القدور لاتاخذين الا ستينلس ستيل 18/10 الماني هذي لك وللزمن وصحيا كويسه صحيح بتكلفك مبلغ لكن تستاهل وابتقعد عندك 20 سنه على الاقل هههههه
واحرصي انها مايكون فيها خشب او غطا قزاز عشان مايتكسر عليك خذي شي حق مكدّه وكرف

المواعين الاستخدام اليومي ابعدي عن الهزازي وهالقرابيع كلها صيني وتحوم الكبد مره اخذت من عندهم بيالات ومن اول استعمال انفجرت وطار القزاز والحمد لله اني كنت بعيده عنها ولا الله اعلم وش صار فيني

روحي للعويس ولا تقضين الا بضاعه المانيه لان هذي تقعد عندك طول العمر لذلك لاتاخذين الا اصلي حتى لو كلفك مبلغ وقدره

صواني الفرن خذي باريكس احسن من التيفال
التيفال عمرها قصير وتتقشع وتغث

الترامس عندك ترامس التايغر وفي نوع ثاني صناعته يابانيه وابو نقطه حمرا كل هذولي احسن الانواع تقريبا

الملاعق والشوك والسكاكين وسكاكين التقطيع والمغارف كلها خذي ستينلس ستيل الماني عشان ماتصدي وعشان ماتسود وتضطرين كل بين فتره وفتره تقضين لك مواعين جديده

الاجهزه انصحك بكينوود سواء غلايه او كوفي ميكر او محضرة طعام وخلاطات ... الخ

خصصي ميزانيه كل شهر واشتري على شوي شوي والاصلي قيمته فيه
والله امي عندها مواعين من 30 سنه باريكس صناعه انجليزيه وماشاء الله كأنها جديده

يعطيك العافيه على النصايح الثمينه
وانا فعلا ابي شي للزمن واخذه معي لانقلت مافيني اتقضى كل مره

حيبي صواني كيك وصواني بايركس تجيك كل واحد طقم واسعارها معقوله
جيبي لك قدور بس لا تاخذين كبار مرره لالا من صغير الي وسط
حافظه ولا طقم حوافظ تجيك طقم 3 مع بعض
جيبي الة توستر من السيف سعرها معقول تسخين السندوتشات تنفعك دامك عروس للعشاء ولا فطور صباح ولا لرمضان مرره كويسه ورروعه بعد
جيبي خفاقه كهرب من الكتا ولا مولنكس ولا ام جوي
فيه خلط زي ست البيت رروعه من ام جوي 22 قطعه فيه خلاط عصير وفرامه وطاحونه وعجانه وشفرات لتقطيع السلطه والخيار والذي منه ومعه هديه جهاز الفرم مدري الهرس معه قطعتين زياده ناويه عليه ررروعه مرررررره وسعره يجنن 349 تقريبا تزيد ريال ولا تنقص ريال تحفه ينفعك كثير
تحصلينه في مدينة الاحلام
جيبي لك طقم حلو وسعره معقول للاستخدام الشخصي لك انتي وابو الشباب تحصلينها في رد تاغ ولا رامز سعرها من 80 الي 120 ريال
المغارف ولاوازمها جيبيها استيل تطول معك عندي لها اكثر من 8 سنوات ولا خربت وكنها جديده مشاء الله
زمازم جيبي لك 2 لك انتي وابو الشباب استخدم منزلي المانيه فيه اللي تجيك ملونه مرره رايقه بصرحه وسعرها بحدود35 ريال للوحده
اهم شي قدر الضغط والله روعه ومريح ويسعفك كثير وخاصه انك عروس
جيبيه من السيف الثانيات غاليه وهي تودي نفس الغرض
جيبي صينيه لقلي البيض تكون صغيره و صينيه للقلي مثل البطاطس والسمبوسه تكون خاصه للقلي ولا جيبي قلايه اذا الميزانيه تسمح
وغلايه مويه مهمه مرررره
صحون تمر كاسات مويه وكاسات عصير
هذا اللي اقدر افيدك فيه اذا ذكرة شي رجعت لك
بس اهم شي انتي جهزي اغراض المطبخ الخاصه فيك انتي وابو الشباب ونظمي نفسك هذا اهم شي
ام زمازم وصواني التقديم حقت الضيوف لاحقه عليها لالا تظغطين نفسك الحين فيه شوي شوي تجييك
اهم شي الاجهزه الكهربائيه بالنسبه لي من عصار وخلاط وطاحون وفرامه بصل الخ اللخ هذي اللي الواحد يحسب حسابها
ام اغراض الضيوف وانتي مغتبربه خخخخخخخ يعني ما حولك احد حرام تبديها على اغراض اهم منها
والله يتمم لك على خير يارب وبسخر لك زوجك يارب

يازينك يختي انتي وردك الوافي
مرره استفدت منه وسجلت النواقص
يعطيك الف عافيه ياقمر