عروس الاربع شهور ... كل شي موووحش وآآآآه ياقلبي

السلام عليكم ورحمة الله وبركاته

كيفكم يابناااات

طبعا من زمان عن المنتدى لكن دخلت ابي افضفض لاحد وابي القى حل لمشكلتي

ملخص المشكله :

انا عروس لي اريع شهور زوجي يووووووووميا يطلع يسهر مع اصحابه ويتعشى معاهم ويطنشني

انا وحيده في المنطقه ما اعرف احد وجاراتي نااادرا اشوفهم لانهم مشغولات بعيالهم

قهرني زوجي اول ماسكنت البيت قال ما نبي وجبة عشا يخاف على وزنه

قلت اوكي

لكن صار يطلع ويتعشا مع اخوياه واحيانا اقوله لاتتعشى برا اسهر وتعال نتعشا سوا

وقال طيب لكن لما رجع قال انا تعشيت قلت وليه ماجيت تتعشى معاي قال ما قدرت اخوياي اخاف يقولون عني بخيل عشان ما اقط معهم

قلت طيب قلهم انك مرتبط واني مسويه عشا قال ماقدر

مشيتها له

الزمته يخلي يوم الخميس عائلي مره يتهرب ومره يجلس معاي لـ 10 وماعاد اشوفه الا 3 الفجر ومره يطلعني من غير نفس ويجلس ساكت والا يتظاهر بالتعب والا نتعشى عالسريع ويرجعني البيت ويطلع مع اصحابه ولو اتصل علي ماكأنه اللي كان تعبان معاي

يمكن تقولون الخلل في البيت لكن والله يابنات البيت نظيف وانا مهتمه بنفسي وبلبسي وريحتي وحركاتي واي شي يطلبه البيه له ما اناقشه في شي ولا اعاتبه

البيت هااادي ولو جلس معاي وخربها يجلس يطالع على افلام والا على الكمبيوتر وساااكت

مليت ملييييييييت مليييييييييييت

شوي وابكي اكثر من مره افاتحه بالموضوع وازعل ونتراضى ويرجع زي العسل يجلس كم يوم وينقلب حاله


اخوياااه جدا شداد في التعامل مع حريمهم

الحرمه عندهم زي الشغاله من سوالف حريمهم لاني اجتمعت فيهم اكثر من مره

واخاف يتأثر فيهم

الا بدا يتأثر صار يقول مو شرط شهريا سوق ومو شرط تطلعين وووووو

وانا الوحده ذابحتني

الوحده موحشه والليل موحش والاكل موحش والبيت موحش وكل شي موووووووووحش

صرت احاول ابتسم واسولف معاه لكن مو قادره احس بضيقه تخنقني نفسي اصيح في وجهه لكن ماراح يفيد الا بيزيد عناد

مو عارفه اتصرف معاه ومو عارفه اطنش وشكيت لاختي زادت علي وقالت لاتعودينه << طيب وش الطريقه الصحيحه عشان مايتعود

تكفووووووووون علموني وش اسوي وكيف اكسبه واعدل من وضعه


قريت موضوع لاخت هنا والله نسيت اسمها مررره عجبني وناويه اسويه لكن الرجال بينفلت اكثر وبيضيع اكثر

وانا زي ماقلت وحيده لا صاحبات ولا مكان اروح له يعني مالي الا هو

ولاتفهمون اني احاول اسيطر عليه لا بالعكس بس ابيه ينتبه لبيته شويه وينتبه لي


انتظر تفاعلكم معاي ونصحي وارشادي