يسلمووووووووو اختي عالدعوه الحلوه الله لايحرمنا الاجابه
شوفي اذا ناويه تاخذين لك فستان الزواج جاهز بقولك على ثلاث محلات يمدحونهم مره انا اجهز بس توني ماشفتهم للحين
فيه برويال مول محل بالدور الثاني معروف بجده وتوه يفتح بالرياض تلقينه عند الدرج اذا طلعتي روحي يسار
وفيه الغرفة الذهبيه بعماير السيركون
وفيه روبي مودا بالعليا العام وعندهم هالايام تخفيضات 50 بالميه

اما السهره فصلي واحد واذا عندك مناسبه بعد الزواج بتلحقين تشترين او تخيطين لان غالبا مايروح موديلها مالبستيها

والمشاغل اذا بتقصين عند ارابيل يجنن قصها عبير واملوالصبغه ماجربتهم اصبغ عند الجميله بالتخصصي

المكياج اذا حابه اختي اقولك عن الماركات الحلوه واحسن محل وجوه اما العطور من محل مي بالاندلس او طريق الملك عبدالله

المحل اللي ذكرتيه ماعندي خلفيه عنه

ونسيت اقولك على مجمع نجود عنده تايورات غريبه وفخمه قدام الانتركونتننتال

http://forum.hawaaworld.com/showthread.php?t=386381
أهلين ياعيوني أنا تحت الطلب
شوفي هذا الرابط أنا أستفدت منه كثير وبديت أمشي عليه مره حلو
بالنسبة لملابسك بيكنونون شتوي إذا كان في عطلة الحج لأنه على حسب علمي هذا الوقت هو المربعانيه === يكثر خرطك عطينا الزبدة
أما بالنسبه لي رحت وأشتريت التيورات من غرناطه وصحارى والعليامول

بالنسبه للفساتين أشتريت أثنين من جزيرة الكنز بالعليا مول لكن أسمه بالانقليزي ( treasure island) عنده حقات مصممين مايعرضهن يكونن داخل دولاب وتقولين ورن إياهن و الأسعار معقوله بحدود ألفين وأنصحك ماتفصلين عند أي أحد لأن الموديلات تكون مكرره لأن كل اللي أعرف فصلوا إندموا يفصلوننه بحدود 3و4ولا تلقين بهن غرابه ويصيرين خشنات ولاتقربين بنت الشريده والزيزفون سعر غالي على غير سنع
وشريت ثالث من الموسى عاد والله ماذكر وشو المحل وشريت أثنين ناعمات جدا مايعتبرن لاتيورات ولا فساتين ==== سميهن الللي تبين
بعدين يوم شريتهن نسقت لهن جزمات وشنط لأن إحتمال تجيك جزمة ولاشنطه تصلح لتيورين

وملابس البيت بعضهن شريتهن من الماركات المخفضة والباقي من قمصان وشباشب وملابس داخلية
وطقوموبجامات وفساتين من الهرم وسيتي بلازا ومن محل مثل الهرم بس نسيت أسمه لكن تلقينه قبال العليامول
والروب شريت طقم لي وله من ماركه مسويه تخفيض حلو بالمره======= هذا بالنسبة للخلاقين


أما العطورات والمكياج رحت للي يبعون بسعر الجملة تخيلي أخذت عطر الشيخة بـ500 وعند وجوه بـ700 وأخذت عطر ألور بــ280 وهو بـ330 عند وجوه وكمان شريت عطر فلوربمب ررهيب وعطرسينما وفري سكسي إشريه هو ومجموعته يججنن أنهبل عليه زوجي وعطر إستيلا وشريت من بودي شوب عطرهم الجديد هو ومجموعته
cassis rose
وشريت من كولوني تلقينه بصحارى زيت عطري للفواحة (كلك فور) وشريت منه شموع ريحتهم تجنن وكمان حقات الريحة الدوائر اللي تحط بين الملابس شريت منهم ومن لايف ستايل ومن نكتار بس أزين شي حقات كولوني

وشريت منهم المكياج والمناكير والأستشوار كل شي عندهم أرخص من السوق
أسم المحل اللي شريت منه أبو مكي ولو ماصار عنده اللي تبين يروح ويجيب لك من المحلات الثانية

