طبعا انا عروس:icon19:
وتعرفون العروس وش تسوي علشان تحقق نتائج في وقت قياسي
كلللللل الصيدليه في بيتنا
ماخليت شي ماجربته
وبعضها ضاعت فلوسي ع الفاضي
والبعض الاخر الحمدلله اعطى نتايجة
((طبعا انا كتبت موضوع تجربتين مع خلطات لقيتها هنا بالمنتدى واحده فشلت وسببت لي مشاكل ووحده الحمدلله ناجحه ومستمرة عليها
وانا ماكتبتها علشان اكره العضوة او اي شي
يشهد الله علي كنت ما ابي احد يمر باللي مريت فيه من خلطتها
ولكن لقيت موضوعي محذوف حسبي الله ونعم الوكيل
مع اني ماشتمت احد ولا فيه شي من كلامي يدل على نية سيئة
هي كلها تجارب تصيب او تخيب:(
وماراح اسامح اللي تسببت في حذفه :44:
لانها خلتني اتردد الف مرة قبل اكتب اي شي ممكن يفيد في المنتدى
لكن فيه ناس افادوني كثير ويستحقون مني اني ارد لهم ولو الشي اليسير ))
اولا ماراح اذكر اسم اي عضوة ولا روابط التجارب
لكن بكتبها هنا
الاشياء اللي استفدت منها
@للجسم@
اولاً لكل وحده تبحث عن البشرة الناعمة بعيدا عن الشعر تحت الجلد
حمام مغربي بصابونة
الطاووس
والليفة المغربيه
ممكن تقولون ماجبتي شي جديد
لكن اللي حبيت اقوله
الليفة المغربيه مع صابونتها تنعم الجسم
وتعطي نفس المفعول للخلطات
اللي فيها(عسل+حلبه؟+حبة سودا+زبادي+بيض ووو)
وانا كنت احط هالخلطة واجلس في الحمام ساعة او اكثر عبال ماتنشف صحيح النتيجه حلوة تحسي بنعومة وبياض من او مرة لكن نفس المفعول يعطيه الصابون المغربي
والفرق الخلطة ساعة او اكثر
الصابون المغربي 10 دقايق
شي ثاني لترطيب الجسم
كريمين من فازلين
كريم رينول لتجديد البشرة
وكريم زبدة الكاكاو والشيا
هذولا اللي ماندمت لحظة اني اشتريتهم
فعلا مفيدات الله يسعد اللي دلتني عليهم
طبعا انا اخذتهم من هنا من المنتدى وكانو للتشققات لكن حسيت
انهم للتشققات والنعومة وحتى البياض احس لهم دور ماشاء الله
ونتاايجهم رااااااائعه
الله يسعد ويوفق اللي دلتني عليهم
كنت احطهم بعد ما اتسبح ساعات اخلطهم مع بعض واحطهم
وساعات لا احط واحد منهم
بالنسبة للصابون صابونةالاخت جالكسي واللي ما اقدر اخفي اسمها لانها دعت على اللي تنقل بدون ماتذكر اسمها
الله يسعدك يااجالكسي صاابونتك خطيييرة طبعا انا استخدمها على جسمي بس رااائعة بشكككل لاتفوتكم ابدا
وهذي الاشياء اللي اسويها لجسمي ومرتاحة عليهم الحمدلله وراح اكمل ع طووول
شي ثاني جيت لشي مهم وتعبني تعب مايعلم فيه غير الله
حب الشباب واثاره:09:
بحثت وبحثت ماخليت شي ماسويته
زبادي +عسل+زنجبيل+خوجوا+زيت زيتون +مرة....الخ
كل مايخطر لكم على بالكم
وصلت لدرجه كان هاجسي هي بشرتي
كنت من الصبح لاخر الليل عالنت ابحث عن شي يروح اثار حب الشباب
ولقيت البعض من المواضيع اللي حطمتني
انه اثار حب الشباب ماتروح ابدا ابدا:icon33:
طرى علي كل شي جنوني عمليات تجميل حكحكة اي شي يروح الاثار هههه
المهم لقيت في النت ناس تتكلم عن الفراكسل ليزر
وعن انه يخفف اثار حبوب الشباب بنسبة 60%
وناس تشتم وناس تمدح
وفعلا عزمت ونويت وتوكلت على الله
واتصلت بالعيادة وحجزت
لما جيتهم كنت اعيش صراع داخلي ما ابي وابي
لحد مانادتني النيرس
دخلوني
حطو علي وجهي كريم مخدر
وقالو انتظري
جلست وبعد اقل من ساعة جت النيرس ودخلتني غرفة الفراكسل ليزر
وكان الجهاز مثل هذا تقريبا
وشالو الكريم من على وجهي ومسحته
وبدأت الجلسة
اااااااااااه كانت مؤلمة بشكل
لسعات كهرب تمر على وجهي
كنت اصبر نفسي انه الحبوب بتروح
والحمدلله بعد 15 دقيقه خلصت ااااه
وجهي حااار ومنتفخ واحمر وبسرعة تجيب ثلج وتحطه علي
وجلست ربع ساع بعد الجلسه ع السرير من الحرارة والصداع اللي جاني من الالم
ثم شفت وجهي بالمراية:o
منفوخ واحمر>>حلووة الخدود بصراحه
في هاللحظة قلت ياليتني ماسويت شي في وجهي
رحت للبيت لكن مع هالتحذيرات
1)ماتغسلين بالموية لليوم الثاني..يفضل تروحي للعيادة بعد المغرب او العشاء وتكوني على وضوء قبل الجلسه
2)الشمس ماتتعرضي لها ابداااا ولا بشكل ولا حرارة الفرن ال5 الايام الاولى وتحطي وااقي اذا اضطريتي تطلعين
عطتني كريمات استخدمها
اول 5 ايام
كريم فيوسيدين
وبعدها كريمين
واحد للتبييض والثاني للحبوب
وغسول للوجه
المهم
اول 10 ايام بتتعبي نفسيا وتحسي انك غلطتي
ولكن بعدها الحمدلله
طلعت النتيجه وكانت رووووعه
الحمدلله من الجلسه الاولى
نضارة للبشرة
والحبوب خفت 15%
والحمدلله التجربة كانت ناجحه
وتستاهل
نجي للتجارب الفاشله
1)تأكدو انه الرتن اي مو للمنطقة الحساسه ولا احد يغركم بكلمت بياض في اسبوعين واو غيره
الرتن اي جدااا قوي على المنطقه الحساسه وممكن يسبب لك امراض انتي في غنى عنها وعن تجربة:44:
2)ليزر إزالة الشعر لكل الجسم اذا مادية زوجك او اهلك متوسطة ماينفع لانه اذا رميتي فلوسك على ليزر لازالة الشعر للجسم كامل شهرين او 3 او 4 قبل زواجك وماقدرتي تستمرين سنه ماينفع
وبتكوني ضيعتي فلوسك ع الفاضي وبيرجع كل شي على ماكان وبيرجع الشعر للجسم
اللي انصح في ازالة الشعر منه هو منطقتين الاباط والبكيني
هم منطقتين صعب الشيل فيهم فبالليزر بترتاحين والاهم انهم قيمة ازالتهم متوسطة وان شاء الله حتى لو ماديتك متوسطة بتقدري تستمري
:26:
اذا افدتك ادعي لي الله يسر اموري ويتمم لي على خير ويسعدني في الدارين