عروس تحتاج عنايه ومتوهقه

• ولا رد

ياقلبي عليك يمكن بنات المنتدى مشغولات بس لاتحطمين نفسك ماعليك من الناس اللي تحطم


يازينك النعومه بتجي


بس اول شئ بقولك وش تسوين
اول شئ جيبي ظروف حقت الرساله وبقولك وش تسوين فيها وورقه وقلم
واكتبي فيه اللي تحتاجينه فقط
يعني مثلا فستان عروس وطرحه
ومسكه وملابس واكسسورات وجزم اكرمك الله وليزر للجسم وتبيض اسنان و مكياج اذا ماعندك وشنط ومصوره ووووو اللي تبغينه يعني لاتبالغين
ثانياً قسمي مهرك يعني لاتلعبين بالمهر
اللحين جاء دور الظروف اللي قلت لك تجيبنها
اول شئ حطي بالظرف الاول من 100 ريال الى 300 ريال واكتبي عليه للصدقه يعني ماتشترين فيه لاا تتصدقين فيه خليه معك مثلا شفتي عامل نظافه يشتغل اشتري مويه بارده وعصير وفطيره وعطيه صدقيني بيفرح وتصدقي لوجه الله بان يوفقك بزواجك ويجملك بعين زوجك ويحبب الناس فيك وادعي ربك باي شئ تبينه


وممكن تتصدقين للحيوان والطيور جيبي اكل من بقايا الطعام وحطيه بصحن وجيبي صحن ثاني وصبي فيه مويه وحطيها للقط والطيور


ومثلا اذا كان فيه بقايا من اكلكم كثير يعني رز ودجاج كثير حطيه بصحن وزينه بالخضار مثلاً ليمون و طماطم و خيار وزيني الصحن وخلي مثلاً اخوك يعطيه اي عامل يمر من عند بيتكم او عامل التوصيل حق البقاله وصدقيني بيفرح وربي بيوفقك وتلقين اليسر
فهمتي ياقلبي


ثانياً بعد ماحطيتي فلوس للصدقه جيبي ظرف ثاني وحطي فيه من الف الى خمس الاف هذي شيليها بعيد لاتاخذينها خليها احتياط عندك وانتبهي تاخذينها هذي تنفع وقت الازمات اللي مرا تحتاجينها مثلاً المصوره بيوم الزواج طلبت اكثر من المبلغ اللي اتفقتي انتي وهي تاخذين من هالظرف وتعطينها وهكذا
وبعدها حطي فلوس للفستان والطرحه
وفلوس للعبايه وفلوس للذهب وفلوس للجزم وفلوس للعطور وفلوس للمكياج


وهكذا اذا خلصتي التقسيم بظروف واكتبي على كل ظرف اسمه مثلاً هذا ظرف الملابس خلاص اشتري الملابس من هذا الظرف
هذا ظرف الذهب اشتري ذهب من هذا الظرف وهكذا


بقولك على شئ وان شاء الله ينفعك اذا كنتي من اهل الرياض
مثلاً اذا انتي رايحه تشترين ذهب من اسواق طيبه بنفس الوقت اشتري عبايه
فاهمه يعني بدال لا تفرين الاسواق كلها اختصري مثلا رايحه للسوق الفلاني بشتري جزم بنفس الوقت اشتري شنط وهكذا صدقيني بيوفر وقت
وفكري بالاسواق اللي بتروحين لها قبل


سمعت عن اسواق مكه اللي بالرياض انه عندهم فساتين عروس حلوه وبعد عندهم طرح عروس حلوه وتقدرين تفصلين واسعارهم حدود خمس الاف وتحت طبعاً فيه محلات غاليه ورخيصه انتي اخذي اللي يعجبك مو لازم غالي لاا بالعكس خذي اللي يناسبك فقط ويناسب ذوقك


الملابس لاتكثرين منها لانك بعد الزواج بتشترين اذا سافرتوا اكيد بعجبك شئ وتشترينه
وفري الفلوس يعني اذاعندك شئ حلو وينفع ماله داعي تروحين تشتررين واحد ثاني لا تسرفين


البناطيل اللي تلبسنها عند زوجك خلي الوانها اساسيه مثل الابيض والاسود واللحمي واوف وايت اللي هو البيج عشان هذي الالوان تنفع مع كل الوان البلايز وهكذا
العبايه خذي وحده للمناسبات ووحده ثانيه معك للسفر وخليها بشنطه السفر يعني وانتي مسافره وتصخت عبايتك وماتقدرين تغسلنها اخذي الاحتياط
ووحده ثالثه للعرس وخلي فيه وحده احتياط مثلاً اذا توصخت عبايه زواجك يكون فيه احتياط وماتتورطين