وبالنسبة للمخلطات شريت من الماجد( هذا ماله فرع عندنا ) ريما وميال ومخلط عبدالعزيز
ومن أجمل ليلة خميس بخاخ للمفارش
ومن جنيد عطر المجالس بخاخ للفارش
وشريت زيت عطري للفواحه من بودي شوب إسمهن مون فلور و passion fruitt
ومن زهور الريف شريت طقم شموع وإكسسواراته جمعتهن علي ذوقي
وممممم وش بعد
والذهب شريته من بريده المحيطب عندهم تشكيلات روعه وأنصحك لاتكثرين لنوا بجيك هدايا إلى قبل بس أشريي خواتم ذهبيه وفصيه وإسوارات حقات الساعه ذهبيتين وفضيتن وأسواره كشخه فضيه ===== أنا أعلمك باللي شريت عاد لاتقلدينن==== يكثر قرقك
والشناط والمفارش والسجادات وصندوقهن من السنيدي شريت مفرش سكري والثاني مشجر وثالث للسفر قطعه شويه ورخيص

والأكسسوار للبيت شريته من مذهله والغروب وطقتهم وبعضهن من أبو ريالين التويجري عندهم أشياء حلوه

ورحت لـ إيكيا وشريت أبجورات وشموع وخرابيط واللي يعلقبهن الفساتين ( الكيس ) وشريت الدولاب اللي من قماش وفيه دروج ويجط فيه الجزم وقلوب وحركات ==== من كثرهن ماندري وين ندعيهن


وبالنسبة للمشاغل أنا ما صبغت عندهم لكككن كثيرين يمدحون قطرات الندى ==== مادري أسمه كذا ولا لاوبالنسبه لموقعه دوريه وتلقينه===هههههههه صراحه مادري وين بس يقولون من سال ماضاع

وهذا مالدي أرجو أن أكون قدمت لكي مايفيدك=== وش عنده بدت تكلم بالعربي

وإن كان عندك أسئله فلا تستحين أسئلي=== لا والله

والله يوفقك ويتمم زواجك على خير قولي آمين

واو نسيت الساعات إشري وحده فضيه وحده ذهبيه أنا شريت وحده من الدهام وحده من الحميضي

ويله عاد مع السلامه أعميت عيونك وأنتي تقرين

الله يسعدكم يابنات انتوا وصاحبة الموضوع والله استفدنا مرة
بغيت اسألكم ..

بنات الرياض بخصوص الروب والمناشف ( طقم الحمام ) من فين اشتريه
بسعر معقول .. انا لقيت عند نعومي بس حق العروسة لحالها ب300 هذا
ومو كامل بعد ولونه مو حلو انا ابغى أوف وايت ..

وكمان المفارش الفخمة الي على تفتة والوانها فخخخخخخخخخمة وسعرها معقول
أنا ابغى تفتة على قطن وتكون كذا قطعة يعني شيء خيالي الي يشوفه يقول 2000
ولا 3000 وهو ماتعدى 800 ريال .. والشراشف الفخمة الي ناخذها معنا للسفر
هذي من فين نجيبها ؟؟

لبس البيت اش المقصود فيه ؟
هل هو لبس النوم ؟ ولا ايش ؟

تقريبا عفش العروسة كم يطلع شنطة ؟؟

ورح اتابعكم ساعدونا تكفون

أول شيء الله يوفقك ويتمم لك على خير ..

أختي أناعروس لي أربع أشهر ....
وبقولك الأشياء الضرورية وأشياء تندمت أني ما اشتريتها .....

شوفي اشتري لك ملابس داخلية أطقم تراها حلوة وتستفيدين منها.. في البيت..وكمان
خذي لك الكلوتات القطنية وكثري منها ,,,, وملابس خاصة بالطلعات والسهرات
سيورها تكون شفافة .


لبس البيت صراحة لازم تكثرين لأن الزوج ينتبه وبعدين بتلبسينها صراحة ..
روحي سيتي بلازا وخذيلك حركات ...
تنانير قصيرة ،،بناطيل ،، بديهات ،، فساتين وغيره...
كمان في محلات بصحاري وغرناطة..


البجايم اشتري لك 6 أو 7 لأنك بتكرفينهم ........


قمصان النوم اشتري 7 مثلا ،،،2 طوال 5 قصار ...غير حق ليلة الزواج ....


الأطقم والتيورات من صحاري وغرناطة وخريص ،،...
وشوفي إذا كان سعره غالي واللبس حلو اشتري وأنت مغمضة …


بالنسبة للفساتين اشتري لك أو فصلي كم واحد ناعم وواحد أو اثنين فخمات مرةةةةة


الشنط والأحذية آخر شيء شوفي أيش الألوان للبسك ..واشتري .. علشان تكون الجزمة لكذا لبس وفيه ألوان
أساسية//// أسود وذهبي ...

