عروس جديده محتاجه مشورتكم

المشكله تخص عضوة من العضوات ارجو مساعدتها من حكيمات المنتدي
السلام عليكم ورحمه الله وبركاته
انا عروسه جديده صار لي 4 شهور فقط علاقتي مع زوجي ولله الحمد تعتبر ممتازه اسكن بشقه تبعد عن اهل زوجي ربع ساعه تقريبا وعلاقتي معاهم شبه رسميه من أسبوعين زارتني اخته الكبيره بشقتي ورحبت فيها وماقصرت معاها واخذت رقمي وأول مره اشوفها لانه كان عند زوجها حاله وفاه وماجات زواجي
مبدئيا هي معاي كويسه لكن حشريه يوميا تكلمني في الواتس مثلا تسال رحتو تزورون امي أقول لها لا ومره تقول بروح لامي اذا بتروحون وسالت زوجي قال مو فاضي ومره قالت لي تطلعون تتمشون قلت لها أحيان وتسال كثير واحسها تبي تتدخل بحياتي مره تقول لي لا تطبخين دجاج اخوي مايحب الدجاج كثير وتسال ها بتطلعون اليوم وين رحتو وكذا انا قلت لزوجي عن اسالتها الزايده قال لي هي فاضيه وطفشانه وماعليك منها
مره قالت لي زورو امي لا تقصرون معاها قلت لها ليه ماتقولين لاخوك واحنا دايم نزورها بعض الأحيان بالاسبوع مرتين بس هي الظاهر تبي يوميا انا بديت اطفش من اسالتها الزايده واستفساراتها وطلباتها روحو لامي لا تسوين كذا لا تطلعون كثير اخوي يتعب ومن هالكلام ليه ماتروح تقول هالكلام لاخوها ليش لي انا اسلوبها مره منرفزني ولا عارفه كيف اتصرف معاها ماابي اسوي تصرف واندم عليه والغريب هي ماتكلم زوجي دايم اذا تبي شي تجي تقول لي انا مخليتني واسطه بينها وبين اخوها اسلوبها غريب مره ومضايقني وبدون مبالغه يوميا تكلمني واتس تسال وتستفسر
ياريت تشورون علي خواتي والف شكر لصالحبه المعرف