خلي ذوقك حلو وتنسيقك حلو ويناسبك ولا تشترين الغالي ماله داعي تشترين غالي ومايناسبك


وممكن تاخذين شويه ملابس من ملابسك يعني مثلاً عندك بنطلون اسود مايحتاج تشترين بنطلون ثاني وهكذا


الاكسسوارات اخذي اللي يعجبك
الكعب شوفي اذا عندك كعب ابيض او بيج جديد وحلو ماله داعي تشترين كعب ثاني للزواج


المسكه اذا كنتي بتطلبنها من متجر او محل اكدي على الطلب قبل الزواج باسبوع ومره ثانيه اكدي قبل الزواج بيومين ومره ثالثه اكدي قبل الزواج بليله
بتقولين ليه ؟لانه احياناً حقين المحل او المتجر ينسون او مايسونه فلازم تاكدين وما تتورطين
وسوي هالطريقه للمصوره عشان ماتنسى


العطور لاتكثرين لانه بتجيك هدايا ماله داعي تكثرين ويمكن يعجبك واحد من هالهدايا واخذيه


اذا جيتي تشترين العطور اشتري واحد صباحي يعني للصبح ويكون هادي ورايق وثاني يكون ناعم للمساء وثالث للمناسبات والعزايم تكون ريحته شوي فخمه وناعمه
واشتري مسك العروس من عبد الصمد القرشي
مرره ريحته حلو وناعم ويجنن
الفساتين حقت العزايم اشتري فستان ناعم للعزايم وواحد ثاني للزواج يعني يمكن لا رجعتي من السفر بالسلامه
فجأه يصير عند اهل زوجك عرس ولازم تحضرينه فيكون فيه فستان شاريته وجاهز للعرس يعني ماله داعي تفرفرين الاسواق


وممكن تشترين جلابيه ناعمه تصلح تلبسينها عند اهل زوجك


الملابس اللي تشترينها وبتلبسنها قدام الناس خليها ساتره وواسعه بلاش تشترين الضيقه والقصيره لان ربي مستحييييل يوفقك وملابسك كذا عند الناس
اما عند زوجك فعادي تلبسين هالملابس اما غير زوجك لا تلبسين




الكعب اذا عندك جديد والوانه اساسيه مثل الاسود والابيض والبيج ماله داعي تشترين


اشتري بجايم حلوه وناعمه تلبسينها قدام زوجك وتكشخي وهكذا يعني لاتنسين الملابس الخاصه لزوجك
وابحثي بقوقل عن تجهيزات العروس اذكر كان فيه موضوع للأخت جالكسي عن تجهيزات العروس وهكذا شوفيه يمكن تستفيدين
اتمنى اكون افدتك من ناحيه التجهيزات

