلعات =
أطقم سنتيانات للبيت غير مبطنة=
أطقم سنتيانات سهرة= 
كلوتات انفرادية ألوان متعددة=
كلوتات للدورة=
(ماركات الملابس الداخليه)
ايتام 
شانتيل (للمقاسات الكبيره )
وافضل شى عندهم الاطقم الفخمه التل او الدانتيل المشغول والالوان الاسود والعودي والباذنجاني
لاسنزا (للمقاسات الصغيره)
نعومي
البي اتش 
وفيه أشياء حلوه مو ماركه لكن خامتها ممتازه
وافضل ستيانه تشد الصدر الكبير هي 
PUSH UP
موجوده عند كل الماركات..... انتي بس قوليلهم ذا الكلمة عند ماركس آند سبنسر
-----------------------------------
ملابس النوم:طقمين ارواب
قمصان طويلة بدون ارواب عدد =
قمصان قصيرة عدد=
بجايم حريري عدد=
بجايم قطنيه عدد=
كورساج + ستوكنغ عدد =
متوفره عند نعومي
-----------------------------------
(ملابس البيت)أقمصة قطنية قصيرة عدد=
أطقم شورتات قطنية+جينز عدد=
تنوره قصيره عدد=
تي شيرت عدد=
بناطلين طويلة وبرموداعدد=
فساتين قصيره عدد=
توبات عدد=
------------------------------------
(ملابس خروج)لاتكثرين من الفساتين ولازم تسالونهم عندهم عزايم والالاعشان ماتفصيلن وضيع عليك
فستان للصباحية
فساتين 2فخمة
فساتين نعومة لين كنتى بتروحين لاحد بداية زواجك 2او3
تيورات
واللون البرتقالي والفوشي باالأضافه للفضي اذا كان معاه كريستالات فضيه والعنابي والوردي والكحلي 
والسماوي اذا كان داخل عليها الذهبي تحلي العروس
بالنسبة للتصاميم روحى لمصمم او مصممة 
او خذي مجموعه من المجلات مثل
سيدتي- الجميله-كل الاسره-زهره الخليج-اسرتي-لها
تلاقين فيها عروض أزياء فية اشياء تجى حلوة وانيقة
جلابيات للأستقبال اذا كنتي ساكنه مع اهل زوجك بس تكون كيوت وبناتية فية مثلاواحة الجلابية وغيرة 
التنانيرالجينز والأسود اللي تناسب كل تي شيرت 
بناطلين حلوه للطلعات
------------------------------
(الشناط)الموضه في الشنط الكبيرة حقت الملابس تكون الوان مثل الوردى بحركات او الفوشى اوالاحمر انتى وذوقك واشكالها مرة كيوت
شنط عملية اذاطلعتى مع زوجك =
وهذه بعد ماركات شنط حلوه
فندي و جوتشي و كريستيان ديور و لويس فيتون و جيفنشي و الكارتير و الشانيل بولغري تورنتو واستغلي وقت التخفيضات
-----------------------------
(اغراض الحمام)طقم ارواب=
وفية يجى صندق خشبى بدروج مرة شكلة روعة وكامل من ارواب وفوط وغيرة
عدد من الفوط =
شامبوهاتك وصوابينك المفضله=
كريم حمام زيت ضرورى=
شفرات حلاقه جوليت مرة حلوة وتخلصي من الشفره فور الأستعمال
رغوه حلاقه فيه رغوه حلاقه باالتوت لونها موف في السوبر ماركت 
كريم صنفره=
أسكينول منظف للبشره=
فرشاه +معجون=
مطهر غسول للفم =
حبيبات بنكهات معطره للفم موجوده باالصيدليات=
رغوه للجسم=
:أحلى الرغوات:
صانسليك- B5 وتجي معاه ليفه ناعمه جدا-
رغوه نونو تخلي جسمك ناعم جدا
حلاوه لأزاله شعر الجسم واحلى حلاوه شهرزاد لونها موف وغطاها أبيض
غسول للمنطقه الحساسه صابون سائل في الصيدليات بثلاث نكهات غسول للمنطقه فيه باالتفاح والفراوله والنعناع
بودره المسك (للمنطقه الحساسه) تلاقينها عند العطار
مقصات ومبارد الأظافر
شموع +ولاعه للدورة المياة
اكسسوارات لاغراضك بالحمام
فواحه عند زهور الريف وعندهم انواع متعدده من الزيوت العطريه اللي تستعمل مع الفواحه 
علبه ديتول
اعود قطنيه
فازلين
معقم لليدين من ديتول
طابون للشنطة
طقم استحمام كامل من بودى شوب=
------------------
(علاجات)بندول
لزقات جروح
مسحات طبية
----------------------
(الجزم)شباشب أنيقه للبيت=
جزم مع فساتينك =
شباشب للخروج=
جزم اوشباشب عملية للطلعة مع زوجك=
شباشب للحمام=
------------------------------
(العطور)عطور فرنسية عدد=
بعض اللى مدحوهالى سنما من ايف سان لوران -اسكادا اخر واحد مرة حلو -بربرى اللى علية قماش -نينا رتشى الاورنجى وبعد الوردى- بلاك الفوشى والاسود-بلاك علبتة بيضاء -جفنشى اللى على شكل جوهرة -ريميمبر مي-آديكت من كرستيان ديور-
الترا فيوليت -هابي هارت من كلينك-
مادنس madness من شوبارد -فان كليف -
تندر بويزن من كريستيان ديور-لاكوست -
No5من شانيل-إليزابث أردن -قوتشي-فيرساتشي 
إيتيرنتي لوفي-مونتيل-لانفان-باكو رباني-
