الله يوفقك

ريحانة طيبه ويوفقك ويسعدك يارب

الله يارب يخليلك امك ويخليكي لها وتفرح فيكي يارب..وهذا واجبي ياعسل..
على فكرره في وحده اعرفها ومجربينها اسمها هدايه مدري سمعتي فيها او لا تسوي للعرايس خلطات وحمام مغربي واشياء زي كذا بس شغلها مررررررررره حلو هي حرمه كبيره حضرميه وبعد الخلطات تسويلك حلاوه والله حلاوتها مررره حلوه اذا تبغين رقمها قوليلي واديكي الرقم..
كمان ياعسل لا تتكلفي مره بالكوشه اهم شي تكون ناعمه وحلوه ولاتكوون غاليه لاتتعدى 1500 كمان والله 1500 اشووفها كثير ع كووشه اصلا انا ماتعجبني بس المشكله انها لازم بس شوفي انت القاعه الي بتتزوجي فيها ترى القاعات الي ذحين لها كوش مع الحفل الشامل..
وارجع اقولك المكياج لاتتكلفي فيه ترى والله سنه ويخرب ويجلس عندك ماتدري ايش تسوي فيه اذا مو من النوع الي يحط مكياج كثير يكفي تشتريلك شنطه كامله منمكياجي او تشتريلك علب صغيره من مكياجي مع ان حتى ماركة فور ايفر وماك مررررررررررره حلووه بس غاليه وحرام تشتري منها اذا انت مو من النوع الي يحب المكياج ويحط منو كثير ممكن تشتري من ماك (الي في النور الدور الاول بجنب مكياجي)اقلام الكحل خذيلك كم لون وارواج اوووووووووه ماك ارواجه مرررررررررره حلوه والونها احلا صح ع فكره اشتريلك محفضة صغيره تحطي فيها روجك والكحل ومسكره ومرايا صغيره تكون مدلعه عشان تحطيها في شنطتك يسير كل خرجه حطي فيها روجك الي حاطه منه والكحل والمسكره..تلاقي هذي المحافظ عن اكسيسواريز يجي شكلها زي المقلميه بس تجي مطرزه ومرره دلع..
كمان لاتنسي تشتريلك كم ايشارب كذا ترى الايشاربات اذا نسقتيها مع لبسك تجي مررره حلوه خذيها من سنتر بوينت عندو اشكال رووووعه..
كمان الاكسسوارات اول شي روحي الخشه عشان رخيصه واكسسواراتها حلووه اذا مالقيتي شي يناسبك رووحي النور ولمي منه
بس اول شي رووحي واشتري ذهب خليله ميزانيه10000 ريال اهم شي تشتريلك سلسالين بتعليقاتهم وزيدي عليهم تعليقتين تبدلي فيهم وخذيلك سحبتين وبنجرتين ملوونه ودخلي معاها البناجر النحييييييييفه تحطيها بينهم وخاتمين وبس تكفي لان اكيييييييد بعدين حتجيك هدايا ومن غير كمان طقم الشبكه ومن بعدها رووحي عادي اشتري مالبس والباقي تكوني خلصتي من هم الذهب..
وكمان كثري من اطقم الملابس الداخليه يعني اشتري ملابسك الداخليه اطقم مو كل واحد شكل هذي المعلومه تخذتها من موضووع هنا بالمنتدى يقولون احسن واحلا وخذي جميع الاوان وشكلي فيها خذي دنتيلات ومخمل وحركات دلع يعني......اممممممممممم وش بعد وش بعد؟؟؟؟
اي ترى في محلات في قباء تبيعلك الصناديق والسلال حقت جهازك مغلفه وجهازه انا صراحه ماشفتها بس يقولون حلووه وانت خذي ع لوون غرفت نومك وكمان رووحي عالم المنزليات او تشكلات لولو واشتري من عنده الارفف حقت الحمام الله يكرمك تجيك ارفف قزاز مررررره حلووه تحطين فيها الشامبوات والمناشف واشيائك الخاصه وعطور الحمام وهذي الاشياء الي تحتاجينها بالحمام وكمان تلاقين عند نفس المحل دولاب الجزم الله يكرمك برضو خذي الي يناسب غرفة النوم ولاتنسين كمان تشترين شموووع معطره اشكاااااااااااال والاوان ترى هذي لازم تزينين فيها غرفة النووم والحمام الله يكرمك واشتري كمان شمعدانات حلووه كلها تلاقيها عن عالم المنزليات وتشكيلتي وسنتر بوينت واشتري كمان الروائح الي تحطينها بالدولاب....اهم شي دلعي نفسك بالرواااااااااائح الحلووه ...
ومررره اسفه اذا طولت عليكي وامانه اذا في سؤال شي اسأليني واذا تحسين كلامي ماله داعي من اليوم اعيد وازيد فيه كمان قوولي اتقبل اي انتقاد بس بصراحه احس اني تحمست معاكي ونفسي اقوولك كل معلوماتي والاشياء الي اعرفها.....والله يوفقك يارب.!!

