اتفق مع الأخت صمت الجروح في كل ما قالته وأذكر لك ما كنا نسمعه من أساتذتنا في الكليه ايام الدراسة وهم يشرحون لنا وسائل منع الحمل وأنواعها كانوا يقولون ان الحبوب تسبب عقما مؤقتا بعد التوقف عنها لفترة تصل الى ستة أشهر وفي بعض الحالات تطول الفترة أكثر وأحيانا لا تعود خصوبة المرأة الى ماكانت عليه ابدا
وكانوا ينصحون من تريد استعمال هذه الوسيلة بالا تستعملها قبل الطفل الأول
اذا أردت منع الحمل مؤقتا استعملي الوسائل الموضعية واستخيري قبلها واستشيري طبيبة
حبيبتي بنت مجرن آلمني كلامك كثيرا لكن تذكري انه لا يأس من رحمة الله واعلمي ان العلم يثب كل يوم وثبات هائلة فلعل الله جاعل لزوجك مخرجا (بالمناسبة أخبرتني الطبيبة التي اجرت لي الحجامة انها رأت حالات لرجال اجروا الحجامة وأفدتهم كثيرا)
الله يرزقك أنت وزوجك من فضله بالذرية الصالحة آمين

أختي MANNAR
الحمدلله أنا صابرة أختي .. ها الشي قضاء و قدر .. و أنا مؤمنة إن الله يريد لي الخير .. بالنسبة للتلقيح أختي أنا جربت خمس مرات .. بأحدث الطرق في بلجيكا .. للأسف ما صار حمل .. لأن نسبة النجاح 1% ، أنا متوكلة على ربي .. و بستمر بإذن الله على الدعاء و الاستغفار ..
الله يرزقني و يرزقج أختي الذرية الصالحة ..

أختي بل الصدى ..
جزاج الله خير على كلامج اللي يثلج الصدر .. زوجي احتجم أكثر من مرة .. خذنا بكل الأسباب .. نحن ما يئسنا .. عندي أمل كبير أن الله بيرزقنا العيال .. بس يباله صبر و طول البال ...
الله يصبرنا و يرزقنا جميعاً الذرية الصالحة .. آمييييييييييين

مشكورين حبايبي على المرور والرد ماقصرتوا والله يجزاكم خير جميعا ويوفقكم دنيا واخرة ويرزقكم الذريه الصالحة ويخليلكم ازواجكم ويسخرهم لكم اللهم آمين ...
شكلي ابستخير واروح لدكتورة هذا الحل النهائي .....
بنت مجرن ياحبيلك والله
ترى ماندرى وش الخير فيه وخلي الامل في ربي كبير ربي مايكتب الا الخير والله يرزقك الذريه الصالحه ويبارك فيهم ويخليلك زوجك يارب .......

حبيبتي بنت مجرن
"ومن يتوكل على الله فهو حسبه" هذه هي البشرى لك من الله وقوله الحق والله عند ظن عبده به كما يقول في الحديث القدسي وما دمت تحسنين الظن بالله فأبشري بكل خير وتوسلي انت واختك وزوجاكما الى الله بصالح الأعمال تنفرج الصخرة باذن الله
لا تنسي ان تبشرينا وباذن الله يكون قريبا جدا

طيب يابنات ماينفع انها تاخذ حبوب اول شهرين وبعد كذا تركب لولب ولا مستحيل وهي لسى ماانجبت؟ لان اللولب احسن شي جربته بصراحه ومايأثر على العلاقه الزوجيه والنفسيه والجسديه بالعكس ولا كأنه فيه شي ماشالله