الين 
عطور عربية عدد=
بعض اللى مدحوها لى مسك لزج عند عبد الصمد القرشي-عطورات أجمل
خمريات للشعر=
عطور للنهار من زهورالريف اوبدى شوب اونكتار اومكياجى=
نيبتون من زهور الريف
توت العليق من زهور الريف
سويت كامليا من زهور الريف
المسك الأبيض من زهور الريف
أنجل من زهور الريف
عطر باالفانيليا من نكتار
التوت البري من نكتار
المسك الثلجي من نكتار
عطر دريم
أنانيا فيه عند بودي شوب ونكتار
المسك من بودي شوب
أوشنس من بودي شوب 
مون فلورمن بودي شوب
العطر الصغير الاورنج والاحمر عند بدى شوب
---------------------------------
(المفارش)اختاري أثنين
----------------------------------
(ماكياج)كريم اساس خفيف للنهار وعند زوجك = تلقينه عند ماكس فاكتوروبودي شوب
كريم اساس سائل=
كريم اساس بودرة=
الافضل
ماك وجفنشي وديور وفور ايفر 
ابتعدى عن نينارتشي يطلع قشور
الاساس الستيك عملى بالشنطة من كريولان
مخفى العيوب =
الشدو= كبير وصغير للشنطة كريولان فور ايفر ماك
بلاشر= 
اقلام حواجب والتاتو =
كحل عين داخلى جاف وكريمى= الجاف جفنشى والكريمى كريولان لانكوم 
كحل سايل=
المسكرة= ايف سان لوران لانكوم هيلينا روبنشتاين بروجو نيفيا
اقلام عين =ذهبى-فضى-ازرق-سماوى-اخضر-بنفسجى-ابيض
محددات للشفاة=
اضاءة للعين =ريفلون وبعد كريولان 
ذهبى فضى-لولوى
بودة اللمسة الاخيرة اضاءة =ماك وبدى شوب
مكياج جسم+لمعة جسم +بخاخ السيقان =شيسدو
القلوسات والارواج للنهار=
عندماكياجي-زهور الريف-بودي شوب-نكتار
ارواج وقلوسات للطلعة =فور ايفر ريميل نيفيا
شانيل جفنشي شسيدو لانكوم ديور
مثبت المكياج بخاخ=
مزيل المكياج بخاخ اومسحات=
مزيل المسكرة=
ميلك للبشره
كريم مرطب للبشره
غسول للبشره كلين آند كلير
شنطة مكياج 
شنطة صغيرة لمكياجك تكون بشنطتك 
شنطة فرشاة المكياج من مكياجى مرة رووعة
فرشاة للشدو
----------------------
المناكير خذي هذه الالوان بصلي..وردي..احمر..عنابي فوشى شفاف موف اسود واللى يناسبك
--------------------------------
(اكسسوارات)اكسسوارات مع ملابسك
نظاره شمسيه
اكسسوارات شعر
عدسات2 ملونه لاتلبسينها في البدايه علشان مايتعود على شكلك فيها
بنس للشعر
بكل وكلبسات 
شقرة حواجب=جولان
---------------------------------
الأجهزه
محول للاستشوار
الة براون للحلاقة
استشوار عدد 2 
فير لتلفيف الشعر
لفافات كهربائية
مبخره كهربائية
رغوة+سبير+جل فرشاة استشوار
فرشاة شعر
---------------------
متفرقات
قران صغير+اذكار
كتاب الطبخ
خيوط+ابر+مقصتكون بشنطة كاملة باغراض الاضافر
شنطة لمجوهراتك
أكياس معطره للملابس
اكياس تحطين فيها الملابس الداخلية بالدولاب تكون اشكالها حلوووة عند محلات الانجرى مثل نعومى ايتام ولاسنزا وغيرها
زيت السمسم لان شعرك بيصير جاف لانك موفاظية تهتمين فيه يوضع بعلبة انيقةلو10دقايق
علب لحفظ اغراضك داخل الأدراج
كاميرا فديو 
لبان فيه لبان ايراني ممتاز عند محلات البخور جواه عسل وفيه نكهات متنوعه 
العلك يشوة منظر العروس لاتعلكين قدامه 
سجاد وشراشف للصلاه
---------------------------
نصائح---------------------------
اهتمي بتثقيف نفسك عن امور الزواج 
تجنبي كثره الثرثره عن اهلك لحد ماتعرفين شخصيته ويبغالك سنتين علشان تعرفين
احذري من كثره الحديث عن تفاصيل حياتك قبل الزواج
تعودي على تدليعه ببعض الكلمات علشان ماتستحين بعدين
عوديه على نفسك يعني اذا كنتي في منطقه اهلك لاتكثرين من الذهاب لهم اول الزواج علشان يتعود عليك ويسير مايستغني عنك
لاتنومين عند اهلك فبداية الزواج عشان مايتعود على فراقك
لاتكثرين رسائل الجوال تسيرين لزقه 
اذا بغيتي أي شي من السوق وخاصة بشهر العسل لاتستحين ترى حياك ماراح ينفعك والرجال يحب اللى تدلع وتطلب من زوجها
بعدين بيتعود الرجال على قله الشراء وبعدين اذا طلبتي شي راح يتكاسل ولايهتم بأغراضك لأنو ماتعود من البدايه يشتريها 
وطبعا مو كلهم كذا لكن اضمن لك انك من البدايه تبتدين ماتستحين من الطلب 
وخلك ذكيه اذا لمحتي حاجه تناسبه في السوق قولي خذ هذا احس انو مناسب عليك باالمره يعني خلك بين طلباتك ومستلزماته وراح يتعود على المصاريف الله يعينه ويوفقه




