السلام عليكم ورحمة الله وبركاته
أول مشاركة لي في المنتدى وانا من زمااان اتابع المنتدى وبالذات لقسم تجهيز العروس من قبل ما انخطب
والحمدلله انخطبت ودايم القى نفسي هنا
بقولكم قصتي اللي أول مره أسردها
انا لون جسمي وبشرتي فاتح إلى قمحي من لما كنت صغيرة إلين صرت في سنه ثاني أو ثالث متوسط ومن بعدها صار الانقلاب المفاجئ وأذكر آخر مره لبست فيها نص كم وفستان صدره مفتوح لكن فتحته مو كبيره كان في زواج قريبتي اللي ولدها الآن عمره ١٥ سنه تقريباً الله يحفظه لها.
تغير لون جسمي، ظهري وصدري ورقبتي لونهم غاامق قطعه وحدة يعني مو بقع ويديني بيضاء ووجهي أسمر من يديني وهذا التغير في اللون حد من لبسي لدرجة ما اقدر آلبس حتى تيشرتات النص كم ولا البديهات اللي صدرها مفتوح وحتى الشفاف ما اقدر البسه .. والحمدلله اعتبر هذا الشي نعمة من جهة انه حد نوعية لبسي وصارت كل ملابسي ساتره لا نص كم ولا صدر مفتوح لكن مع زوجي كيف؟! كيف رح اقدر البس قمصان النوم واللانجريات؟! واذا سألني وش اقول؟ لاتقولون خليك واثقة قدامه انا الحمدلله واثقه من نفسي لكن مستحيل ان اللي يشوف مايلاحظ ويستنكر هالشي لأنه فعلاً شي مو طبيعي ان الجسم يكون ملون بهذي الطريقة الغريبة لدرجة كأن فيه خط فاصل بين اللون الفاتح واللون الغامق بدون تدرج . إلى الآن ما ادري من ايش ولا لقيت حل مع اني رحت كثيير اخصائيين على مدى اكثر من عشر سنوات وجربت خلطات كثييير ولافادت ولا تغير الوضع ولا حتى تحسن .. ولا أحد يعرف عن هالشي حتى خطيبي ، محد يعرف عن هالشي إلا أمي الله يحفظها واختي.
زواجي بعد أربع شهور إن شاء الله من الآن ومن قبل ما انخطب وانا محتارة ما اعرف وش اسوي اذا تزوجت. والآن انا في مرحلة التجهيز ودايم تطيح عيني على الملابس المفتوحة وأتمنى اقدر البسها عند زوجي وانا مرتاحه وهو مرتاح :(
أحتاج مساعدة كيف اتغلب على شعوري بالحيرة والخوف من ردة فعل زوجي :(
جيت افضفض عندكم لأني جد أشوفكم هنا مثل الخوات تحبون تساعدون بعض
تقبلوا تحياتي
peonia @peonia
عضوة جديدة
يلزم عليك تسجيل الدخول أولًا لكتابة تعليق.
امم اذا على طول بعد الزواج صار لك كذا ارقي نفسك إذا لا جربي الجيلوسوليد مع الليمون بإستمرار يقولون يفتح
سوي حمام مغربي اسبوعيا
وايضا استعملي لواشن تفتيح وترطيب
بالاضافه الى صابونات تبييض
وان شاء الله يخف معك اللون
ولو ماراح لاسمح الله استعملي منتجات تغطيه كوريه
مثلا سنو وايت وغيره
وايضا استعملي لواشن تفتيح وترطيب
بالاضافه الى صابونات تبييض
وان شاء الله يخف معك اللون
ولو ماراح لاسمح الله استعملي منتجات تغطيه كوريه
مثلا سنو وايت وغيره
عااادي حبيبتي في نااس كثير كذا الوجه يكون افتح من الجسسم واذا علق زوجك قولي انا سويت تاان يعجبني
وتري والله مو مهم لون البشرة اهم شي تكون ناااعمة ونظيفة ويكون جسمك رشيق وخلاص
والففف مبروك يآعرووسسة
وتري والله مو مهم لون البشرة اهم شي تكون ناااعمة ونظيفة ويكون جسمك رشيق وخلاص
والففف مبروك يآعرووسسة
اختي اللي اصغر مني زيك كذا في يدينها جهة اغمق من الثانيه وفيه خط يبين
تستخدم ليفه فركي المكان الاغمق يطلع لك الجلد الميت بدا يفتح لونها شوي
نصيحه لا تتخلين عن الليفه ف كل استحمام لك والله تفييد يابنات تزيل الجلد الميت اللي تراكم من سنين بس يبغالها صبر مو ف شهر بتزيله
ولما تستخدمينها ترطبين عشان تحافظين ع اللون
والله يسعدك ويوفقك يارب ويسخرله لك ويجمع بينكم ع خير يارب
تستخدم ليفه فركي المكان الاغمق يطلع لك الجلد الميت بدا يفتح لونها شوي
نصيحه لا تتخلين عن الليفه ف كل استحمام لك والله تفييد يابنات تزيل الجلد الميت اللي تراكم من سنين بس يبغالها صبر مو ف شهر بتزيله
ولما تستخدمينها ترطبين عشان تحافظين ع اللون
والله يسعدك ويوفقك يارب ويسخرله لك ويجمع بينكم ع خير يارب
الصفحة الأخيرة
الف مبرووووك حبيبتي وربي يتمم لك على خير ان شاءالله وهذا رابط تجمع العرايس أن شاءالله يفيدك
https://www.hawaaworld.com/showthread.php?t=438041...