اللحين بقولك عنايتي بشعري
وباذن الله تفيدك


ياقلبي عليك انا بقولك الحل وابيك تمشين بحذافيره فاهمه
اول شئ روحي حللي بالمستشفى
شوفي وش فيك لا سمح الله نقص فيتامينات
او فقر دم الله يكفيك شره
ثانياً اذا الحمدلله ما فيك شئ عدلي تغذيتك وتعاملك مع شعرك
اشربي 12 كاس مويه
كاسين مويه بوقت الفجر
وكاسين مويه بوقت الظهر
وكاسين مويه بوقت العصر
وكاسين مويه بوقت المغرب
وكاسين مويه بوقت العشاء
وكاسين مويه قبل النوم
او وزعيها على طريقتك بس اهم شئ تشربين مويه يكون مابين 8 - 12 كاس مويه
الحين نجي للعصائر اشربي لو كاس عصير برتقال وافضل يكون طبيعي تسوينه او من المراعي ونادك
ونوعي بالعصائر لاتتقيدين بنوع واحد مثلاً اليوم عصير برتقال بكرا عصير فراوله بعده عصير مشكل يعني على حسب استطاعتك
وحاولي مايمر يومين الا وانتي شاربه كاس عصير
اللحين نجي للتغذيه
اول شئ حاولي تقللين من الشبسات والمشروبات الغازيه وهالخرابيط حاولي بقدر الامكان تقللين منها يعني بالاسبوع مره او مرتين وبس
اكلي خضار وفواكه وكثري من الورقيات مثل الجرجير والخس والكرفس ووووو....
يعني اكليها على شكل سلطه وحطي معها عصره ليمون وملعقه زيت زيتون واكليها بالعافيه
اكلي فيتامينات اذا عطتك الدكتوره اما غير كذا لاتفكرين تاخذين فيتامينات بدون استشاره طبيه لانه ممكن يضرك اكثر مما ينفعك
ثالثاً
استخدمي مشط خشب اسنانه واسعه او متوسطه البعد
طريقة غسلك لشعرك غيريها
سوي هالطريقه والله نفعتني مررا تجنن
جيبي سطل او طشت وصبي فيه مويه دافيه
وصبي فيه نقطه او نقطتين شامبو حقك ثم حركيه بيدك ونزلي راسك تحت زي الركوع عشان مايتساقط الشعر اللي بمقدمه الراس
وصبي هالخليط بدفعات على شعرك وافركيه بلللطف انتبهي لا تفركينه بقوه بلطف وصبي كل مره شوي وافركي
بعدين اغسلي شعرك بمويه دافيه بعدين اشطفيه بمويه شرب بارده عشان تقللين الملوحه اللي بشعرك وتسكرين المسامات عشان مايتساقط
انتبهي لاتغسلين شعرك بمويه حاره لانها تسبب تساقط
دائماً سوي هالعاده عشان شعرك مايخرب اشطفيه بمويه شرب بارده
لا تكثرين من استخدام الاستشوار والسرامسك والفير والرغوه والمثبت اللي هو اسبراي الشعر
البلسم او حمام الكريم لا يقرب الجذور لانه يسبب تساقط
لا تتعاملين مع شعرك بعنف بشويش
التمشيط يكون من تحت لفوق
منشفه الشعر اغسليها كل اسبوع مره
المشط انقعيه بمويه حاره في صحن وغطيه لين يبرد واغسليه بشامبو
لا تمشطين شعرك وهو مبلول
لاتربطين شعرك وهو مبلول
خلي شعرك يجف بالهواء الطبيعي
لا تجففينه بالاستشوار
فكي شعرك يتهوى ساعه يومياً
بعد ماتطلعين من الحمام رطبي شعرك بمسحه زيت براشوت الازرق او كريم مكسام او اي كريم تحبينه بس مسحه على الشعر مو الجذور انتبهي تكثرين عشان مايطلع شعرك كنه مزيت والفايده من الترطيب عشان مايتكسر شعرك ولا يتقصف ويطول


استخدمي الحنا مخلوطه مع منقوع البصل والثوم صدقيني مافيه ريحه بصل ولا ثوم
واستخدمي السدر على طريقه هاجريه كوول مررا تجنن واذا اول مره تستخدمينها اول شئ عودي شعرك على السدر معجون بمويه واذا تعود سوي السدر على طريقه هاجريه كوول
الله يسعدها ويوفقها


واستخدمي زيت خفيف تحطينه بعد الحنا
ممكن زيت براشوت الازرق او زيت اللوز الحلو او اي زيت يناسبك بس اهم شئ زيت بارد وخفيف


انا جدولي للعنايه بشعري
الخميس حنا معجون بمنقوع البصل والثوم
الجمعه راحه
السبت زيت براشوت الازرق
الاحد راحه
الاثنين راحه
الثلاثاء سدر بطريقه هاجريه كوول
الاربعاء راحه
الترطيب مسحه من زيت براشوت او كريم مكسام على فكره شعري دهني واغسله بشامبو سلفكرين بالحنا وافكر استخدم فاشكول بالصبار


ممكن تمشين على جدولي او سويلك جدول
الحنا تججنن للشعر والسدر بعد مرره ممتاز


قريت عن منقوع الاس واكليل الجبل يطول الشعر بسرعه ابحثي عنه
اذا حطيتي لاتخلينه يطول على شعرك حده ساعتين وبس
اهتمي بالتغذيه والمويه والنوم
نامي 7 ساعات باليل

اعرفي نوع بشرتك دهنيه ،جافه ،عاديه واشتري لها غسول وكريم مرطب ومقشر للوجه وتونر وافضل يكون التونر مويه ورد او منقوع اللبان الذكر


استعلمي دلكه السدر تراه تبيض
10ملاعق سدر +10 ملاعق حليب بودره
واعجنيها بمويه ورد او زيت لوز مر تراه يبيض


في خلطه لقيت عليها مدح اللي هي
زيت الجلسرين + ليمون عند الاستخدام
ادهني جسمك فيها في الظلام ونامي والصباح تروشي بصابون ورطبي



ابعدي عن الشور جل مثل لوكس وووو
لانه يسمر الجسم


اهتمي بشكل اظافرك لاتخلينهاطويله مو حلو
رتبيها شوفي اليويتوب وقوقل


اذا كان بجسمك خطوط مثل البطن والفخوذ وو
استخدمي زبده الشيا وزيت زيتون وادهني المناطق بها اكثر من مره باليوم
وقشريها بمقشر القهوه التركيه وبتروح