نصيحة ابدائي بالفساتين وملابس الطلعات لانه على اساسها راح تاخذين الجزم اعزكم الله والشنط
نصيحة ثانية فصلي عباتين وحدة فخمة للطلعات الرسمية والمناسبات والثانية هادية ومرتبة تكون للطلعات المعتادة 
لاتكثرين عطور علشان ماتطفشين منها بسرعة
حددي مبلغ لكل شيء تبين تشرينة وحطية بظرف وسجلي علية اسمة وكل مرة تطلعين تشترين شي تاخذين الظرف الي فية مبلغة الخاص علشان تصرفين بترتيب 
والي يبي لة تفصيل خلية اول شيء علشان اذا صارت اخطاء يمدي تتفادينها وتعدلينها من بدري
خذي كواية بخار افضل لك
وبعض الاغراض الي تتوقعين بتجيك منها هدايا اجليها لاخر شي عشان تختصرين على نفسك الجهد والفلوس بعد 

وبالتوفيق لجميع العروسات الحلوات

منقوول

دعواتك لي ربي يوفقني بزواجي وييسره لي ويسخرلي زوجي

هذي بعض ماستطعت ان اجمعه لك من الانترنت
خايفه زوجك يتزوج عليك ..إسمعي كلامي ..بإذن الله ماتطلعين ندمانه ..
الموضوع حساس للآخر ..

حاولت قدر الإمكان أختار ألفاظ تتناسب مع حساسية الموضوع ..

الرجاء من كل عضوه ..أن تحمل العبارات على محمل حسن ..وأن لاتشك بقدراتها ..او بنفسها ..

فأنا لااقصد أحدآ بعينه ..وأنما أتحدث بعموم الحال ..وأكتب مايمكن أن ينفع عضوات عالمنا الوردي ..

فرجائي كل الرجاء ..من زوجات المعددين خاصه ..ومن عضوات عالم حواء عامه ..

أن يقرأن الموضوع بعقلانيه بعيدآ عن العاطفه ..وبحياديه تامه ..فوالله لاأريد الا الإصلاح ماأستطعت ..

>>بلاش الله يخيلكم شغل المحقق كونان ..وأيش تقصدين ..ومن هذا الكلام ..علشان نبقى حبايب ..دووووووووم ويووووووم ..



بعد المقدمه التحذيريه هذي ..

أكيد بتقولون حره ..عندها شيء خطير ..

وخايفه تتكلم وتجيها قنابل أرض جو ..

والا يفجرون بي ..واروح بخبر كان ..>>ياحسافه مايسوى عليك تكون نهايتك بسبب هالموضوع ..!

بس أعذروني من كثرة المشاكل ..والهجوم الغير مبرر بين العضوات ..صرت أخاف اكتب ..أي كلمه ..وتجيني بعدها ردود أنا في غنى عنها ..


وأتمنى قبل نرد على هذا الموضوع ..ننسى تمامآ فكره ثانيه ..ورابعه ..وعاشره ..ونعيش كلنا مع بعض كزواجات وحيدات ..

