عروسه ومحتاسه ساعدوني

رفع

عين الغاز نقعيها في موية وخل وبعدين غسليه عايدي حتى لو بالسلك مافي مشكلة
اما التنظيف سهل مرة بالذات ما عندك احد يوسخ يعني المجالس وحماماتها خلي تنظيفها بالاسبوع الا اذاجاك ضيوف نظفيها بعد خروجهم مباشرة وقفليها والغسيل والكوي حددي للغسيل يوم والكوي يوم. هذا العمل اللي ما يتكرر كل يوم
نجي للعمل اليومي لازم تغسلي الحمام يوميا والمغاسل اول ما تصحي من النوم وممكن قبل ماتنامي في الليل وتصحي تلاقيها نظيفة وغرفة النوم لازم تترتب وتتمسح يوميا وأكيد على خفيف وانت كوني حريصة ومنظمة عشان ما تتقربع بسرعةكل ما أخذتي شي رديه مكانه وأكيد حيكون عملك مريح لان ما في يد ثانية في البيت
اما المطبخ انصحك استخدمي عددمحدودمن الأواني ودائما اغسليها اول باول لا تراكمي النحاس وتحوسي وتطولي في الشغل البوتجاز اغسليه يوم بعد يوم غير المسح اليومي ودائما نقي كل العيون في مويه وخل بعدين غسليها وبعدين غسلي البوتجاز ومسحيه وخلي يوم في الاسبوع للتنظيف العميق زي ترتيب الثلاجة والتشييك على الدواليب في وقت يكون زوجك في العمل او بره اونايم وكمان اللي تحتاج لترتيب يومي الصالة وغرفة المعيشة وترى الموضوع بسيط بس مع قليل من التخطيط والتنظيم ووضع الأهم فالمهم واتمنى أني افدتك ياعسل 

رفع لعيونك

زى ما قالت لك اختنا ام اوفه انقعى العين بماء وخل او ليمون او لو عندك اى منظف للمطبخ يزيل الاوساخ والدهون مسترماسل حلوووو وبعدين افركيها بليفه

والبيت معرفش افيدك عشان حسب وسعه وضيقه وكيف حياتك يعنى بتشتغلى ولالا بس انصحك بدعاء الخادمه الى الرسول وصى بنته عليه واصحى بدرى

كل يوم شغله وحده بس..

المجالس نظفيها مره كل اسبوعين.. وسكريها..

الا اذا يجيك ضيوف باستمرار..او ضيوف فجأة.. بهالحال نظفيها كل اسبوع..

المطبخ لا تأجلين شغلك فيه ابدا ابدا ابدا..

خصوصا المواعين.. على طول غسليها..

وطول ما انتِ تطبخين غسلي اللي تخلصين منه.. مثل لوح التقطيع والسكين..

بحيث لما تحطين الاكل عالسفرة يكون المطبخ نظيف وما يبقا لك الا صحون الاكل فقط..

وتعرفين الواحده اذا شبعت يجيها النوم وما ودها تكمل شغلها..

فيكون شغلك اللي بقا لك بالمطبخ خفيف.. وتخلصينه بسرعة..

وارضية المطبخ امسحيها بالليل.. والكاونتر امسحيه كل ما نقط عليه شي..

ودايم خليك مرتبه.. اللي تاخذينه رجعيه مكانه على طول.. مو بعدين..

بكذا راح تقل الحوسة.. وما يبقا لك الا مسح الغبار..

الملابس خصصي لها يوم.. وخلصيها كلها لا تبقين شي..

ومن بكرة اكويها..ورتبيها بالدولاب..

والحمامات تكرمين.. غسليها مرة بالاسبوع من تمسيح مراية وفرك مغاسل..

ويوميا قبل النوم اشطفيها بماء ومطهر..عالسريع..

لأن ما عندك اطفال ينجسون بكل مكان..

وتعلمي الفرق بين الشغل السطحي... والشغل العميق..

العميق مرة بالشهر.. والسطحي باستمرار..