وسيقانك شيليها بحلاوه عشان ما تطلع نقط بنيه وسوداء


اهتمي بشيل الجسم اسبوعياً ماعدا المنطقه الحساسه بموس نسائي اختاري نوعيه جيده عشان مايسمر


استخدمي حمام مغربي تعلميه لا تخلين احد يسويه لك لانه بتورينه عورتك وهذا حرام
تعلمي الحمام المغربي
شلون
تبين التوفيق وانتي تكشفين عورتك؟


ماراح تتوفقين
المهم نرجع لموضوعنا


استعملي الخلطه اللندنيه شوفيها بقوقل حقت بنت عز الله يجزاها خير


استعملي الدلكه السودانيه السوداء ترراها تبيييييض وتنننعممم وتوحددد ونتايجها سريعه
احلى من دلكه السدر


دلكه السدر تقدرين تستخدمينها للوجه والرقبه تنعم وتصفي وتبيض مع الاستمرار تبيض


اشتري اسكينول بالبابايا او الليمون وامسحي فيه المناطق الغامقه واشتري اسكينول بالخيار للوجه والرقبه وامسحي بقطن دوائر بعد الشور سويها وبعدين رطبي


تعلمي المكياج


الصبح على الريق اكلي سبع تمرات واشربي بعدها مويه دافيه مع ملعقه عسل مذابه فيه واشربيه ترااه مرا زين للبشره ويفتح ويصفي ويعطي نظاره للوجه
ملاحظه ؛ الملعقه اللي بتاخذين فيها عسل وتخلطينه فيها تكون خشب او بلاستيك مو حديد لانه يخرب العسل وتروح فوايده


وكنك يابو زيد ما غزيت


شرايك بالفيس <<معجبها ههههههههههههههـ


وبعده صلي واذكري الله واقري قراءن صفحه صفحتين وبعد من نص ساعه اشربي عصير برتقال فريش او من المراعي يعطي بياض وصفاء ونعومه


بعد الغداء اكلي الزبادي معه عصره ليمون واكليه بالف عافيه


اشربي عصير بقدونس مع شمندر مررره مفيد ومعروف الشمندر يبيض


واكلي جزر وامشي نص ساعه يومياً يحرك الدوره الدمويه
ويطول الشعر وتلاحظين النتائج بسرعه


قريت عن زيت دابر املا يطول الشعر وقريت بعد انه ممكن يتساقط شعرك


رطبي جسمك يومياً عشا يخف السمار ويلين الجلد الميت اللي بالاكواع والركب ويروح مع التقشير
التقشير 3 مرات اسبوعياً
الشور يومي بصابون طبيعي مثل البابايا او الغار ووووو
الترطيب مكثف من3-4 مرات يومياً


تهويه المنطقه الحساسه يومياً


واتمنى اكون افدتك ولا تزعلين ان بنات المنتدى ماردوا

بالنسبه للنعومه والدلع


تكلمي بصوت واطي وهادي وناعم نقدر نسمعه مو نقرب اذونا لك وماسمعنا شئ


خليك هاديه ورايقه ونفسيتك مرتاحه ومستانسه ماله داعي التفكير وضيقه الصدر والنفسيه الزفت


تقربي من ربي بالصلاه بوقتها مع سننها وقراءه سوره البقره يومياً والاستغفار والتسبيح وووو


حركاتك تكون هاديه وناعمه وشوفي الدلوعات كيف يتكلمون وقلديهم بس بحركات تناسبك لانه بعض الحركات تعطيك إيحاء ان دلعك متصنع


اذا كلمتي زوجك قولي له حبيبي ، عيوني ، قلبي وووو


اذا احد ناداك قولي هلا ، لبيه ، سمي .......
واذا طلب منك شئ قولي ابشر، من عيوني ، سمع وطاعه ، ان شاء الله ....وهكذا


امشي بنعومه ورقه وبهدوء ماله داعي السرعه كنك عسكريه


خلي ظهرك مستقيم وجلستك مستقيمه
اتركي التربيعه موحلوه تسبب كرش وانحناء بالظهر وترهل الصدر بسبب الجاذبيه


البسي بجايم عليها قلوب وورود ودباديب وكذا شكلها مررره كيوت قدام زوجك
تكلمي بهدوء
دربي نظراتك خلي نظراتك جذابه اخذي دروس بقوقل
وتلقين بقوقل دروس عن الدلع والنعومه شوفيها
اهتمي بوقت الدوره


لاتسهرين كثيير ترا يضرك


اذا شعرك جاف تقدرين تستخدمين مع الحنا او السدر صبار او حليب جوز هند او موز تخلطينه مع مويه البصل والثوم


وبس تعبت اتمنى تستفيدين وادري طولت هذره بس هذا اللي طلع معي