هدفنا السعاده الزوجيه ..الدائمه والأبديه ...في ظل طاعة الرحمن ..

ماننكر أن أمنية كل زوجه مننا أنها تعيش هي الوحيده في قلب زوجها ..

وتملك حياته ..ويغمرها بحبه وعطفه ..وحنانه ..ولاأحد يشاركها فيه ..

هذي غريزه فينا كلنـــــــا ..وماأحد ينكرها ..

حتى زوجات المعددين أنفسهم ..ماينكرون رغبتهم الحقيقه ..في الـــــزواج من أعزب ..بدون وجود شريكه ..لكن قدر الله وماشاء فعل ..

ماني بصدد مناقشة ليش المرأه تقبل تكون زوجة معدد ....

هذي الإسطوانه ملينا منها ..ووالله تشبعت وحفظت الإجابات عن ظهر قلب ..من كثر ماقرأتها ..

اللي يهمني وأعتقد يهم كل إنسانه تحب بيتها وزوجها هو كيف تحافظ على أستقرار حياتها الزوجيه ..وسعادتها ..

اللي عليك الآن ..كزوجة رجل غير معدد ..إنك تنتبهين لحياتك ..,وتستفيدين من تجارب غيرك ... 
..من يدري بعد كم سنه ..شو بيكون وضعنا ..!؟

حاليآ نبغى نستمع بكل لحظات .حياتنا.ونتوقف عن التفكير السلبي ..والخوف من التعدد ..

وننظر لحياتنا الزوجيه بشكل إيجابي أكبر ..ونخطط لها بشكل صحيح ..ومدروس ..بحيث نمتع أنفسنا ..وأزواجنا ..

وناخذ العبره ..من تجارب زوجات المعددين ..وناخذ من قصص الأزواج المعددين ..اللي يهمنا ..

ونتجاهل الأشياء اللي ترفع الضغط ..وتأثر على حياتنا ومشاعرنا بشكل سلبي .. ..!

لو ندقق الملاحظه ..في الحياه العاديه مابنشوف الا جزء مثالي فقط ..يظهر أن كل زوجه هي المثاليه ..وهي من تملك ..زمام قلب زوجها وعقله ..

ويظهر أن كل زوج سواءآ معدد أو أعزب إنه سعيد ..وعادل ..وشاطر ..وبطل .!

ولأني أبغى أفيد نفسي وأصحح مسار حياتي ..وأتجنب أخطاء غيري .....وأسعد زوجي ...أولآ ..وأخيرآ ..

صرت أبحث عن إجابات شافيه ..غير اللي يتشدقون فيه الرجال والحريم في الحياه العامه ....والأسطوانه المثاليه اللي نسمعها كل مره ..

لاحظت أن الرجال كثير مايتحاشون التحدث عن أسباب التعدد من ناحيتهم ..وأسباب تفكيرهم بالزواج ..!

واغلب الرجال يصرف الموقف بإجابه مثاليه ..وهذا الشيء ماكان يريحني ..وكان يخليني أعيش دوامة قلق ..وخوف ..وتفكير مستمر ..في التعدد ..

وحتى الزوجات نفس الشيء ..ماكنت ألاقي منهم اللي أبغاه ..

والحمد لله لقيت اللي أبحث عنه ..بعد بحث طويل ..وتعاون من بعض الزوجات الواعيات ..واللي تجردوا من الأنانيه ..وصار عندهم حب لنفع النــــــــاس ..

طبعآ كل اللي راح أكتبه هنا ..ماهو الا إجتهاد بسيط ..وتبقى الأسباب بيد مسبب الأسباب ..وكل مايحدث في حياتنا ماهو الا بقدر الله عزوجل ..ومايرد القضاء الا الدعاء ...

ماأقولك راح تكونين أسعد إنسانه لو طبقتي هالكلام ..

لكن ممكن تعيشين حياه وسطيه ..وماتخافين أحد يهضم لك حقوقك في يوم ما ..

وراح تكون حياتك ماشيه على خطى واضحه ..وثابته ..,ومستقره ..بإذن الله ...

بعطيكم ملخص كامل للأشياء اللي أستفدتها من حياة المعددين ..

الكلام الي بقوله يهم زوجات الغير معددين كثيرآ ..وأرجوا من الله عزوجل إنه يترك أثر إيجابي في كل زوجه ..

وبسم الله نبدأ ..



أول شيء ..في حياتك الزوجيه عمومآ ..تعاملي مع زوجك على إنه رجل معدد 

قدمي واجباتك كزوجه على هذا الأساس ..وطالبي بحقوقك على هذا الأساس ..>>بتصفق لووووووووووول ..!

وانا والله اجزم لكم بتعيشون براحه نفسيه عجيبه بعد هذا القرار ..وحتى زوجك راح يسعد بك ..!!

