عروس محتاجه فزعة الكويتيات و البركه بالباقي !!!!!

الف مبروووك 00وحياج الله بديرتك الثانيه وبلدك الكويت00
اول شي000 مجمعات الماركات الشهيره معروووفه بضايعهاااا ومحلاتها 00من ملابس واحذيه وجناط 00((سوق شرق-الفنار-البستان-المارينا مول)) بس اذا تبين تشترين روحي

1-الفروانيه-(مجمع الدبوس اقمشه)
مجمع المناور(في كم محل قمصان نوم واحذيه وجناط0وملافع
مجمع الحمراء مول(دراريع اكسسوارات ساعات قمصان جواتي وجنط ملافع عبي ملابس سهره اممممم يمكن ناسيه شي بعد وقريب عنده مجمع صغير كله عبي وملافع ومانتوهات
ومجمع العربيد حلووووووو بعد وكبير
وفيه بعد مجمع النمران كله اقمشه وفي فوق خياطين (مشاغل) وكلف
ووراه مجمع العربيد للدراريع هذا تلقين فيه كل الدراريع اللي تشوفينها بالتلفزيون علي الممثلات بس اللي عواطف الحاي وانسام الخلف تبيع الدراعه بميه وشوي تلقين اغلي دراعه عندهم ب18 دينار بدون مكاسر كاسريهم وتاخذينها ب8 او 10 دنانير لا يقصون عليج وما انصحك تروحين لمصصمات لانهم غالين علي الفاضي دراريعهم كلها بهالمجمع
مجمع المغاتير 00توه جديد بس حلو انا رحت له برمضان كان توه ما افتحوه كله الحين مسوين له دعايه مفتوووح000عموما الحلو ان اغلب المجمعات بالروانيه علي نفس الشارع ما تضيعين فيها


2- حولي
عندج النقره الشمالي والجنوبي (بدل وبنطلونات بلايز -مجمع كامل بعد وحلو وحواليه مشاغل فيها ملابس سهره وعرايس

3-الجهرا
مجمع الخيمه مول(بدل حلوه 0وعندج مكياج المنصور وعروس البحر ) وفوق فيه بيت اولادنا عندهم قمصان نوم روووعه وسعرها حلو بس مو امريكيه000 وفيه كم محل دراريع يعني حليوين ومطاعم
مجمع واره الدور الارضي كله قماش والثاني كلف واكسسوارات ومكياج عادي ماركاته وكم محل ساعات وفوق مشاغل علي فكره واره اجدد خام وارخص سعر من البلوكات في المباركيه عموما كاسريهم بكل سوق
في مجمع جديد اسمه تالا شكله حلو بس يفتح بتاريخ 14 -11 انشالله تشوفينه


4- المباركيه حلوووه حلوووه تونس

مجمع الاوقاف00 ما انصحج فيه دراريع تلوع الجبد واغلبها هنديه وغاليه مادري شنو عليه اسعار خيال خصوصااا محل رانيااا تلقين دراريعهم بالجليب وخيطان محل السفيره((قديمممه)
5- لاند مارك الشويخ-----
6-السالميه ---حلوووووووووو علي امتداد الشارعين سوق مفتوح وبتمرين فيه علي مجمعات

ياربي تعبت بعد شنوووووووووووووووووووووووووووو00انا قلت لج علي مجمعات تشترين منها اكيد000اما اللي بالمجمعات محلاتها معروووفه عالميااا اتوقع ما تبينها

لما اتذكر اقووولج وسامحينا علي القصووور00 واذا وصلتي الكويت وتبين اي مساعده انا حاضر اعطيج موبايلي لو حبيتي




اختج الاياااااااااااااااااااااام