عروس جديدة الله يوفقها الي بترد علي ويسخر لها زوجها.....

السلام عليكم
اخواتي انا عروس جديده ماكملت شهر من زواجنا وبصراحة مصدومه ومنهارة لكن بدخل في الموضوع على طول قبل كم يوم زارتني امي في البيت المهم دخلت علي غرفة النوم كنا انا وزوجي واصلين من السفر قبل يوم المهم كان نايم وصحى من النوم وهي موجوده لكن انا قلت له قبل مايصحى انها بتزورنا المهم بعد ماصحى دخلنا انا وامي الغرفه وهو جلس بالصاله المهم ساعدتني امي بترتيب الثياب وترتيب الغرفه المهم انتهينا من الغرفة وشغاله امي نظفت لي البيت لاني كنت مسافرة والبيت كله غبار المهم خرجت الوالده وبعدين طلعنا انا وزوجي السوبر ماركت وشرينا كذا وكذا......
المهم بعد ماخلصت المكالمة قالي عيب انك تقولين لامك كل شي بالتفصيل لازم في خصوصيه المهم قلت له انا اسفة وحقك علي وسلمت على راسه المهم وقالي بقولك شي لكن ماادري كيف اقوله قلت له عادي انت تامر قالي امك لاتدخل غرفتنا ابدا لاهي ولا امي ولا احد ابد المهم انا عصبت وليش وكيف قلت له لامااقدر امنع امي ولا امك قالي انا امنعهم هذي خصوصية ومحد يدخلها وماابي اي شغاله تنظف البيت انتي نظفيه وش عندك (لانه هو مايحب الشغالات) قلت له تساعدني انا عروس قالي عادي حتى لو عروس انتي نظفي البيت نظيف مايحتاج شي كثير المهم انا مازعلت عشان موضوع الشغاله انا عصبت ليش يقول امك لاتدخل طبعا انا عصبت وقعد ابكي وشدينا في الكلام وهو مصرعلى رايه وان غرفة النوم شي خاص محد يدخله غير انا وهو المهم قالي لو دخل بعد كذا اي احد بتشوفين وش بسوي
قالي بتكلم كلام يزعلك ويزعله المهم حاولت اقنعه مافي فايدة في الاخير وصلنا لحل انه محد يدخل الغرفة غير امي وامه وفقط في الضرورة واكون انا موجودة في الغرفة ومو كل شوي يدخلون وباقي الوقت اذا في احد في البيت باب غرفة النوم يكون مقفول وقالي انا مااحب اكون انا جالس في الصالة وانتي وامك او امي طالعين داخلين من الغرفة كانها مجلس وانا جالس كاني ضيف .
اسفة طولت عليكم لكن والله مقهمورة كلمت وحده من صديقاتي قالت عادي قوليله طيب وقالت لي يمكن هو خاف انكم تتكلمون من وراه في شي او يمكن استحى لان ملابسه في الغرفة او يمكن يحاول يفرض شخصيته ارجوكم قولولي هذا شي عادي ولالا انا سرت خايفة انه مايحب امي وفكرت حتى في الطلاق لان اهم شي عندي امي واخاف انه مايحبها وبعد فترة يمنعها تجيني او يمنع زياراتي عنها او يزعلها ماادري ياريت احد يفيدني هل هذا شي عادي يمكن لانه لاحظ تعلقي الزايد والكبير بامي وصار يغار انا قلت لامي وطبعا اتضايقت وقالت لي ماراح اجي بيتكم الاقليل مررررررررررة وماراح ادخل الغرفة انا في انتظار ردكم