هلا و الله بليمونتنا
شخبارج ..وين هالغيبة ..الله يشغلج بالخير اكيد البيبي ما خذ كل وقتج ..يالله مسموحه

يالله كملي السالفة ..اشتقنا لسوالفج

ايه والله انا فاقده سديم وضايق صدري عليها :(

ودايم ارسلها رساله خاصه بس مدري ليه ماترد عسى الله يستر عليها

على فكره ترى فيه سدومتين على مااظن في المنتدى

بس ياترى انتم تقصدون سدومتي انا ولا لا :32:

ياشين الاسماء اذا تشابهت :11:

هلا بليمونتنا الحلوه والله لك وحشه :26:
بس اكيييييد ليمونه الصغنونه هي السبب في الغيبه الله يخليها لك ويعينك على تربيتها
والله يهون علي وعلى كل حاااااااامل يارب <<<ااااااه من التعب ادعولي تكفون حتى النت ما عاد اقدر اتهنى فيه

هلا والله بدبدوبه الاموره........ انا موجوده ماغبت عنكم بس اطل على المنتدى وتبدى ليمونه الصغنونه بالصراخ واروح لها ركض الله لايحرمني منها ومن عوابتها :27:

عذاب السنين:26: سدومتج اضن هي سدومتي الي اسال عنها عساها تكون بخير يارب والله يفرحها بالبيبي يارب ويرزقها ويرزق كل بنات المنتدى

وصوفه حبيبتي الله يهون عليج ويسر ولادتج ترى الولاده حللللللللللللللوه تهبل ههههههههه<<<<<تبي تقص عليج يعني...

نبدى بتكمله القصه قبل لاتقوم ليمونتي من النوم....

يوم شفت السالفه صج ولاده قعدت زوجي من نومه الساعه8 الصبح وقلتله خلنا نروح لمستشفى الحكومه (((هو رافض اني اولد بمستشفى حكومي لان عنايتهم مو شي)))) قلتله بس اشوف كم سانتي مفتوح الرحم وبعدين اروح لمستشفى السلام.......... تهاوشت مع الدكتور الي بمستشفى الحكومه لانه نقعني برى وموراضي يدخلني ..

طلعت لزوجي وقلتله يالله طيراااااااااان على المواساة (((قال يعني صج ولاده؟؟ وانتي تقصين علي تقولين مافيه الم قوي))) وقعد يسوق السياره بسرعه جنونيه وانا اصااااااااااااااااااااااااااااااارخ مومن الالم اصارخ من الرعب احس راكبه طياره ولا صاروخ نشف الدم بعروقي من الخوف

الشوارع زحمه عشان مجلس التعاون كان اليوم هذا بالكويت والشوارع مسكره وكلها تحويلات <<<<شفتوا الحظ؟؟؟

وصلت المستشفى وجتني الدكتوره المناوبه وقعدت تسولف وتقرق على راسي وانا اقول لها ترى الطلق كل 3دقايق ذبحني وهي مومصدقه تشوفني ماصارخ واعصابي هاديه ماشالله علي :)

يوم فحصت لقت الرحم مفتووووووووح 6سم وبققت عيونها وقالتلي ((6سم وقاعدتلي هيييييييييييك؟؟؟))) قلتلها ماعرف اصارخ اخاااااااااف ماحب الازعاج اتوتر زياده

دورولي غرفة ولاده ومالقوا غرفه فاضيه ((( كل حوامل الكويت يتولدون ذاك اليوم من قرادتي)))

تبون اكمل ولا ازعجتكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا هلا ومرحبا

عهيك ليمونتنا ولدتي بعدي تقريباً بشهر أنا في 18/11 . . . أنا جبت فهودي روح قلبي