عروس لا مطلقة ولا معلقة ولا متزوجة سسساااعدوني تفكووووون

بنااااات انا اطلقت بسبب اهل زوجي او بالاحرى بسبب امه الله يهديها. بناات انا مو اول وحدة اطلق بسبب امه. اخوه اربع مرات كاتب كتابه وفاسخ بسبب امه. وطبعا انا ما عرفت المستخبي الا لما وقع الفاس بالراس. الحين مو هنا المشكلة. المشكلة ام زوجي متعوده تاخذ بنات الناس وبعدين بس تبي اطلقهن ما تخلي ولدها يطلق الا يرجعن المهر او المتآخر و الشبكة حتى لو كان السبب من ولدها او بالاحرى من امه و طبعا هي مبسوطه على هذا الحال لان في نظرها انها ما تخسر شي . هالاربع بنات الي هي طلقتهم رجعولها كلشي و قبلوا بما وقع عليهن من بلاء.
الحين اجى دوري انا، بس انا عندي شي اختلف فيه عن البنات السابقات وهو هنه كانن فقط مخطوبات كاتبات كتابهن ، بس انا يا بنات كنت متزوجة مدة خمس اشهر وعانيت الامرين من ضرب واهانه و حتى ما ينام في البيت و مافي اي سبب او مشكلة بيني وبينه ، بس كل الاسباب كان انه هو ولد امه و كان ينام عندها و يزورها كل يوم ويجيني ليش ما سويتي لامي كذا وامي قالت كذا ويضربني
الحين انا في نظر كل العالم مطلقة بس الواقع و الحقيقه هي ام زوجي وما تقبل تطلقني من ولدها الا ارجعلها المهر و شبكتي الذهب وانا الصراحة حابة اكسر هالروتين الي هي مسويته يعني اول شي هو زوجي ضربني وطردني و طلقني وطبعا هاي مو اول مره يضرب وانا عروس اربع اشهر ، هاي غير تفاصيل كثيره سوتها هي وابنها عيشوني بجحيم كانوا مفكريني اسيره او عبده عندهم.
ما اطول عليكم بنااات ام زوجي ما تبي اطلقني الا ارجعلها المهر و الذهب تبعي و طبعا كلشي عفش و شغلات بعدها ببيت زوجي يعني كمان اخذوهن

و المهر زي اي عروس اتجهزت فيه من ملبس و اشياء للشقه و اغراض و صالون وهلاشياء يعني انصرف وما بقى منه ولا ريال

انا كرهتهم كره العمى بعد المجازات الي جازوني اياها و الصراحة مستحسفه ارجعلهم كلشي
اقول في نفسي انا مو بنت شارع او بنت للتسليه عشان اعيش معهم اربع اشهر تحت ضرب وذل و خدمه و في الاخير يجازوني باسم مطلقه و ياخذون مني كلشي خسروه واكمل مشوار و طريق واسلوب حماتي ام زوجي مع البنات
شو رآيكم بنااات ايش اسوي لاني وبصراحة دايخة جدا و الحين انا بيت اهلي لا مطلقة ولا معلقه ولا متزوجة
وحسبي الله ونعم الوكيل وبدون تجريح بنات لان الي فيني مكفيني