عروس في ورطة تطلب المساعدة

حرام عليكم 14 وحده ادخلت وما في رد
ارجوكم ردوا علي ولو بكلمات تطمني
ما في وقت

ودي اساعدج حبيبتي بس ماعندي خبره بهالشغلات ..

ان شالله البنات بيفيدونج :)

مشكورة اختي kteeer_nice على الرد
ادعي لي يا حبيبتي

مرحبا بج اختي..اولا مبروك مقدما..والله يوفقج في حياتج..ويسعدج في حياتج اليديده :)

بعدين تعالي!! باقي عشر ايام والحين تنتبهين لنفسج :16:
شوفي اختي بالنسبة لأسئلتج:
1- تقريبا معظمنا يعاني من السواد في المنطقة الحساسه...بس انتي اهم شي تركزين على نظافة المنطقه..شي يغطي على شي..بعدين انتي شو درجة السواد عندج؟ يعني بني فاتح ولا غامق؟ ولا كيف؟ عشان نقدر نعطيج الحل اللي يساعدج بسرعه..
وعلى طاري الحلاوه..انا من رأيي انج تشلين المنطقه بالحلاوه احسن ترى هذي ليلة العمر..وصدقيني انتي بتكونين مرتاحه و واثقه من نفسج..وهو نفس الشي..يعني لو شلتي بالموس ماتظمنين النعومه..وشوي الا والشعر طالع..
نصيحتي لج جربي الحلاوه ولا تخافين..والله انا كنت مثلج..يعني شي مستحييل اجرب الحلاوه..بس حاولت..خذيت قطعه صغييييره وبديت اشيل..لا تشيلين كميه كبيره مره وحده..لا..بيعورج بعدين..خلي الشعر يكون بين اصبعج والحلاوه..مو تفرشين الحلاوه على المنطقه,, واذا كنتي تخافين الالم في بنج يبيعونه في الصيدليه بس والله ماجربته,وماعندي فكره عنه بس في بنات يمدحونه..وانتي بشرتج حساسه اخاف تجربين الحلاوه وتطلع لج بقع وتدعين علي بعدين..ع العموم انتي تقدرين تجربين على منطقة صغيره في البدايه واذا تأثر جسمج لا تكملين..بس مو تجربينها وتطلع النتايج عكسيه وتدعين علي..ترى انا ماعرف في البشرات الحساسه..
وانا عن نفسج بعد ما شلتها..حطيت ماي ورد شوي..لأنه يقفل المسام.. هذا اللي عندي بخصوص هالموضوع :)

2-بخصوص الركب والاكواع..شوفي هالموضوع ان شاء الله يفيدج:
بياض بريالين
كل وحدة تتمنى بعض المناطق الي في جسمها تكون بيضة (الركب الابط.......)
وبعضهم يلجأون الى الكريمات والادويةبعضها تعطي نتيجة ولا تدوم(يازيد ماكنك غزيت)
انا جربت كريقة سهلة جدا وبسيطة ولا حظت الفرق علشان كذا انا كتبت هذا الموضوع للبنات حواء القمورات علشان يستفيدون مثلي
المقادير:
بريال ليمون
بريال سكر خشن
الطريقة:
عند الاستحمام خذي نص ليمونة وشوي سكر غمسي الليمونة بالسكر وابدائي افركي المنطقة بس موبقوة يصرلك شيء وتدعين علي
والله والله انا شفت النتيجة في ظرف اسبوع على حسب عدد الايام الى تستحمين فيها انا كل يومين الليمون معايا على الرغم اني مااستخدمت الحلاوة في حياتي لذيك المنطقة
لاوحدة تفهم ان البياض الي صار لي فتاك لا انا لسى باول الطريق بس اختلاف اللون واضح واستخدمها بعد لركب والاكواع والابط واالرقبة والحمد لله النتائج مرضية الحمد لله
اتنمى تستفيدون من هذي الطريقة ومالكم الا الصبر والدعاء
<<منقوول مع العلم اني ماجربت الطريقة..


3-على ما اعتقد انه نتائج المكينه مثل الحلاوه غير انه الحلاوه تزيل طبقة الخلايا الميته..