أكيد بتقولون الله يرحم والدينك حنا ماتحملنا الحلم أنه تزوج عاد نتعايش مع الفكره ..!!

لكن والله ..أنا أقولك إنك بتعيشين مع زوجك بتوزان ...كييييييييييييييف ..أنا أقولكم ..

راح يتوقف مسلس العطاء المستمر بدون مقابل ..

راح يتوقف مسلسل الإهمال الزوجي ..

راح يتوقف مسلسل اللامبالاه ..

راح يتوقف مسلسل الثرثره الغير مفيده ..والسواليف الماصله ..

وراح يتوقف مسلسل التنازل عن الحقوق ..

وراح يتوقف مسلسل التحقيق المستمر فين رايح ..من فين جاي .

وشغلات كثيره راح تتغير ...شيء منها لصالحك ..وشيء منها لصالح زوجك ..


وراح أسلط الضوء على أهم الشغلات راح تغيرينها بحياتك ..



الأمر الأول : أهمال المظهر 

لو كان زوجك معدد ..هل راح تهملين جسمك مثلآ ..!؟

بصراحه شعورك الآن أكيد لأ ..بتحاولين تخففين وزنك لو كنتي سمينه ..
بتحاولين تخفين أثار الحمل والولاده من جسمك ..

بتحاولين تعدلين بشرتك ..وتغطين عيوبها ..( صنفرات ..وكريمات تقشير ..وكريمات تفتيح ..) ..
شعرك ..اسنانك ..ملابسك ..إستايلك عمومآ ..ليه ..؟؟؟

لأن زوجك عنده شريكه غيرك ..ممكن يزهد فيك ويقبل عليها ..بسبب أهمالك ..وهالشيء راح يؤدي الى هظم حقوقك ..!؟

طيب وأذا زوجك مو معدد بالمعنى الحقيقي ..فأعتبري إن كل نساء العالم كلهم ضرايرك ..

لأن زوجك موأعمى ..ولاغبي ..بيشوف نساء حوله وحواليه في كل مكان ..
محارمه نساء ..خواته نساء ..في الشارع نساء ..في التلفزيون نساء ..

ولو ماشاف ..فهو يسمع ..,أصحابه يتكلمون ..أخوانه يتكلمون ..أهله يتكلمون ..
والكارثه الأدهى والأمر لما أنتِ بعد تتكلمين عن النساء ..وكأنك تفتحين عيون زوجك على عيوبك ..!

( رحنا لفلانه وطبخها لزييييييييييز ..(وأنتِ طبخك ماشي حاله )..وفلانه بيتها نظيف ( وانتِ بيتك حوسه ..) 
وفلانه جسمها يهبل ..وفلانه شعرها ..وفلانه أسلوبها ..وفلانه مزحت وقالت ..وفلانه خفيفة دم ...وزوجك مشنف آذنه يسمع ويتخيل فلانه ..!؟ويتحسر على حضه ..ويندب نصيبه اللي جمعه فيك ..!!

وأنتِ مبسوطه على الآخر على بالك هو مستمتع بسواليفك ..!
وكل مارجعتوا من خرجه يسألك عن فلانه وعلانه ..وأنتِ نفس السيناريو يتكرر ..بأختلاف الأسماء ..!





الأمر الثاني : تغلبي على الحالات المزاجيه ..والإهمال واللامبالاه ..والفتور ..

بصريح العباره ..مافيه أنثى كامله في الوجود ..حتى أنا ..تكذب من تدعي الكمال ..

والمرأه منا تعتريها ..حالات مزاجيه متقلبه ..( حمل ..وحام ..نفاس ..دوره ..) ..تتتغير فيها الهرمونات ..ومزاجها يكون متعكر ..,مالها خلق ..حق اللبس والإهتمام ..والدلع ..

وأحيانآ يعتري الزوجه ..كسل ..ملل ..وفتــــــــــــور ..نقدر نقول غفله ..عن هذي الأمور 

وهذي الفترات أحيانآ كثيره ..تكون مساحه خصبة لأنتشار أفكار سلبيه عن الـــــــزوجه ..وكثير معددين مالقيوا فرصه للزواج على زوجاتهم الا بمثل هذي الفترات ..!


للأسف صمت الزوج وسكوته على الوضع الغير مرغوب فيه .....يدخل الزوجه في دائرة الأمان ..وزوجي ماينتبه ..وزوجي مايدري .. اللين تكتشف إنه متزوج ..ويمكن هالساكت مقطع لحمها تقطيع بين الناس ..!

زوجتي مهمله ..زوجتي ماتلبس ..زوجتي ماتعرف تهتم .... ترى الساكت أخططططططططططر ..!

