الله ايوفقها واييسرلها خطاها وايوقفلها اولاد الحلال في كل خطوة
والله يباركلها بمهرها ويطرح فيه الرزق على قد نيتها
ولا تنسون الحديث صراحة مني متذكرته حرفيا بس كان ودي وحدة تكون كاتبته
اللي هو بما معناه أيسر النساء مهورا أكثرهن بركة
والله يباركلها في مهرها ولا تكثر زي ماقالوا الأخوات ممكن شهرين وتحمل وكله يضيق وممكن تشتري الباقي أول بأول حسب الموضة اللي تنزل يعني ماتجمع جهاز سنه كاملة بس شوي على قد مهرها واللي جابوا المهر أكيد عارفين كيف بيكون جهازها بهذا المبلغ
يعني لاتشيل هم وقوليلها بالنيابة
مبرووووووووووووووووووووووووووووووووووووووووووووووووووووووووووك ياعروس

ماشاء الله عليها ..

الله يطرح فيها البركة

كلما قل المهر كلما زادت بركة الحرمة ..

و أهم شيء الذوق مو السعر الغالي ..

و الله يوفقها ..

هلا حبيبتي و لا يهمج و شوه يعني ان المهر 15 الله بيبارك لها ان شاء الله و ييسر أمورها ... صدقيني يا حياتي انا مفصله زهبه بسبعين ألف درهم و ألحين ندمانه ندم عمري على كل هالفلوس اللي راحت في خلاقين لا راحت و لا يت و ياريت انه نفعتني في شي بالعكس بعد الزواج اكتشفت ان الزواج مش لبس و بس لا يحتاج لصبر و نفس طويل و ذكاء من الزوجه علشان تكسب زوجها و الحمدلله الله و فقني بس بعدني حاسه بالذنب على كل الفلوس اللي راحن على ثياب ما لبستهن أكثر من كم شهر لاني بعدها حملت و تغيرت المقاسات و اضطريت أجهز من أول و جديد :16:

المهم هاي كمن فكره في شي أنا سويتهن و شي شفتهم على ربعي و عجبوني مووت

و حده من أهلنا فصلت فساتين زهبتها كلها حمالي يعني عاري و لهن جاكيتات قصيره و كانن الجاكيتات على أكثرمن شكل و بصراحه كانن حلوين و يوم سألناها ليشششششش؟؟ قالت علشان أقدر ألبس هالفساتين في السهرات الخاصه يعني اللي نكون فيها مع بعض بس طبعا بدون الجاكيت ... يعني ينفعن يلبسن اذا معزومه عند ناس وينفعن حق حركات الدلع و بصراحه هي فصلت حركات ناعمه

و وحده أعرفها إشترت تنوره عاديه ساده و راحت ركبت عليها من تحت دانتيل و من نفس الدانتيله فصلت قميص من القمصان الفضفاضه و اشترت له توب من نفس لون التنوره و ما تتخيلين ما كلفها وايد و راحت به حفله

أما هاي فكانت صدق فكره ذكيه ...وحده من البنات لابسه جلابيه مغربيه فخمه و كل البنات عجبتهم و نص حلاة المغربيه في قطعتها و تخيلي في الاخير شوه اكتشف انه القطعه هي شوووووووه طلعت الحبيبه شاريه مفارش الطاولات الكبار بس حلوه و طبعا سعرها رخيص و نسقتهن مع بعض و سوتها مغربيه :30:

و أهم شي إنها تدخل هالعرس بنفسيه حلوه و مفتوحه و ما تهتم بالثياب لا تهم بنفسها و شخصيتها أكثر جدام ريلها و صدقيني المحبه من الله الله يوفقها

هلا حبيبتي .. أولا الله يوفقها ويسعدها يارب ..
وبقترح عليكم اقتراحات أتمنى تعجبكم ......




1- فستان الزواج : اذا كان فيه وحده تعرفها متزوجه قريب وممكن تعطيها الفستان يكون أحسن وأوفر .. وإذا ماقدرت مثل ماقالت أسيرة السراب تستأجر لها فستان ...

2- التسريحة والمكياج : الأفضل انها ماتقول للكوافير انها عروس لأنها بتأخذ منها ما لايقل عن 1500 ريال ... والمكياج والتسريحه هو هو مايختلفون

3- الملابس الداخلية : فيه في الرياض مركز سناء – آخر فرصة أسعارهم مرررررة حلوووووووة وبتلقى عندهم أشياء حلوه

4- الجزم : vincci فروعه في (صحارى – العليا مول – الفيصلية ) صنادلهم ناعمة وأسعارهم مرة حلوة

5- العطورات والمكياج : تشتري 3 عطورات واحد منهم يكون قوي(فرزاتشي- كوكو مادموزيل – سينما- برادا الجديد – بيور بويزن- فالنتينو) ينفع للسهرات والباقي يكون خفيف ... العطور والمكياج تشتريهم من المصباح اللي بشارع السويلم .

6- الذهب : لاتشتري كثير لأن الناس بيهدونها .

7- ملابس الطلعات : تستغل التخفيضات وتشتري قطع ألوانها محايده مثلا تنانير ألوانها محايده (اسود- بيج – ابيض - بني) ممكن تلبسهم مع بلايز بألوان مختلفه

8- ممكن تشتري طقم صندل ناعم مع الشنطة تكون ألوانه ربيعيه يعني فيه أكثر من لون علشان تلبسه مع كذا طقم ملابس .

9- إكسسوارات فيه محل بسويقه يبيع اكسسوارات حلوه واعتقد اسمه (البندري) ..

10-مفرش السرير والسجادات : من المعيقلية .....

اتمنى أكون أفدتكم والله يوفقها يااااااااارب :)

أسأله سبحانة وتعالى أن يحرم هذه الوجوه عن النار ... ربي يسعدكم دنيا وآخرة .. ولا يحرمكم الأجر ...
أمها تدعيلكم ... وتشكركم ..ما أعرف إيش أقول الله يجمعنا بكم في الجنة ...آآآمين