جزاكم الله خير المشكله زوجي مدمن كبسه وانا ارجع من دوامي المساء الغداء عند مامتوو والعشاء انا اسويه بالذات انو يكره اكل المطاعم

الله يقويك يا أختي ... أحسن لك اطلعي من الدوام و ريحي بالك و جيبي لك خدامة و اهتمي بنفسك و ادلعي دامك عروس... ما بتخسرين شيء.

حبيبتي الله ييسر امرك ويوفقك

بالنسبة للغسيل اشتري لك بخاخ مزيل بقع تلقين انواع كثيرة في السوبرماركت ترشين منه عالبقع قبل الغسيل
وخلي الغسيل يتنقع كم ساعه او يفر بالغسالة اكثر من مرة يعني والصابون لسه فيها قبل لا تكبه ارجعي فري الفرارة من جديد

البخور عشان يثبت اول شي بخري وقت ماتمسحين السيراميك وانتي تبخرين بخي من بخاخات البيت عالكنب والستاير والفرشات وبكذا يثبت بخورك واوا ما يوقف دخان روحي حطي عالفحم مرة ثانية ودوري بالغرف وبكذا يثبت لك
شوفي شركة الحرمين بخورهم ممتاز


بالنسبة للطبخ طالما الغدا عند امه العشا سهل لا تسوين كبسات واشياء صعبة
ولا انتي مضطرة تسخنين الاكل

يوم مكرونة تونة
يوم مكرونة بالهوت دوغ
يوم سندويشات دجاج كودو (خذي صدور دجاج كمية وقصصيها وانقعيها بخلطة نقع دجاج كودو تلقين كثير طرق بالنت ووزعيها باكياس يصير اليوم اللي تبين تسوين فيه تطلعين كيس من الفريزر وتحمسينه وتحطين الدجاج في السندويشات مع مايونيز وجين وتدخلينه الفرن يدفى ويذوب الجبن وبالعافية)
يوم سوي برجر دجاج او لحم مع بطاطس مقلي
يوم سوي فول
يوم بيض

وهكذا لا تتعبين نفسك

وبالويك اند سوي له كبسات وتفنني

وانتيبهي لنفسك ولحملك وربي يتمم لك على خير