يالله ياليتك اختي ترى قريت كلامك كذا مره ربي يسعدك يارب من جد ليتك معايا تساعديني بس ماقصرتي وربي ....................ربي يحفظك من كل شر ويسترك دنيا واخره ........ارسليلي رقمها هدايه لان محتاجه وحده تسويلي بخار وحلاوه ونقش

اولا الف مبرووووووووووووووووووووووك
ثانيا والله توني مخلصة من زواج اختي وطبعا كنت انا المتكفلة بجهازها وقبلها كنت مخلصه من زواج اختي الثانية

يعني محسوبتك عندها خبره في تجهيز العرايس وخبره طازه بما انه توه الزواج مخلص

يلا جيبي ورقة وقلم واكتبي اسماء الاماكن اللي راح اكتبها لك


اولا فستان الزفة انصحك اذا ما فيه وحده من صحباتك تأجر لك فستانها خذيه لانه الفساتين اللي بالسوق اللي للايجار مررررررررررة تعبانة وبايخة واذا ما حصلتي ايجار عليك بالتفصيل وما انصحك بالبدوية لانها غالية مرة شغل يدها فوق 10 الاف منغير القماش
شوفي باقولك على محل في قباء الطالع ماأعرف اسمة بس راح تحسي انه مميز من اول ماتدخليه غير باقي المحلات واسعاره معقولة نوعا ما 3500 ريال عنوان المحل قباء الطالع مقابل با سلامة للحوامل والعرايس

اما الذهــــــــــــب حطي له 15000 الف ريال ويادوب يكفي لانه ناااااااااااااااااااار
نجي لباقي الاغراض والمحلات

سوق قباء

تاخذي منه الاتي
قمصان النوم وبالنسبة لقميص ليلة الدخلة انصحك تروحين با سلامة عنده قمصان تنفع لاول ليلة احنا اخذنا لاختي من عنده قميص طويل ابيض فيه تطريز خفيف وراقي ب300 ريال وعنده اشكال حلوه واسعاره حلوة كمان خذي كمان 3 او 4 قمصان على ذوقك وما انصحك تاخذي قميص ليلة الدخلة من نعومي ابدا ابدا لانه دفش وغالي على قلة سنع غير التطريز المبالغ فيه
بس القمصان العادية عند نعومي حليوه اذا كان عندة تخفيض خذي من عندة الديشنبر ( روب الحمام ) انا اخذته بعد التخفيض ب200 ريال تقريبا وهو معاه مناشفة والشبشب

بالنسبه للعبايات عندك محل الكنز في المسرة وكمان المحجبة في الحكيم خذي عبايتين فقط وحدة للخرجات العادية والثانية للمناسبات يعني راح تكلفك تقريبا 500 ريال شاملة الطرحة والنقاب

