أدري علي عنوان مدري وش يبي .... وش هالعروس الي ضايعه 8_8
السلام عليكم ورحمه الله
محتاجتكم بنات تساعدوني .. لاني بجد ماعندي أحد يساعدني وضايعه مررررره بالتجهيز :(
عرسي الشهر الجاي على بدايته .. وماخذت شهر من ملكت ...:(
وقاعده أجهز ومحتاسه حوسه ...
ومو عارفه وش اشتري ..
بقولكم وش شريت ..وبسألكم عن أشياء أبيكم تساعدوني فيها ..
وياليت تقولون لي .. وش أشتري بعد ...
الملابس ...
هذا عذابي .. ذوقي صعب .. والسوق كله شتوي .. ومايهيئ...
شريت كم طقم .. على الأقل للأسبوع الأول ...
على كم بنطلون وبرمودا...
الفساتين
لأني مو من كثر العزايم عندي ...
قلت بشتري اثنين فخمين ...
شريت واحد من الخبر بلازا...
وبغيت واحد لثاني يوم بالعرس ...
وودي بشي ناعم لثالث يوم ...
قمصان النوم
ياكرهي للمحلات هذه :09:
ماكرهت العرس الا منهم
من ادخل خدودي تجمر ههههههه...
أخذت بجامات قطن من لاسنزا ..
ومحل واحه الجلابيه بالمارينا... عنده بجامات قطن روعه ..
وأخذت من بجامه حرير وشك خفيف ذهبي ..
وأخذت كمان قميص من minuit بالمارينا
وأخذت من روتيلا بفينيسيا كمان قمصان ..
..............................
العطورات والمكياج مابعد أقرب منهم ....
أنا جاتني أطقم عطورات كثيره ..تقريبا للحين 4 ...
اخذت معطر للجسم ولوشن من نكتار مره روعه ريحته وقويه ...
اقول لهم مو مكثره عطورات لأن بالعرس بعد بيجيبون لي عطورات .. مستحيل أحد يشتري ذهب وهو بهالغلا ...
وش رايكم كم عطر أخذ لي ؟؟؟.. وأبي المعطرات للجسم وش الحلو عندكم ومن أي محلات ؟؟؟... علشان أشوفها ..
المكياج ... مابعد لسى .. لأني مو من النوع الي احط كثير مكياج علشان كذا ماعندي خبره وين الأفضل ...
ودي بكريم اساس حلو ..وبودره كمان .. بس مو عارفه وش الأفضل أي ماركه ...
الظل.. انا قلت باخذ علبه مخملي.. والعلب الصغير الي فيها مثلا اربع الوان من شانيل وميك اب فور ايفر ... وش رايكم ؟؟؟
...................
نجي لي أنا...
ابي مكان تمام ومضمون يستلمني من فوق لتحت .. من شعر تنضيف بشره حمام ساونا ..
سمعت عن المانع بالخبر ؟؟ يقولون عندهم برنامج ؟؟ أحد يعرف عنه شي..؟؟
...........
الحنا ..
مع ان ماودي أتنقش بس ذابحيني عروس :(
أبي وحده نقشها توب ورسم خيالي ....؟؟؟
...............
الجلابيات
ودي بجلابيات زي الكويتين بس على ناعم ..مالقيت ...
رحت السعفه في الراشد ماعجبني ..ورحت هند ومدري مين كمان ماعجبوني ...
اذا تعرفون محلات عندهم جلابيات فخمه وناعمه وتفصيل على المقاس ..
أفيدوني ...؟؟؟
.........................
المهم ..
فستان العرس ...
للحين مادورت ...
أبي فستان روعه وشي راقي ..
مابي أخيط لأن مايمديني الوقت أبد ..
ولاأبي أشتري ويقعد عندي بالدولاب ..وابتلش به ..
ياليت تدلوني على محلات فساتين روعه ..وموديلات خطيره ....
شفت أحمد بدوي.. بس ماحبيت احس اني مااقدر اتحرك منهم ...
................
الزفه
مو عارفه كيف اسوي هالزفه ... ابي محلات حلوه تسوي زفات ..
..............
المشغل والتصوير
هذا مشكلتي ..
طبعا انا تجهيزي كله بالخبر والدمام ..
بس الطامه الكبرى عرسي بالأحساء ..
فهذاالضياع الأكبر ...
أبي مشغل سنع وأبي تصوير روعه ... ومكان للكوش حلو اذا تعرفون مره وحده ...
المشاغل .. شفت ناس في سحاب ..والهودج .. ومريم العيد ..
أنا أبي شغل راقي .. وفخم ونضيف .. وتسريحه روعه ...
مو عارفه وين أروح ولأن الي حلو مكياجهم بلاهم التسريحات ماعندهم ..شي حلو ...
غير التصوير...والكوشه ..
والطاولات وتجهيزها .. ابي ناس تمام لأن العرس بيحضرونه شخصيات كبيره.. وأبي خدمه للضيوف راقيه .. اذا تعرفون ناس كويسه ياليت تدلوني ...:( ؟؟؟
تقريبا هذا مابجعبتي .. والعروس دايم حايسه:icon33:
واذا في شي عندكم زياده في تجهيزي قولوا لي ... لأني ماعندي احد بعد الله الاانتم ...وامي ..
واذا عندكم اي شي .. اضافه الخاص مفتوح
أختكم //
وكذالك فيه شي مهم وضروري واحب اقوله لكل وحده بتتزوج تصدقي دفعه بلا عن نفسك ولا تنسين تهدين امك .............................................وبالتوفيق حبيبتي