السلام عليكم
حبيباتي العروس اولا الف مبروك :icon28:.... هذه باقة جمعتها لك لعلك تستفيدي منه في حياتك الزوجية والاجتماعية , منها ماتعلمته قبل الزواج ومنها مااستفدته بعد الزواج وصدقيني نصائح ذهبية فضعيها زي الحلق في اذانك... واليك النصائح:
1-حطي في بالك انه الزواج مسؤلية وليس مسلسلات رومانسية ( هو فيه جزء رومانسية بس مو كله عشان ماتنصدمين.
2-الزواج مو طقطقة ومطاعم ودلع وبس لا الزواج فيه المر زي مافيه الحلوفيه المشاكل والالتزام.
3-افهمي شخصية زوجك وحاولي تتوصلين لمفاتيحه عشان تعرفي تتعاملي صح معاه
4-اول سنة زواج خليك مع اهله 80% مستمعة و20% فقط متحدثة يعني بعض الاخوات بس تتزوج تنثر جميع اوراقها قدامهم طيب افهميهم الاول لانك لما تكوني 80% مستمعة حتقدري تفهمي كل شخص وبالتالي تعرفي تتعاملي معاهم وخليك معاهم في قمة الاناقة وفي قمة التواضع في نفس الوقت.
5- لاتحطي ابدا تجربة احد من صديقاتك او من قريباتك قدام عينك سواء مريرة او حلوة يعني انا اول ماتزوجت انصدمت انه زوجي مااخذني للخارج زي اختي باول زواجها بس طلع بزوجي مميزات ماهي موجودة بزوجها لذلك لالآلآلآلآلآلآلآلآلآلآتقارنين عشان ماتتعبين انتي حتواجهي تجربة جديدة ومع شخص مختلف
6-عودي زوجك ع انك تكوني دايما انيقة ومرتبة ونظيفة سواء في الصباح او المساء في الحمل او في النفاس في الرضا والزعل
7-اكسبي ثقة زوجك وحسسيه انك ملتزمة وانك تخافي الله وانك تحافظي ع نفسك في حضوره وفي غيابه
8- احترمي ام زوجك وحبيها واهديها بالمناسبات وحسسيه انك تحبي اهله وتحترميهم
9-عودي زوجك انه يطلعك ويمشيك بين فترة والثانية عوديه يوديك السوق ويوديك لاهلك هو مسؤؤل عنك ويسافر بك تروحين عن نفسك
وقولي له اذا ما دلعتني مين راح يدلعني
10- خليك مرحة مبتسمه وابعدي عن النكد والانتقاد في كل صغيرة وكبيرة يعني مشي الحياة تمشي
11-اهتمي بملابسه وبمظهره وقولي البس هذا مع هذا وذوقك في هذا حلو ...
12-حطي في بالك انه السنه الاولى في حياتك سنه وضع القواعد لكككككككككككككككككككل حياتك الجاية
مثلا اذا سمحتي له ياخذ ويتحكم براتبك حياخذه العمر كله
لو سمحتي له يضربك حيضربك في السنة الجاية
لو عديتي له انه يهينك ويسبك حيصير الوضع طبيعي فمعليش قاومي السنة الاولى كل هالاشياء ووضع الاسس عشان ترتاحين بعدين
13-لا تنسين صديقاتك وهواياتك عشانك تزوجتي ترى هو ماراح ينسى
14- حسسيه انك معجبة في شكله حتى لو فعليا مو عاجبك وتغزلي فيه
15-لو كشفتي عليه غلط مثل صور في جهازه حاسبيه بينك وبينه بس لا تفضحيه عند اهلك واهله ترى تخسريه
16-لا تسبي اهلك عنده ابدا ترى بكره يعايرك فيهم
17- طوري مهاراتك بالطبخ وذوقيه اشهى الاصناف
18-عليك بالكلام الحلو وابتعدي عن الكلام الجارح لو جرحتيه حيجرحك وحتجلسوا تاكلوا في بعض عشان كذا اذا زعلتي اسكتي لاتغلطين عليه بس عاتبيه عتاب خفيف
19-عودي لسانك اذا جاب اغراض للبيت انك تشكريه وتقولي تسلم الايادي ومن هالكلام
ههههههههههههذا اللي يحضرني ولاتنسوني من دعواتكم ولو احد عنه نصائح ثانية تتكرم وتكتتبها
شذا الأزهار @shtha_alazhar_1
عضوة نشيطة
يلزم عليك تسجيل الدخول أولًا لكتابة تعليق.
البرنسيسه H
•
مشكوووووووووره وما قصرتي الله يجزاك خير
الصفحة الأخيرة