معليش يعني انتي دلوعه ولا تدلعين ويعنني قدامه بنت مدلعه
حبيبتي تعلمي تطبخين وتشتغلين مو لازم تصيرين الشيف منال العالم
عالاقل سوي شي بسيط
ولا تسمعين كلام الحريم الكذابات والله مااطبخ له اصلاً مو مذكور بالشرع انه لازم اطبخ تراهن نصابات بس ينفشن ريشهن قدامك واللي تقولك مطنشته تلقينها كل ليلة محتفله فيه ويادهينه لا تنكتين
طيب هو قالك لا تتدلعين ليه تعاندين وتقولين ماما وبابا
غير كذا افهمي ترا السفر مو اجباري ومو شرط
خلي لين ظروفه تزين وجمعي انتي وياه وسافروا
اغلب بنات اقاربي كذا ماسافروا الا بعد سنوات من زواجهن
اشتغلن بالاسر المنتجة واللي تسوي بحوث وغيره
وجمعن وسافرن

الله يكون في عونك انصدمتي صدمة العمر معاه
لكن الله يسخره لك ويهديه
جربي معاه كل الحلول قربي من الله وادعي كل وقتك ان الله يسخره مافي غير ربنا الهادي والله يصلح ما بينكم ❤️
كرري دايمآ ( اللهم سخر لي زوجي كما سخرت الرسول لعائشة وكما سخرت الحوت ليونس وكما سخرت الرياح لسليمان والنه لي كما النت الحديد على سيدنا داود ، واجعل غضبه بردآ وسلامآ علي كما جعلت النار بردآ وسلامآ على ابراهيم )
🌹

اهلين حبيبتي كيفك عروسه زوجك ماهوسئ يتعامل مع مخدرات خائن ولا هو الزوج الحنون الرومنسي بمعنى بين وبين وانتي حبيبتي اطبخي حتى لو بيض مقلي اهتمي في البيت وتعلمي كل شئ ماهو علشان أحد لا علشانك انتي

الحقيقه اشوف انه مايستاهل الطلاق يبغاك تعرفين له وتفاهمين انتي وياه اكشتي معه لك يوم قولي خل ننام بالبر خليه ينبسط ..واسحبيه شوي شوي مايبي لها شهر شهرين يبي اك وقت الله اغرفي وش يبي بضبط وويغرف وش تبين تنازلو عن بعض الاشياء بحيث تعيشو ..الحمد لله اذ هو محافظ على الصلاة ولا هو راعي سفريات برا ولا سكر..نعمه
ييسر لك ويكتب لك الخيره ..

ياليت المشرفات يغلقون الموضوع ، الحمدلله خذيت قراري و الله يكتب اللي فيه خير و شكرا لكم جميعا 💓