عروس جديده وضع زوجي غريب

السلام عليكم...اشكر العضوه... ملك بنت خالد ...لانها سمحت لي استخدم معرفها لطرح مشكلتي
انا بطرح مشكلتي بستخدم معرف الاخت ملك..
..انا عروس جديده لي متزوجه شهر بس ...طبعا زوجي كان متزوج قبلي وطلق في فترة الملكه قبل دخول بها
بعد طلاقه ب6 شهور تقدم لخطبتي. ..
زوجي كان زي اي رجال في فترة الملكه كل همه الجنس وكل كلامه عن الجنس ..وكان ملهوف على يوم زواج بشكل مو طبيعي ..وكان كل يوم يكلمني ويسال عني وكل كلامه حب وحنيه لي...وكان يقول من اول ليله ماراح اخليك بدخل عليك من اول ليله...اسفه ع الجرئه في الموضع بس مظطره اقول كل شي عشان تفهمون..
الي صار انو من اول ليله من زواجنا ..كان عادي غير عن الكلام الي كان يقوله ماشفت الهفه الي كان يقول عنها نام ع طول قلت يمكن تعبان من حفل زواج وكذا...
طبعا مالمسني الا اليوم ثاني...طبعا انا ماقول كذا لانو متلهفه ع هاشي لا والله بس مصدومه وين كلامه الي كان يقول لي في فترة الملكه...
الي صار كمان انو ثاني يوم زواجنا وداني عند اهلي وهو راح عند اهله ..لان كان في عشاء عند اهله..وطبعا قالي اذ ماتبغين تروحين لانك مستحيه اوديك عند اهلك . قلت خلاص ودني عند اهلي...
رحت لهلي ورجع اخذني ع ساعه11 بليل..
كمان اليوم ثالث لزواجنا رجع ودني عند اهلي بحجة انو بيسلم الشقه الي كن فيها واليوم الي بعده نسافر شهر العسل ودني لهلي ونمت عندهم وانا لي 3 ايام متزوجه...اليوم رابع سافرنا وكان عادي جدا معي ..مافي لهفه ولا كنا عرسان...جلسنا 4 ايام مسافرين وبعدها رجع وداني عند اهلي ووهو عند اهله ..قلت يمكن الحين عشان مو مستقرين ..اذ سافرنا لبيتنا في منطقة عمله بيستقر الوضع ..والي صار انو بعد ماوصلت لبيتي ..مرررره وضعه غريب اذ لمسني مره في اليوم ومايجلس جنبي هو جالس بكرسي وانا بكرسي. ..ماشفت الي يقولون عنه البنات الي توهم متزوجات انو العروس زوجها مايقوم من جنبها وانا يجماعها اكثر من مررره في اليوم ..كل هذا ماشفته ..هو ياجالس ع الجوال ..ياجالس ساكت ...ويوم الملكه ابد ماكان كذاا 24 ساعه معي ع الجوال مايسكت ...ومادري ليش كذا هل في رجال كذا او وضع زوجي غريب للعلم طلباتي كلها منفذه ..بس هذا شي الي متعبني انه مو محسسني اني انثى جالسه معه...فيه بررود كان لها عشر سنوات متزوجين مو شهر بس
واعذروني ع الجرئه في الموضوع بس والله ماشكيت وكتب الا محتاجه لمشورتكم ...