فلاتنتظرين اللين يفكر زوجك بالتعدد علشان تتصلحين ..وتنفضين غبار الكسل ..وتخرجين من دائر الملل والفتور ...وتبدأين .تعدلين من الأشياء اللي كنتِ مهملتها ..

خليك متهمه بنفسك طول العمر ..علشان لايجي يوم ..وتسمعين منه كلمه ..ماتعدلتي الا لما تزوجت ..

ترى محد بيقول ياحرام ماكان يعلمها ..ماكان يذكرها ..ماكان ينبهها ..الكل بيقول هي مهمله ..هي فاشله ..!؟






الأمر الثالث : الحقوق ..والواجبات الزوجيه ..

أعطي زوجك حقوقه كاااااااااااااااااااامله ..لاتقولين ..هذا مايدري ..مايعرف ..(يخب عليه )..مايملأ عينه ..!؟

الرجل وأن كان ساكت ..أو مايطلب ..ماهو دليل رضى عن سلوكك ..يمكن هو الآخر يتوقعك جاهله ..وماتعرفين ..

علشان كذا يسكت عنك ..ولايتكلم ..ولايطالب ..بينما تتفاجأين إنه ممكن بلحظة خطب وبيتزوج ..!

هذا دليل إنه فاهم بس كان صامت ....في هذا الزمن مافيه رجل بسيط ..الرجال البسطاء ..أيام جدي وجدك ..اللي كان همهم يدخلون البيت يلاقون لقمه ياكلونها ..وفراش ينامون عليه ..

الآن الرجال يبغون وحده تستقبل بحفاوه ..وتودع بحراره ..وتشارك الفرحه ..بحواسها كلها ..وتشاركه الحزن بحواسها كلها ..

يبغون أنثى ..أنثى حقيقه ..مش ديكور ..ومظهر ..ومقاسات معينه ...لأن أسلوب الحياه الآن تغير عن أسلوب الآباء والأجداد ..وصار وظيفة المرأه أكبر ..والحمل زاد عليها أكثر من قبل ..

قرأت لرجال يتكلمون عن حاجتاهم ..,ورغباتهم ..وأنا اجزم أن ولا واحد فيهم صرح لزوجته فيها ..!

وكل مطالبهم كانت عاديه ..وممكن أي زوجه تسويها ..لكن ...؟؟؟؟؟؟





الأمر الرابع : أشبعي الحقوق المتمثله في الفراش ومايتعلق فيه 

الرجل ماتزوج الا للعفاف ..فلاتبخلين على تعلم كل مايسعد زوجك و يريحه من هذا الجانب ..
لاتقولين مايطلب ..مايبغى ..مايعرف هذي الحركات ..ممل ..موجريء ..مايفهم ..أستحي ..!

لاياقلبي ..انتِ أستعدي ..أنتِ رغبيه بنفسك ..أنتِ إجذبيه لك ..أنتِ تغلبي على خجلك ..

الرغبه الأساسيه في زواج كثير من الرجال هو الجنس ..وهذا الكلام والله ماأقوله الا لما سالت بنفسي ..

وسمعت من رجال ونساء ..إن الجنس هو السبب الرئيسي في دخول فكرة التعدد لحياتهم ..
الرجل يبغى التجديد ..يبغى الجرأه ..يبغى الإعجاب ..يبغى الإشباع ..

ولاتربطون الموضوع بضيق ووسع وخراب ..لأن الأمر أكبر من ضيق المنطقه أو توسعها ..

والإشباع يشمل كم ..وكيف ..ركزي عند هذي العباره كثير ..
مايهم الرجل الكثره ..بقدر مايهمه الكيف ..والعكس صحيح ..

أذكر لكم إسم كتاب جميل جدآ يتكلم عن الفراش ..,كيف كان سبب دمار كثير من البيوت ..
والمؤلف عرج على ملاحظات وقصص والله يمكن تافهه في نظركم ..ولو قرأتوها أكيد بتقولون معقول في الألفيه 

الثالثه ..ومحد يعرف أبسط هالبديهيات ....لكن الغفله والإهمال صعدتها ..ووصل للطلاق ..

الكتاب إسمه ( التربيه الجنسيه في المجتمعات السعوديه ..) الكتاب أذكر يوزع من المشروع الخيري أو لجنة الإصلاح الأسري بعنيزه ..

مالقيته في الإنترنت والا كنت بحاول أرفعه على الموقع ..علشان تستفيدون منه ..








الأمر الخامس : ..حقوقك كزوجه ..

شفت أزواج يتزوجون على زوجات مثاليات ..ولاتستغربون ..

والله واقسم بالله أنها مثاليه من كل ناحيه ..في التربيه ..في الأخلاق ..في التعامل الزوجي ..في العطاء في التعاون ..ماكانت تقصر على زوجها بأي شيء يسعده ويريحه ..

