رررررررروووووووووووووووعة الله يوفقكم وييسر لكم حياتكم

اااااااااااااامين

ممكن اختي طيف الاشراق تعلميني كيف احمل موضوعاااااااااات لاني عندي مواضيع ودي غيري يستفيد منها

انتظرك ,,,,,<<<< وحدة متحمسة مرررة

قال صلى الله عليه و سلم : ((من سن سنه حسنة كان له اجرها و أجر من عمل بها )) او كما قال عليه الصلاة و السلام

بارك الله في الاخت طيف و في سعيها ..... و اسال الله ان يبارك سعيك و يزيدك من فضله
و جزا الله اختي (همس الطبيعة) خيرا لانها دلتنا على الرابط و الله يجعل هذا العمل خالص لوجهه الكريم و في موازين حسناتكم يوم لا ينفع مال و لا بنون الا من اتى الله بقلب سليم

افيدكم باللي اقدر عليه باذن الله

***************************************
طريقة ثبات الدخون والعطور في ......... و

خواتي بغيت أعرض عليكم تجربتي في ثبات ريحة العطور والدخون في الجسم والملابس والشعر.....في عدة أنواع من الدخون اللي تختلف ريحته بختلاف نوع العطور المصنوع منها .. عند محلات الرصاصي للعطور دخون ريحته حلوه اسمه ( راقيه ) وهو فعلا ريحته حلوه وراقيه ,, وبعد في الدخون اللي يسوونه الحريم في البيوت بعضه يكون حلو وتقدرون تختارون النوع اللي يناسبكم (لأن اللي يعجبني يمكن ما يعجبكم ....صح؟؟؟)

المهم الطريقة اللي تخلي أي نوع من الدخون والعطور يثبت في الجسم أو الشعر أو الملابس:

أولاً : الجسم :
بعد ما تتسبحين وتنشفين جسمج طبعاً هههههههه حطي أي نوع من الكريم المعطر أو اسبري الجسم وأنا عن نفسي أستعمال كريم شانيل شانس( CHANCE CHANEL) أو بوشيرون ( INITIAL _ BOUCHERON ) تحطين منها شوي في راحة اليد مع قطرة دهن العود إختياري وتفركين جسمج كله وخصوصا الرقبه والأكتاف وبعدين تتدخنين ... حلوه هاي الطريقه وتصلح للعرايس.

ثانياً : الشعر :
بعد ما تغسلين شعرج وهو بعده رطب تقدرين تستعملين أي نوع من أنواع اسبري الشعر وهو متوفر من ماركت شانيل (HAIR MIST ) وفي منه عدة أنواع (COCO MADEMOISELLE أو ALLURE) وبعدين ادخنين شعرج وأنا افضل استخدام العود على الدخون للشعر .

ثالثا : الملابس :
وهذي المرحله الأخيره بعد ما تلبسين ملابسج رشي عليها عطرج المفضل من العطور الفرنسيه أو الخلطات العربيه المتوفره في محلات أجمل للعطور أو الرصاصي أو عبد الصمد القريشي أو الأثنين مع بعض يعطي نتيجه حلوه بشرط مايزيد عن نوعين بس وبعدين ادخني بالدخون المفضل عندج وردي رشي رشه من العطر على الماشي و شوفي النتيجه.


أتمنى اني قدرت أفيدكم وأتمنى كذالك اني أقدر أستفيد من ملاحظاتكم وردودكم وتجاربكم واللي اتجرب اتخبرني بالنتيجة إذا عجبتها أو لا على شان انا اقدر أستفيد بعد .

ملاحظه : (( كل انسان له عطره المفضل واللي يميز شخصيته على شان جذي كل وحده لازم تختار اللي يناسبها ومب أي عطر يعجبنا شكل الغرشه أو العلبه أو حد مدحه لنا نركض ونشتريه لا ... لأن اللي يناسب شخص ممكن ما يناسب شخص ثاني ,,,أنا عرضت عليكم بعض أسماء الكريمات وسبري الشعر بس مب شرط انها تعجبكم يمكن اللي يعجبكنم شي غير عنها لا تتقيدون هو مجرد اقتراح بس أهم شي في موضوعي هو(((( الطريقه)))) ونصيحه للأخوات المتزوجات انهم ياخذون ري أزواجهم في العطر اللي حابين يستعملونه لأنه يمكن وحده تستعمل عطر هي اتشوفه حلو بس الريال لا ويطفش منه هههههههههههههههه وفي ملاحظه أخيره لو سمحتو ترا هاي الطرق الثلاث تصلح للعرايس ))


و عذرا من صاحبة الموضوع لاني ما اتذكرها لاني مخزنتنه من زمان عندي
و دعواتكم لصاحبة الموضوع :)

خواتي حطيت بعض المرفقات اللي ممكن تفيد المقبلات على الزواج و المخطوبات

هي موضوعات كنت ناقلتنها من المنتدى بس يعذروني صاحبات المواضيع لاني لما انقل مواضيعهم اسوي قص و لزق :D و ما اعرف صاحبته <<<فالسموحة:(
و دعواتكم :)