نجي للعطور شوفي ياقلبي ابدا ما انصحك تروحين للمحلات الغالية مثل فافا موم وغيره راح ادلك على محل فخم لا تاخذي العطور الا من عنده واضمن لك انه ماهو مغشوش وانه الاصلي 100%
المحل اسمه ريماس غاليري في قباء النازل مقابل احذية الدقل المحل جديد له كم شهر فاتح
بالنسبه للعطور
عندك عطر ايفوريا
عطر استيلا
شانيل شانص (هذا ينفع لوقت الزفه كمان)
عطر هوقو عطر اسكادا الجديد عطر شو بارد
مجموعة العطور هذي راح تكلفك 1000 ريال
وروحي على نكتار وخذي لك مجموعة بيرمادونا وما انصحك تاخذي المجموعه كاملة بس خذي العطر واللوشن وجل الاستحمام
وروحي على بدي شوب وخذي مجموعه كمان باي رائحة تحبيها وبس
كذا خلصنا من العطور يبقى المخلطات اللي على دهن عود مثل كشخة من العربية للعود او الف ليلة وليلة من اجمل وانصحك تاخذي مسك العروسة السائل من عبد الصمد القرشي ما ينفوت واستغلي العرض اللي عندهم

نجي للمكياج خذي الاتي
انصحك ما تروحين للمحلات الغالية مثل فافا موم ووجوه
روحي لعطور المدينة اللي في المسره وخذي كريم اساس ديور رقم 1 اذا كانت بشرتك بيضاء او رقم 2 اذا كانت بشرتك حنطيه ومعاها البودره من ديور وخذي البيس من ماركة سان لوران وكمان خافي العيوب (الكونسيلر) من سان لوران واطلعي من المحل لانهم راح يتوهون بك عشان تاخذي مشتروات ثانيه هههههههه على قولت القايل نشبه
بالنسبة للارواج والضلال عندك محل ماك في النور مول ولا تاخذي الضلال مفرقه لا خذي اللي تتعبى في علبة اوفر لك وخذي الالوان الاساسية مثل بني موف فاتح زهري خربزي تفاحي فيروزي ولا تكثري الوان والارواج كمان خذي الوان عامة مثل خربزي بمبي فاتح برونزي

وبلاشر الخدود خذي لونين فقط مشمشي وبمبي فاتح وبس تجي على كل الالوان
اما مزيل المكياج والتونيك خذيه من ماركة لوريال من اي سوبر ماركت او اي صيدلية
والمناكير خذيها من ماركة نيفيا او ماركة فلوريلا جودتها عالية ورخيصة

نجي للجزم عندك خطوات مرة حلو للجزم وشنط السهرة
بالنسبة لتكملة قمصان النوم عندك سيتي ماكس روعـــــــــــــة وكمان البجايم عنده حلوة وكمان محل لاسنزا بجايمه راقيـــــــــــه

اما الشنط العمليه والمشاوير عندك مانغو وايتام وفنسي في سلطانة وكمان اكسسواريز واعتقد شنطتين كفاية من غير ها شنط المناسبات خذي شنطه بلون محايد تنفعك مثل اللون البج او النحاسي ومعاها جزمتها

اما الهم الاكبر وهي الملابس استغلي التخفيضات للماركات واشتري لك كذا لبسه كشخة لزوم المناسبات والخرجات اعتقد خمسة اطقم كشخة كفاية وملابس البيت خذيها من كذا محل وشوفي الحكيم الدور الثالث عنده شغلات روعـــــــــــــــة للبيت

اما البكل والشباصات واكسسوار الشعر والاستشوار والمكر الكهربائي وماكينة نتف الشعر براون روحي للرواسي اللي في سوق الخشة في قربان

والله يوفقك ونصيحتي لك ابدأي حاجة حاجة ولا تكثري اغراض واذا زادت عندك فلوس ارفعي منها لانه احيانا تنقص عليك اشياء ما تذكريها الا في الاخير
وابدأي في الحجوزات اولا مثل النقاشة والكوفيرة وفستان الزفة والكوشة وشوفي كم زاد من ميزانيتك بعد خصم الذهب ووزعيها على باقي الاغراض
وبالتوفيق