لدرجة إنها تمثل دور الزوجه والزوج في نفس الوقت ..ومقدره إنشغال الزوج بعمله أو دراسته ..,وقائمه حتى بدوره تجاه الأبناء ..

لكن بالمقابل ..حاجتها وحقوقها وأمنياتها ..وطموحاتها اللي كانت في أمس الحاجه لها ..كانت متغاضيه عنها ..بإعتقادها إن هذا تقدير منها لزوجها ..وإن هالشيء ممكن يكبرها في عين زوجها ..

وماكانت تبغى تشغل الزوج بمطالبها ..ولاتطلب منه يشاركها في واجباته تجاه بيته وأطفاله ..!؟

كون الزوجه مرت سنوات عليها وهي متنازلة عن شيء من حقوقها ..من باب تقدير للزوج ..ولوضعه المادي ..ومن باب التفاني في خدمته ..هذا أغلب الزوجات يشكرون عليه ..
لكن أعطي زوجك دوره الحقيقي في بيته ..

وخذي أنتِ دورك الطبيعي ..وخليه يشارك في واجباته كزوج وأب ..

رعاية الأبناء ..تربيتهم ..متابعة دروسهم ..خليه يشاركك كل شيء ..ترى الأب مو صرافه فقط ..!؟

لاتحملين نفسك فوق طاقتها ..

لاتنتظرين اللين زوجك يتزوج ..وتبدئين تطالبين بالشغاله اللي لك سنوات محتاجتها ....

والمصروف اللي لك شهور ما أخذتيه ....والسفر اللي كنتي محرومه منه ....
ويغير لك غرفة النوم المكسرة .. ..والثلاجه الخربانة ..و المكنسة المحروقة ..!

و تطالبينه يتابع عياله ..اللي مايعرف بأي مرحلة دراسية هم ..!
لاتنتظري أنثى تجي تصحيك من سباتك ..

وتذكرك إن لك حقوق أنتِ ساكته عنها من سنوات ..!
وإن لك فلوس أبو العيال إستلفها منك من سنوات ..ولارجعها ..
وإن ماعندك ملابس خروجات زي باقي الحريم ..ولاعطور ..
ونص علب المكياج مخلصه ..وكريمات الترطيب ماعندك منها شيء ..!

لاياقلبي ..أصحي لنفسك ..وأحسبي لكل شيء حساب ..

ماأقول حملي زوجك فوق طاقته ..وخليه يتسلف ويتدين ..لاوالله ..
لكن أنتِ تعرفين زوجك ..واللي وراه واللي قدامه ..مايمنع يعطيك حقوقك اللي ربنا فرضها لك ..بما يستطيع ..
( لينفق ذو سعة من سعته ) ..ولاتتمللين من تكرار الطلب ..أطلبي مره وثنتين وعشر ..اللين يقبل ..

والحيله ..وكيد الحريم ..كفيله إنها تخدمك بهذا الموضوع ..




الأمر السادس : .. ..زوجي يحبنـــــــي ..إيه نعم يحبك ..ويموت فيك ..

ولو تسألين أي زوجه معدد هل زوجك كان يقولك أنا أحبك ..بتقول لك ياما ..وياما ..شبعني حب وغرقني فيه ..

ووالله ولاحده منهم كانت تتوقع أن زوجها يتزوج عليها بيوم ..من الحب والألفه اللي بينهم ..!

ويمكن بعضهم الى الآن مازال والله يحبها ..ويعشقها ..وبينهم موده ..ورحمه ..

لكن لاتعتمدين على الحب وحده وتقولين خلاص بما إنه يحبني فماراح يفكر يرتبط بوحده غيري ...
..وهذا الشيء اللي تعلمته من الرجال ..أن الحب ماهو دليل كافي أنه متشبع منك ..!

إيه نعم الحب شعور يعطي بالأمان ..

لكن لاتتعدى هذي المشاعر الى الثقه العمياء ..علشان لاتنصدمين ..

ماأقول لك أن الرجال خونه ..ومجرمين ..ومن هذا الكلام اللي أسمعه من العضوات ..

لاو الله ..لكن زوجك زي مايحبك ..فهو يحب نفسه ..وهذي كلمه للأمانه تعلمتها من الأستاذه ناعمه الهاشمي ..

شهوة الرجل تغلب عاطفته ..!

إيه نعم يحبك ..لكن حاجته لأنثى غيرك ..تسدد النقص اللي في حياتكم ..( ممكن يكون نقص بسيط) ..راح تحجب عاطفته ..وراح يفكر يشبع النقص ..

ماأقولك إن هذا التصرف ..أنانيه منه ..والانذاله ..والا خيانه ...لأن شرع الله حكيم ..

وأنتِ بعد عامليه بالمثل ..حبيه ..بيديك ورجليك ..بكل جوراحك ..لكن حقوقك ..,وحاجاتك ..لاتنسيها ..