العطورات عندك ستيلا .فلاور بومب .ميس ديور .نرسيسو . ألور .
اشتري لك ه وواحد مع مجموعته .....أنا 5 وخلصتهم كلهم لأن السيد يستخدمهم معي ...

خذي لك مجموعة من بودي شوب أونكتار ...
فواحة وعطرها ...
المسك السائل من عبد الصمد .
أنانيا ، كريم ملمع من بودي شوب .
ودهن عود وأنت اختاري ....
عطر مفرش ومخمرية .
خذي لك مفرش عند نمارق ممكن يعجبك.
استشوار.
ألة شعر إمجوي .
غسول وجه ومقشر جسم .
بودرة أطفال وزيت أطفال حلوة أحيانا...
فرشاه +معجون
غسول للفم
طقم أرواب
شموع وحركات.
طقم شنط سفر

المكياج /// الأساس ديور أو كانيبو .
الأرواج كم لون وعندك العلبة اللي بالريشة حلوة يكون فيها اللون بتدرجاته....
وعند لانكوم روج على لمعة حلو ..
واشتري لك ملمع شفاف وملمع وردي للبيت ..
الحمرة ثنتين وحدة ماركة وحدة عادية للبيت ..وغيره ،، ولا تروحين إلا بورقة كاتبة فيها الأغراض وماركتها
لأنك بتحوسين وخذيه من وجوه ...


في السفر خذي هذه القائمة بالإضافة إلى الأشياء الضرورية :::

مطهر ديتول صغير .
فازلين .
فوط .
كلوتات الاستعمال الواحد مريحة جدا طبعا في الطلعات وتلبسينها مع نص.
مناديل معطرة * علب علك *حلاو الفم تكون معك ...
جل المعقم ما يحتاج ماء ــ قبل العشاء تضعينه.


وآخر شيء هديةله حلوة ... من ذوقك .
وأي طلب ,,, لا تستحين يا اختي ...
:42: :42: :42:

على حسب مهرك ياعزيزتي جهزي نفسك

اول شي لازم تشووفي تقدرين تفصلين فستان الزواج اووو راح تشترين اوو تستأجرين

والفساتين واحد للصباحيه وثاني للاي مناسبه

بعدين اشتريلك ذهب بس لاتكثرين يعني ثلاث او ارع اطقم مع ساعه ماركه

بالنسبه للعطور اشتريلك مجموعه عطر مع اللوشن يعني 4 عطور كذا

اشتري مفرش غالي للسرير ومفرش ثاني اقل منه بشووي بسعر

لاتنسين تاخذين لك روب حمام ويفضل اثنين بمودليين يختلفون وبألون مختلفه

وبعد لاتنسين تشترين لك جوال جديد اذا ماعندك شي جديد

بالنسبه لقمصان النوم نوعي فيها شي قصير وشي طويل وشي شورتات ستان

يعني مثلا اخذي لك 7 قمصان طوال10 قصااار و7شورتات

والاندر وير اخذي مثلا 12 طقم

اخذي لك للبس للبيت تنانير قصيره مع بديات مثلا 8 وبناطليين جينز وبرمودا مع بديات بعد مثلا 8

واخذي لك 3 جلبيات فخمه للاستقبال

واخذيلك 8 اطقم بلات شي تنانير وشي بناطليين

وفصلي لك عبايتين

واخذيلك شنطتين ماركه

والجزم الوان ممكن تمشي مع ملابسك مثلا الابيض والاسود والبيج والذهبي والفضي اظن راح تحتاجينهم

اشتري لك اكسسوارات عشان تلبسينهم مع قمصان النوم

والمكياج اشتري على حسب ميزانيتك بس لاتكثرين بالنسبه لظلال العيون يفضل اللي تجي كذا لون بعلبه

ولاتنسين ادوات النظافه من شامبوات ومعجون اسنان وجل شور وحمام زيت وبودرا وديودرنت ولوشن للجسم وغيره

وبعد لاتنسين تاخذين لك استشوووار وبعد لو تحبين تعملين لنفسك بديكير ومنايكير بالبيت وتشتري هالجهاز يبيعونه بـ يومارك وبعد اذا تحبي تشيلي شعر جسمك بأله

ونظمي نفسك في تسوق

يوم للذهب

ويوم للملابس الداخليه وقمصان النوم

ويوم للملابس الاستقبال والعزايم

ويوم لملابس البيت

ويوم للجزم والشنط

ويوم للمكياج والعطور

ويوم للاكسسوارات

ويوم لمفرش سريرك واوراب الحمام والفووط