إذا كنتي متصوره شكل حياتك بعد 20 أو 30 سنه كيف بتصير ومتمسكه بقناعتك بقولك الله يوفقك 👏🏼بس لا تنسين أنو لكل شخص قناعات ولكل شخص ناجح ومتطور تتغير أفكاره مع السنين لذاك الوقت إن شاءالله ما يكون فاتك شيء الله يكتبلك اللي يسرك ويرضيك 🌷

آخر سطرين كتبتيهم تمام ادعي بالصالح من امور الدنيا و الآخرة
الزواج مو واجب ديني ملزم زي صلاتك و حجك
لو حاسه انك مو قادرة ع الزواج لا تتزوجي مو شرط ..
انا الحمدلله عشت حياة حلوة عند اهلي و ما اقصد المادة
بالعكس مرت علينا ايام نتسلف من البقاله
و عند زوجي مبسوطه و مرتاحه بس دائما اقول لو صبرت سنة سنتين اتمتع عند اهلي و لو اتوظفت اول
مرات اتمنى لي وظيفه و استقرار مادي بدل الاعتماد الكلي ع الزوج
ارجع و اقول الخيره فيما اختار الله ..
الله يوفقك لكل خير

تعليق ع اللي تقول الاهل مو دايمين
حتى الزوج مو دايم و الدايم الله سبحانه
و كثير شفنا حريم بعد وفاة زوجها تبهذلت لا وظيفه ولا بيت
بتطلع من الايجار و ترجع لاهلها و يضيق عليهم البيت
عكس اللي شايله نفسها بعد الله راتبها يعزها
عشان كذا افكر دائما بحال اللي معتمده تماما ع الزوج
لابد يكون لها شهادة و فرصه للعمل في حال مات او تركها لا سمح الله

ياحلات الوحده تجيبلها عيال يرفعونها ف حياتها ويذكرونها بعد موتها محد بيذكر كثر عيالك العمر يمضي وترا بي الوقت الكل بيتركك وبينشغل ف نفسه وحياته وانتي بتكوني وحدك ممكن ف بداية الزواج يكون صعب عليك بعدين عادي بتتعودي ع الوضع وربي يرزقك الزوج اللي يسعدك

ماحب اتكلم بهالمواضيع


لانه الله محدد لك ولنا حياتنا
لا انتي تحددين لنفسك ولا انا
اذا قلتي ماراح انزوج ماتدرين وش الله كاتبلك الله يسيرنا


قلتها قبلك وكنت مرتاحه عند اهلي ولا ابي رجل بحياتي عايشه مرتاحه
بس كيف اجيب اطفال احب الاطفال من طفولتي ودي اصير ام احلم بالامومه
ماحلم ابد بزواج ورومنسيه وحب وسفرات وحركات بنات لا والله
والله وصل عمري ال31 وانا ارفض ادور اي عيب بالرجال عشان ارفضه واعيش سعيده
بس امي وابوي مو سعيدين بسببي
خاصه امي وش صاروا يقولون لها اقاربها
ليش وش تبي بنتك ترفض الخطاطيب
تبي احد بعينه
ومره قالت لها وحده يمكن مسحوره من اقاربكم
والله امي تعبت نفسيتها من اقاربي يعرفون انه جاني خطاب ورفضت
يقعدون يزنوووون على امي وتجي تفضفض من الضيقه لي
لدرجة خالتي اختها اخت امي بعد ماريحت امي صارت سوي زي الناس تزن على امي
قالت ان بناتي مستغربات من بنتك ولا فيه وحده ماتبي الزواج
عادددد انا هنا طلعت ام العنزين قلت لامي قولي لخالتي تقولك فلانه اللي هي انا بنات يبووون ....... والله قلتها من القهر وش اسوي قهرت امي دايم كل ماكلمتها تسوي لها هالمنوال
والله عقبها اسكتت خالتي ولا صارت تجيب لامي هالموضوع


وجاء نصيب وكتب لي الله اتزوج تقل حلم
وهذاني ام لطفلين الله يخليهم لي ولا يحرمني منهم يارب


ماندمت على زواجي لاني جبت اثنين بحياتي حلمي تحقق وجربته
والله يرزقك اللي تتمنينه واللي يسعدك طول عمرك