الحب وحده مايوكل عيش ..>>>دايم أقولها ..






الأمر الأخير : ....لاتهملي أنتقاد زوجك لك ..( رجاءآ لمصلحتكم لاتهملون هذي النقطه ) 

الرجل بطبعه جدي ماعنده لف ولادوران ..والشيء اللي مايعجبه يقوله بشكل مباشر ..

بعكس الشيء اللي يعجبه ..( مايعرف يمدح ..لكن يعرف ينتقد ..لأنه ماتربى على الكلمه الحلوه لاتلومونه ..) 

أحزن كثير لما اشوف زوجه ..زوجه إنتقادها بشيء..والعضوات يقولون لها ..ماعليك منه طنشيه ..

أزعلي منه علشان مره ثانيه مايعيدها ..هذي النصيحه بحد ذاتها خرااااااااااااااااااااااااااب البيوت ..!

زوجك لما ينتقدك ..فهو جاد في كلامه ..وخذي كلامه على محمل الجد ..وترى أغلب الرجال مايعرف أسلوب التلميح ..

لما يقول أنتِ فيك كذا وكذا ..يعني فعلآ أنتِ فيك كذا وكذا ..!

لاتكابرين عن تقبل نقده ..ترى مع الأيام يبطل ينتقدك ..وانتٍ تفرحين على بالك أنه تأدب ..وصار يحترمك ..

لكن للأسف راح تكتشفين أنه أنعدمت بينكم لغة الحوار و الصراحه ..وصارت حياتكم واجبات وحقوق فقط ..

ويصير هو يعيش معاك على مضض ومجامله ..وفي يوم وليله ..تصحين على خبر ..إنه متزوج ..!

طيب ليييييييييييييش ..!؟

لأنك كممتي فمه ..أخرستيه عن الإنتقاد ..صار يحس إنه مضطهد ..مقهور ..مكبوت ..موقادر ينتقد ولايعلق على شيء .... مهما شاف منك أشياء ماتعجبه ..مايقدر يصارحك ..

لأنك بالعربي تزعلين ..,وتضربين البوز ...وتسوين مشكله ..أصبح هو يلجأ للمجامله ..لأجل تستمر الحياه شكليآ..!

وبنفسي سمعتها من أكثر من رجل ..يقول هالكلام ..أن المرأه ماتفهم رغباتهم ..والسبب ردة فعلها تجاه نقدهم ....

بصريح العبارة أحدهم يقول زوجتي ...ماراح تفهمني ..وتزوج عليها ..!

تقلبي نقده لو ماعجبك ..وأوعديه خير ..لو ماراح تنفذين ..المهم تعرفين رغبات زوجك ..وأمنياته ..وخذي منها اللي يناسك ..وتجاهلي اللي مايعجبك ..





وأخيرآ ..




في الإنترنت تعلمت ان العطاء الغير محدود والغير موزون ..ممكن يأثر على الحياه الزوجيه بشكل سلبي ..!

في الإنترنت تعلمت أن الرجل الشبعان لايمكن أن يلتفت للخارج ..( طبعآ شبعان من كل النواحي ) ..!

في الإنترنت تعلمت إن السكوت عن المطالبه بالحقوق الزوجيه ..والتنازلات المستمره ..تخفض مستوى تقدير الزوج لحاجات زوجته ..!

في الإنترنت تعلمت ..أن الرجل يعرف مايريد ..ويعرف يحدد رغباته بدقه ..وحاجاته ..وراح يبذل المستحيل في سبيل توفير حاجاته ..وأي شيء ممكن يسعده ...أما المرأه تعرف بشطاره شو يبغون الناس منها ..!!؟؟؟( للأسف فشل ذريع للمرأه سببه التربيه ) ..

المرأه تنظر للمجتمع أولآ ..وردة فعله ..ثم حاجاته هي ..!

بينما الرجل يفكر بحاجاته أولآ ..ثم يفكر بالمجتمع ..وأحيانآ مايقيم للمجتمع وزن أصلآ ..!

وهذا الفارق بينهم ..

لاحظوا لما الرجل يفكر يعدد ..مايشيل هم أبدآ لكلام الناس ..أو نظرتهم ..أو شو بيقولون عنه ..!

بينما المرأه حتى لو تبي تشتري لها فستان ..أو تغير قطعة أثاث في بيتها ..فهي تفكر بالناس ..أولآ ..وشو ردة فعلهم ..ونظراتهم ..وكلامهم ..!


هذي حاجات أستفدتها من الأنترنت ..

فشكرآ للإنترنت ..
منقووووووووووووووووووووووووووول

دعواتك لي ريي يوفقني بزواجي ويسره لي ويسخرلي زوجي

موقفه