4- والله حبيبتي انا للحين ماعرف بشو اشيل شعر هالمناطق..بس اعتقد التشقير ينفع..لانه شيل شعر الصدر بالماكينه يسبب الم :( ولو كان خفيف شقري..ما راح يبان..وكذالك اسفل الظهر ممكن تشقرينه..

وان شاء الله باقي البنات بعد يفيدونج...بالتوفيق يااارب

وهذيلا بعد بعض المواضيع اللي عندي ع الكمبيوتر..اخذتهم من المنتدي من زمااان..وان شاء الله يفيدونج :

** الخلطة سهلة ومايبغالها شي
ومتوفرة بكل بيت ورخييييييييييييييييييييصةجيبي اول شي رشاش اللي تحطين فيه ماي وترشين او اللي يحطون فيه خلطات تعطير الغرف وكذا عرفتوه؟؟؟
موجود بكل مكان علبة فاضية غطاها رشاش
تجيبونها فاضية ونظيفة
وتعصرون ليمونه
وتاخذون بطاطا نية متوسطة الحجم تقشرونها وتعصرونها بعصارة الجزر
وتحطون عصير البطاط مع عصير الليمون بالعلبة الرشاشة
وتخلطونهم
ورشوا على كـــــــل الجسم بما فيه المنطقة الحساسة والابط والوجه
بس الوجه يفضل تدهنونه بقطنه عشان لايدخل بعيونكم
وبس قعدوا فيها كثر ماتبون
واذا حبيتوا تنامون فيها ماشي الحال
بس مو اقل من ساعة يوميا
وشوفوا النتيجة
بيااااااااااااااااااااااااااااض موطبيعي
والمنطقة الحساسة بتتفاجئون شلون صارت كذا بيضاء وناعمة
والابط ياعيني عليه
وخلال اسبوع بتكونين قشششششششششششطة وقمر 14

---------------

ياعزيزاتي تخلطون عصير ليمون مع خميرة(خميرة المعجنات) الى ان تصبح لديكم عجينة شبه سائلة>>>تتمطط شوي
وتوضع على الاكواع والركب وتغطى بها المنطقة السمراء >>او البنية ’او الرمادية
<<< تضحك لانه ماعاد عندها سواد
المهم
وتجيبين ياعزيزتي كيس بلاستك وانا افضل النايلون حق الساندويتشات وتتركيه مدة ساعة تقريبا..... وراح تحسون بشوية تقريص بس مع استعماله اول مرة بعد كذا اغسلوه وادهنو باي كريم مرطب
بس احذروا من فركه بالليفة بعد ازالة الخلطة لان الجلد راح يكون حساس فقط يغسل بالماء((تبيض الركب والاكواع))..

------------

خلطة تفتيح بشره وهي كالآتي ---
:
المقادير
3 ملاعق صغيره طحينة
عصيرليمونه
3 ملاعق صغيره حليب بودره
3 ملاعق صغيره صنفرة الخوخ أو أي صنفره

الطريقه
أعجني المقادير مع بعض وإذا حسيتي إنها غليظه زيديها ليمون
حتى تصير زي الكريم ثم ادهني المناطق اللي تبينها تتفتح وخليها لمدة ربع ساعه على الأقل حتى يتشربها الجلد ثم افركيها بيدك حتى تتفتت وتطيح ثم اغسليها بالمويه والصابون المغربي أو ديتول أو أي صابون
شوفو يا بنات والله أنا جربتها في اليوم الثالث تلاحظين فرق وااااااااااااضح
حتى أبو الشباب يلاحظ
وأكثر منطقه أنا لاحظت عليها هي
المنطقه الحسااااااااااااااسه
------------------

شوفي اختي هالمواضيع ((طريقة ازالة الشعر بالحلاوه))
http://forum.hawaaworld.com/showthread.php?t=322636

http://forum.hawaaworld.com/showthread.php?t=436639

----------------
وهذا موضوع ثاني لسوااد الركب والاكواع..
http://forum.hawaaworld.com/showthread.php?t=306877

ان شاء الله تستفيديـــــــــــــــــــــــــن منهم..:)