عروس مكتئبة

الف مبروك والله يتمم لج على خير

شفيج جذي مكبره السالفه؟ ماتسوا عليج

تقولين الريال يحبج ومو كل وحده فينا ملكة جمال والا مانيكان مثل اللي تشوفينهم بالتلفزيون

كلنا فينا وايد عيوب من اللي تقولين عنهم وزين منج انج بديتي تخفضين وزنج والترهل اللي ذكرتيه راح يروح ويشد جسمج بس انتي امشي يوميا ساعه وبتشوفين النتيجه بسرعه

وسوي تمارين للبطن وراح يشد

بالنسبه للسواد ففيه كريم قريت عنه هني بالمنتدى اسمه سباركلنغ اعتقد من لانكوم او كلينك مو متاكده انشالله الاخوات يفيدونج او اسالي عنه بمحلات التجميل لان الكل مدحوا فيه يبيض بسرعه لكل الاماكن

اختي مافينا وحده الا تشكي من مشاكل من هالنوع والكمال لله وصدقيني راح تطلعين احلى عروسه خاصه انه يحبج ووجهج حلو وصدقيني هذا الاهم وهالتفاصيل انسيها مالها معنى والله

تسحرين زوجج برقتج وروحج ومعاملتج الحلوه قبل شكلج واهتمي بلبسج ومكياجج وعطرج

ولاتفتكرين هالاشكال اللي تشوفينهم بالاغاني من الله اشكالهم جذي اغلبهم شغل صالونات

اذكري الله يابنت وانسي هالمخاوف بس امشي وعسى الله يشرح لج صدرج ويشوفج بعيونه احلى وحده بالعالم :)

الله يخليك انشاء الله ياجويل وشكرا على ردك ما قصرتي بس والله انت ماتتخيلي كيف هذي المشكلة مجننتني وهذي الخطوط كيف تروح على الأقل الي في الذراعين عشان بس البس حلو

حبيبي لا تكونين جيه متشائمة كل شي وله حل ان شاء الله ....

ولو تبين أي كريم روحي موقع السيدة هند وهي بتفيدج ان شاء الله لأن سمعت إن وايد استفادوا من منتجاتها ...

وهذا هو موقعها ....

http://misshind.aq8.net/

اتمنى لج الافادة عزيزتي ...

تحياتي:
غيــــــوض

شوفي يا قمر....
طبعا فيه اشياء لالالالازم تسوينها باستمرار... اهمها الرياضه...
لازم تسوين رياضه تشد لك المناطق المترهله...

بالنسبه للنعومه و الصفاء... جربي تسوين حمام مغربي مرتين اسبوعيا.. و افركي من الاسفل (القدم) الى الاعلى (الرقبه).. وبعد ما تخلصين حطي كريم زبدة الكاكاو من بودي شوب.. روووعه..
يوميا مع كل استحمام سوي ماسكات للجسم... جربي الطحينه مع الليمون و الزبادي.. افركيها على جسمك قبل الحمام بربع ساعه.. وبعدين اتسبحي........ هذي بتعطيك نعووومه ولا اروع..

البياض واللون المتوحد... اخلطي ملعقتين كبار نشا مع ملعقه كبيره حليب بورده و عصير ليمونه و موية ورد...
حطي هالخلطه على كامل الجسم او على الاماكن الغامقه فقط... استني شوي -10 دقايق بالكثير- عشان تنشف بعدين البسي بجامتك و نامي.."ترى ما تضايق ابد" والصبح غسلي جسمك...بتشوفين نتايج خياليه بفتره اسبوع واحد..لكن مع الاستمرار..
الاماكن الغامقه بجسمك جربي سكراب من كلينك اسمه سباركلنغ كريم.. لون ازرق و غطاه فضي.. افركيه على المناطق اللي تحتاج او على كامل الجسم... حاولي تفركين بشكل دائري بعد ما تخلينه على جسمك 5-10 دقايق.. وغسلي... وافضل بعده تحطين خلطة النشا و الحليب..لانه الجلد بيكون نظيف و الجلد الميت اتقشر.. فيتقبل الماسك بسرعه.....
الصدر عشان يشد تحتاجين تسوين رياضه... و يوميا افركي بقطعة ثلج من موية الورد لين تذوب.. افضل تسوينه مرتين يوميا... راح تحسين بفرق كبييييييييير....
نصيحتي لك تسجلين بنادي رياضي و تشوفين خبيره فاهمه بامور الرياضه.. و تعلمينها عن الاماكن اللي تحتاج تنشد.. وهي بتعلمك اي الالات تناسبك...

وحاولي تطلعين على موضوع حبيبة قلبي "سنيوريتا"... فيه اشياء كثثثثثثثيييييييييييييييير ممكن تفيدك...
هذا الرابط موضوع سنيوريتا

همسه..:26:
اعلمي ان الله قريب يجيب الداعي اذا دعاه... اكثري من الدعاء.. واعلمي ان الرجل اذا وجد لديك ما احب من خلق.. رآك اجمل النساء...
لك مني اصدق دعواتي يا قمر... والله يسعدك:27:

صدقيني حبيبتي النظافه الشخصيه اهم شي

خلي دايما لبسك حلو وشعرك مرتب وريحتك معطره

حاولي تستخدمين بعض الخلطات للشد والنعومه والتفتيح من المنتدى

وفي غرفة النوم خلي الاضاءة دايما خافتة يعني ولعي وحدة من الابجورات

وشوفي كيف اضاءتها تضفي عليك لمسة جمال وتخفي كل عيوب جسمك غير الجو الرومانسي

بعدين الرجال اذا كان يحب زوجته ومقتنع فيها لو كل عيوب الدنيا فيها مايلاحظها

تمنياتي لك بحياه سعيدة .