عروس منصدمه

السلام عليكم
ماادري وش بكتب لكم ولا كيف بتكون افكاري لاني جد منهااااره مره انا عمري 23 سنه توني عروس ماصار لي أسبوعين ومنصدمه مره من زوجي بفتره الخطوبه كان يموت بالتراب الي امشي عليه واي وقت اتصل محدد لي نغمه ويرد علي طول لو نص الليل وحتي الواتس أي وقت اكتب علي طول يرد هذا غير الدلع أي شي اطلبه او ابيه بدون لا أقول يوصلني لدرحه مره الساعه 1 بالليل قلت له مشتهيه بيتزا وطلع يدور مطاعم لين لقي مطعم فاتح وجاب لي 3 بيتزا حتي اهلي استغربو ومسافه بين بيتنا وبيتهم اكثر من نص ساعه ومواقف كثيره ومره تصخنت وجا وداني المستشفى وسوا هليله وصار يوميا يجي يطل علي لين شفيت هذا غير انه ابوي محدد له يوم بالشهر يشوفني وكان يتصل يبكي ويقول ابوك قاسي وانا مااستغني عنك ولو يوم مو بعد شهر ومن هالكلام جد حسيته مو بس يحبني يمووت فيني
من بعد الزواج وبدون سبب قل اهتمامه كثير لو بس شوي بسكت او النص بقول معليش لكن صار العكس تماما ادق عليه وهو بالشغل مايرد اطلبه أشياء بسيطه مره يقول نسيت او يتلكع ومستحيل مايحبني او ماعجبته لانه وقت حقه الشرعي يكون متلهف عليي زي المجنون بس غير كذا لا كاني وحده من الشارع لا اهتمام ولا سؤال ولا شي ابد ولا كاني موجوده انا مره منصدمه من معاملته ولما قلت له قال لي يتراوي لك وانتي معاي ببيت وكذا مو زي اول بس مو لدرجه اتصل او امرض ويطنش مره صرت أخاف علي نفسي معاه واحس اني جاريه فقط للجنس وخلاص مو قادره اتحمل اكثر هذا بس أسبوعين وكذا بعد سنه وش بيصير انصحوني وش اسوي قبل لا انجن تكفوووون
المشكله تخص عضوة ياريت ماتقصرون بالمساعده